سواليف مرره عشوائية بس أكثرها عن الشعر 😩

 قبل شهر تقريبًا جتني رسالة على الإيميل فيها تأكيد معلومات الدفع لدومين مدونتي (نطاق / رابط خاص مدفوع) 

وجتني حالة إدراك إنه وااو متى آخر مرة كتبت تدوينة؟ أو متى آخر مره عالأقل جا على بالي أكتب تدوينة؟ أحس اني في هالمرحلة الحياتية -الأمومة- صرت مركزة أكثر على المسؤوليات الجديدة المرتبطة بالأمومة  بس لدرجة ماقد جا على بالي في يوم أكتب شيء؟

من فترة لفترة أفكر أقول وااو معقول كنت في يوم من الأيام كذا يعني أي شيء أبغا أسويه أقوم أسويه عادي وبالمدة اللي أبغاها!  مرره غريب! نسيت الشعور صدق  الحين وقتي أبدًا مو بكيفي وأتوقع كل أولوياتي الحياتية تغير ترتيبها

لكن! أنا واعية جدًا ومدركة إني الآن نسخة أفضل (Updated version of me) أكبر وأنضج وأعمق -نقول إن شاء الله؟! - بس فعلًا مبسوطة بنفسي الحين ولا أفكر كثير كيف زي ما يقولون "أستعيد نفسي القديمة" لأني ما فقدتها الحمدلله  بس هي زي ما قلت ترتيب الأولويات تغير..

لتكملة القراءة..

4 comments مجرد أفكار 💭

قصة ولادتي كاملة (ومدخلة جوالي غرفة الولادة بعد عشان أوثق!😀)

لما جهزت كل ما يتعلق بالطفل والمستشفى والاستقبال بدري -تحسبًا لحالة الولادة المبكرة- صار ما عندي شيء أسويه 

ومن بعدها صرت أحس الأيام (بالذات الشهر التاسع) طوييييييييل! وصرت مرره أركز على جسمي والثقل وأبحث بتمعن إذا فيه عرض من أعراض الولادة من هنا وإلا هنا  بس بالواقع مافيه ولا أي علامة إنه الولادة قريب وهالشيء زاد من طفشي أكثر.. المشكلة كنت كل ما أتحلطم لأحد يقولون رواان عادي ترا البكرية يمكن تدخل العاشر ومره طبيعي تتأخر << مدري كيف مفروض هالكلام يريحني هههههههه مع إني مره أعرف هالمعلومة زيين بس وقتها كنت أقول أنكرها ببيني وبين نفسي أقول أكيد هم يحطون سالفة الشهر العاشر للي ماهم متأكدين من المواعيد وكذا وعشان البكرية ما تقلق! << كأن هالكلام تماما ما ينطبق علي 

لتكملة القراءة..

9 comments

وش صار وايش ما صار خلال التسعة شهور اللي فاتوا (سواليف رحلة الحمل مع تكيس المبايض)

 يسس هاذي المرة الثانية إللي أكتب فيها هالتدوينة.. وحبيت أوثق فيها رحلة التسعة شهور اللي فاتوا -تقريبًا- 

وقررت أنزلها في اليوم إللي بأودع فيه هالمرحلة الجميلة  أما الوقت الفعلي لكتابتي لهالتدوينة هو يوم 26/فبراير/2023 << واللي يوافق 6 شعبان 1444هـ! << يس ندعو الله إني ما أفطر رمضان كله عالأقل! 

اليوم أنا بالاسبوع 38 ويومين! (يعني في نص الشهر التاسع) تطبيق فلو يقول إنه بطني بحجم الخربز << بس عاد أنا أحس إنه الخربزة حقتي بالغة عاقلة .. من قدام اللاااه كيوت وبطني صغيير! وبعدين ألف على جنب وووه تبارك الله هههههههههههه 

لتكملة القراءة..

13 comments أمومة | motherhood, تجربتي | Review, متلازمة تكيس المبايض | PCOS 🌿, يوم في الذاكرة 💭

سوالف خاثرة يبغالها فصفص! 😆 -تحديث في مجريات الحياة وكذا!-

 

يا هلا يا هلا 

آخر تدوينة كتبتها في رمضان، على إنه كان عندي مواضيع كثير وعدتكم أكتب عنهم ومواضيع أكثر انطلبت مني وكنت متوقعة إني بأفضى لها بالصيف << مدري ليش توقعت هالشي وأنا مو طالبة  بس الزبدة إنها ما ضبطت معي.. 

