وش صار وايش ما صار خلال التسعة شهور اللي فاتوا (سواليف رحلة الحمل مع تكيس المبايض)

 يسس هاذي المرة الثانية إللي أكتب فيها هالتدوينة.. وحبيت أوثق فيها رحلة التسعة شهور اللي فاتوا -تقريبًا- 

وقررت أنزلها في اليوم إللي بأودع فيه هالمرحلة الجميلة  أما الوقت الفعلي لكتابتي لهالتدوينة هو يوم 26/فبراير/2023 << واللي يوافق 6 شعبان 1444هـ! << يس ندعو الله إني ما أفطر رمضان كله عالأقل! 

اليوم أنا بالاسبوع 38 ويومين! (يعني في نص الشهر التاسع) تطبيق فلو يقول إنه بطني بحجم الخربز << بس عاد أنا أحس إنه الخربزة حقتي بالغة عاقلة .. من قدام اللاااه كيوت وبطني صغيير! وبعدين ألف على جنب وووه تبارك الله هههههههههههه 

بس عشان أكون صادقة، الحمدلله يااارب أنا أصنف حملي بالجميل الخفيف اللطيف << أكيد يبقى حمل "وهن على وهن" ويتخللها أكشنات.. بس إجمالًا حسب ما قرأت وسمعت ورأيت، كنت حاطة كل الإحتمالات ومستعدة لوحام شديد وإني أتجنب الناس وإني أوقف اشتراكي بالنادي من قوة التعب.. لكن من لطف ربي وفضله عليه ما حصل هالشيء.. خلوني أحكي لكم عن تجربتي في كل ثلث من حملي حبة حبة 

الثلث الأول من الحمل:

طبعًا كان خبر إني حامل أكبر مفاجأة تلقيتها في 2022 بالذات إني كنت واثقة جدًا إنها بس أعراض ما قبل الدورة! وكنت ماخذة راحتي بالحركة والقومة والقعدة واليوم اللي قبلها شايلة كرتون مويا للدور الثاني والحياة حلوة  

طبعًا أنا من قبلها وأنا أكلي صحي وأشيل حديد ومهتمة بجسمي، ففكرة إني أوقف الحياة وآخذ وضعية المريضة كانت فكرة شوي تستفز كبريائي  بس ما يمنع إني أستغل الوضع وأقبل بعض الدلال على نفسي 

بالنسبة للوحام، كان خفيف إلى حد كبير، يعني فيه أشياء صرت مرره ما أشتهيها زي الحلى واللحوم وأكل المطاعم! << مرات أقرف بس موو لدرجة إللي تحوم كبدي وأستفرغ وكذا << ااه على طاري حومة الكبد  سويت شيء غبي شوي -آسفة لنفسي على جهلي وبأكتب لكم اللي صار للعضة والعبرة-  أول ما عررفت إني حامل قالت لي أختي الكبيرة خذي حبوب مثبتة الآن من أقرب صيدلية!

وانها آمنة وكل الحوامل ياخذونها وووو واستشرت صيدلانية العائلة وقالت بكيفك عادي تقدرين تاخذينها بس ترا بتزيد وحامك وكذا بس ما منها ضرر وكذا.. وفعلا أخذتها حسب الطريقة المعتمدة، ولما زرت أول طبيبة وجلست تسألني عن تاريخي المرضي وقلت لها إنه عندي تكيس / وسألت متى تزوجت وقلت لها من 7 سنوات / و إنه ما سبق لي الحمل قبل كذا << بس طبعًا ما قلت لها إني كنت آخذ موانع أو إني ما كنت أحاول وهاذي المعلومة كانت راح تغير كثير! لأنها قالت اوووه أجل خذي مثبت وحبوب سيولة وووو... 

طبعًا أنا ما أخذت وقتها إلا الحبوب المثبتة + حمض الفوليك أكيد.. واستمريت على المثبت تقريبا شهرين ، خلال هالشهرين مريت على طبيبتين نساء غير الأولى، وكنت لما أقول لهم إني آخذ المثبت يستغربون! يسألون إذا قد سبق وأجهضت أو صار معي نزيف خلال الحمل وكنت أقول لا  وصدق كانوا يسلكون لي هههههههه أحس اللي ما يدرون وش يقولون بالذات لما أقول لهم أختي قالت آخذه  << أحبك يا أختي ..

