صباح الخير،
كنت طالعة أتمشى وفي لحظة عطش مخي قرر يطلب لونق شوت من بارنز ورويت فيه عطشي الحمدلله ☕️ لهالسبب أنا صاحية الساعة ٣ قبل الفجر وحسيت أخيرا عندي الصفاء الذهني والوقت "المتواصل" الكافي اللي يخليني أقرر أكتب هالتدوينة المؤجلة من وقت طويل!
المهم..
أنتم يا صفوة القوم ♡ اللي تقرون تدوينتي الحين ♡ أحبكم من كل قلبي وربي الشاهد! 😔💕
أدري التدوينات والمدونات قامت تندثر، وكل صديقاتي البلوقرز أخذتهم الحياة لطرق مختلفة.. وبعضهم ما زال يكتب وينشر الفائدة بس في منصات ثانية وبطرق أكثر اختصار من المدونة.. كلنا نحمل ذات الشكوك، يعني هل فيه أحد يقرا تدوينات؟ بالذاااات مع الAi؟ طيب هل فيه أحد ياخذ ريفيوز واراء برا الانستقرام وتيكتوك؟
وحقيقي أفهم هذا النوع من الجهاد مع الذات جدًا، هل أنا بلوقر والا لا؟.. بالذااات بعد الأمومة تخبطت كثير في وضعي الجديد (هو صحيح صالح عمره سنتين ونص بس ياخي كل فترة هي جديدة علي! 😩) المهم إنه قائمة أولوياتي تشقلبت ووقتي صار جدًا ثمين، وأحاول أدير مهام كثيرة وأدحش بينها مهام عملي الإبداعي اللي يحتاج وقت متاح للتأمل والتغذية الذهنية والصفاء الروحي والوقت المتواصل للعمل حتى أقدر أطلع بنتايج ترضيني! 😩
<< حتى قلاين حبيب القلب كل مره أقول بأرجع بقووة! اشتريت دومين وعدلت على المتجر واشتغلت على خطط للتطوير وبديت في التنفيذ بعدين أخذتني مشاغل الحياة لبعيييييييييد! 🌬
صدق ترا مرره شعور مؤلم إني أدري إني إذا سويت الشيء الفلاني بأحس بالرضا والانجاز اللذيذين بس فيه مهام صارت أولى أكيد، ولو جينا عند الصدق!
مهامي الجديدة كمان حلوة ولذيذة! 🍬 فما أبغا متع الماضي تحجب عني رؤية متع جديدة ما كنت أعرفها ولا ابغا يمر الوقت وأتحسف إنه كان عندي فرص رهيبة للسعادة ما استغليتها عشاني كنت اطالع ورا << فاهمين قصدي؟ 🙃
لهالسبب أنا في صراع، بخصوص ذا روانز، مدونتي الجميلة، متأكدة إني ما راح أقدر أرجع أكتب زي السابق، ما أبغا أصير مثل الأشخاص اللي طول الوقت يحنون للماضي، ما يقدرون يرجعون لأمجاد الماضي ولا يقدرون يتخطون ويعيشون مستقبلهم..
أنا ما عدت بلوقر.
واهتماماتي تغيرت في الواقع، ولا صار عندي شغف المشاركة 🥴 << يمكن أسولف واتحلطم في الثريد بس اكيد مو حركات بلوقرز وريفيوز .. حساباتي بالسوشال ميديا صارت خاصة، والتويتر من يوم صار اكس وأنا حطيت عليه اكس!
اممم وش بعد؟ 🥱
ايه! في الغالب إن مدونتي هاذي بتكون الأخيرة، وباوقف دفع قيمة اشتراك الدومين وباتركه بالرابط حق blogspot يعني التدوينات بتكون موجودة للي يبحث عنها لكن مو بعنوان therawanz.com .. كتبت مواضيع كثيرة كانت دسمة وغنية بالمعلومات لدرجة chatgpt تعرف على مدونتي اثناء سواليفي معاه .. ياخي حتى قوقل بكبرها ما سوت أي تحديث في بلوقر من عام الفيل 🥲 يعني مدري كيف أحس نهايته قريبة فهل ألم عفشي بكرامتي؟
يمكن فوتتكوا بعافية ويمكن لا!
أهلا روان، إلي تمرين فيه طبيعي جداً مع التغيرات الجديده إلي قاعده تمرين فيها خوصوصاً وإنها تغييرات جديده (مثل وجود طفل صغير) ولكن بمرور الوقت بتعتادين وبيكون عندك فراغ اكثر للكتابة ومواضيع وتجارب من نوع آخر عادة ماتكون أكثر نضجاً وقيمة من تجاربك السابقة قبل مرحلة الأمومة.
ReplyDeleteلذلك نصيحتي لك لاتنظرين للكتابة والتدوين وكأنها عمل متواصل يجب الإلتزام فيه ثم تشعرين بأنك أهملتيه فتقررين التوقف مطلقاً!
لكل شيء وقته المناسب
دعواتي لك بالتوفيق ❤️
قوقل تخلت عن blogspot من زمان .. وانا تخليت عن متابعة المدونات لكن ما اقدر اشوف روان منزلة تدوينة وما اقرأها ..
ReplyDeleteفعلا صار وقت التدوين في اماكن أخرى، حاليا صار الانستقرام هو مكان التدوين عند الاغلب