وقتها كان ببالي إني بعد إجازة عيد الأضحى إن شاء الله (يعني بعد ما أرجع من الجمعة الصيفية في بلجرشي) بيصير خلاص أقدر أرتب وضعي وأرجع للروتين وأكتب.... لكن صار شيء في هذيك الإجازة قلب كل الموازين!!! 

لتكملة القراءة..

16 comments أمومة | motherhood, متلازمة تكيس المبايض | PCOS 🌿, مجرد أفكار 💭

قبل نص رمضان: لحقت بتدوينة عن شكل ليالي رمضان! 🌙😍

 مرحباا! 
اليوم الأربعاء، 13 أبريل 
الموافق: 12 رمضان! 

الساعة 4:34 العصر 

بالعادة لما أقرر أكتب تدوينة في رمضان فهي بتكون في بداية الشهر عالأغلب، أسولف فيه عن الحماس والتجهيزات وووو 
بس هالشهر  كنت مرره مشغولة بالدوام وعندي مشاريع لازم أسلمها وعلى لخبطة النوم والتهيئة لرمضان حوسة حوسة، كان آخر شيء ممكن أفكر فيه إني أكتب تدوينة بصراحة 

بعدين استوعبت إني العام برضو ما كتبت تدوينة رمضان رغم إني كنت مصورة كل شيء ومجهزتها  وقتها كان أسهل لي وأمتع لي إني أوثق في الريلز بحسابي الانستقرام، بس مدري ليه مؤخرا ضاق صدري لما خفت إني بشكل تدريجي أسحب على المدونة! مررره لااء! 

فقلت مو مشكلة روان، مو لازم يكون كلام مرتب وفيه رسالة وفلسفة، مو دائمًا يكون القارئ يدور فايدة << والا؟ 

عاد بخصوص تجهيزاتي الديكورية لرمضان، فأنا أحب إني لما أقرر أشتري ديكور أحرص إنه يكون مرررررررررره عاجبني + يناسب باقي الديكورات بحيث يصير الثيم موحد + (لو فيه لمبات وإضاءات) أحرص إنها تكون تنشبك كهرباء مو بطاريات << لأنه البطاريات تغث ما تتحمل طول الليالي اللي نسهرها في رمضان 

لتكملة القراءة..

3 comments أسبوع في حياتي, رمضان ☪, قهوتي | My Coffee ☕

مفكرة إنجاز 2022م - رأيي في البلانر الجديد! 😭💘

مرحبًا مرحبًا! 

ياربي مشتااقة لكمممممم! ومشتاقة للمدونة والكتابة فيها لدرجة قمت أحس هالجملة صايرة كليشيه مؤخرا من كثر ما قمت أكتبها في تدويناتي! 

المهم!

من بعد الإنقطاع كنت كذا مستحية أرجع شويا، فكنت مقررة إني أخلي هالتدوينة أجوبة على أسئلتكم إللي طرحتوها لي عالإنستقرام ستوري.. وكانت الخطة ماشية كذا إلين ما وصلتني اليوم الأجندة حقتي اللي طلبتها للسنة الجديدة!  أول ما فتحتها قلت لالالااااا لازم أسوي عنها تدوينة لازم أستعجل عشان إللي لسى ما اشترى يمكن يتحمس لهاذي!  

لتكملة القراءة..

4 comments Shopping | تسوق 💸, تجربتي | Review, تخطيط وتنظيم | Planning & Organizing ✨

العودة للأساسيات الحيـاتيـة | تجارب 🌿

الحياة كل مالها تصير أسرع، نحس مرات إننا مو قادرين نلحق نسوي شيء في الـ24 ساعة اللي بيدنا!

يمكن سرعة الحياة لها دور تخلينا نبحث عن حلول تساعدنا على تسريع أبسط مهامنا اليومية، ويمكن ضيق الوقت يخلينا نتجنب التفكير والتمعن في سلامة هالحلول؟

أو يمكن هالحلول كانت موجودة من أول ما انولدنا وأخذنا وجودها من المسلّمات وما فكرنا فيها كثير

<< أو اممم يمكن كمان مرات نجنب هالنوع من التفكير عشان (مالنا خلق نغير شيء تعودنا عليه)!

التغيير صعب.. أتفق!  

بالذات إذا كان الشيء مريح وتغييره قد يستهلك الكثير مننا..

عشان كذا أنا تمامًا ضد التغيير المفاجئ، والالتزام بالأشياء الكبيرة فجأة، لأنه بدايتها يكون الوضع حمااااس بعدين يصير صعب وشاق وتبدأ الإنتكاسة اللي تسبب الشعور بالخذلان..

لتكملة القراءة..

2 comments Bucket List | قائمة أمنياتي 📜, Healthy Lifestyle | نمط حياة صحية 💪, تجربتي | Review