فالزبدة، أول ثلاث شهور كنت مقضيتها نواشف، ومرره كنت أشتهي اللبنة والجبنة وأشرب كاسات حليب زي المويا << بس الأخيرة عادي ماهي غريبة علي تجيني الحالة من فترة لفترة  واستمريت أروح النادي (ووقفت دخول الكلاسات القوية) صرت أستخدم أوزان مرره خفيفة مع تكرارات عالية وأسمع جسمي  ااخ أحلى شيء صار إنه وزني صار ينزل أسرع من أي وقت قطعت نفسي فيه دايت ورياضة  بس كنت آخذ فيتامينات وأكلي كويس وأشرب مويا تمام.. ولما أرجع من النادي أحس بكسل وطبيعي جدًا هالشيء، وبما إني كنت أتمرن فصار للتسدح والتبطح قيمة كأنه جائزة 

ااه صح! من الأشياء اللي كانت تقرفني هذيك الفترة كمان هو رائحة بُن القهوة وهو ينطحن!  تخيلوا انها كانت من ألذ الروائح اللي تدوخني من جمالها! بس عاد أنا عندي قناعة داخلية إنه أجسامنا تعرف احتياجتها بهالطريقة.. فغصب عني تجنبت القهوة بكل أشكالها  

مع مرور الأيام، صار الشعور عندي بالقرف يتضاعف بدال ما يخف، والأكل أكون جوعااانة مرره ومشتهية آآآكل طبيعي بس يدووب خامس لقمة وتقفل معدتي ويقلب بطني فجججأة كذا بدون سابق إنذار، وبديت أوصل لمرحلة اللوعة في كثير من المرات.. بعدين قمت ألاحظ أشياء غريبة تحدث في جسمي مثل نوبات الهلع اللي تجيني والرجفة رغم إني في فترة مرتاحة جدًا فيها وما أشوف لوجودها أي مبرر أو سبب جسدي أو نفسي وكنت أدعي كثيرر يارب أنزل السكينة على قلبي وجمل لي رحلتي ونورني وارشدني دائمًا.. إلييين ربي ألهمني بموضوع الحبوب المثبتة اللي قاعدة أبلع فيها  واستوعبت كيف انها تلعب بالنفسية والجسم لعببب   ووقفتها فورًا بعد ما طلبت ربي الخيرة.. وصدددددق ولا مر أسبوع إلا والحياة رجعت تتلون بعيوني وحسيت إني قاعدة أرجع روان الطبيعية حبة حبة 

<< ما يستفاد من التجربة: اسمعي كلام طبيبتك الثقة فقط بالذات في موضوع الأدوية + إذا كنتِ تاخذين مثبتات خليك حنونة على نفسك واطلبي من اللي حولك يدعمونك ويتفهمون نفسيتك الغير قابل للسيطرة عليها في أحيان كثير! 

الثلث الثاني من الحمل: 

تقريبًا بعد ما وقفت الحبوب المثبتة كنت على وجه الدخول للثلث الثاني، وصدقًا أسمي هالثلاث شهور الوسطانية المرحلة الذهبية  يكون بدأ يطلع بطن صغيييير وأبدأ أحس إني حامل وأستوعب، وكل التعب أو الوحام يختفي وترجع الحيوية والنشاط الطبيعي ولا ننسى البرقننسي قلوو! بشرتي في هالفترة صفيتت وأحس شعري قاعد يزيد نموه وغزارته وأظافري تطول بسرعة << شكرًا لهرمونات الحمل  وبنفس الوقت بدت تطلع لي حبوب زي الأكزيما على بطني بس ماهي مقلقة ومتعودة على هالسوالف خلاص اوريدي أرطب باستمرار سواء بوجودها أو بدونها.. وطبيعي جدًا كثير حوامل بالذات إللي لهم تاريخ سابق مع الحساسيات والأكزيما انها ترجع تتهيج مع الحمل

أما بخصوص جنس الجنين، رغم قوة إحساسي فيه من أول ما حملت وإحساس كل أحد حولي واحد! إلا إني كنت أتحقرص أبغا أعرف.. أحس إني إذا عرفت أقدر أتخيل مستقبلي وأرتب وضعي وأبدأ أتسوق وأقضي وأختار اسم ووووو يعني بس بمعرفتي جنس الجنين بيصير الوضع جد أكثر  ولما رحت أسوي سونار النونو سوا فينا مقلب مرتتتب! كان يتقلب وتحرك كثيرر (شكرًا للقهوة والدونات اللي كنت فاطرة عليهم قبل الموعد -لاحظوا وش صرت آكل بعد ما راح الوحم خخخ) المهم إنه الأخصائية ما قدرت تشوف شيء وبعدين يحط رجل على رجل بطريقة مرره تضحك! نعمم!! وينقلب وينقلب إلييين استقر واحنا متحمسييين بنشوف جنس الجنيين! إلا ويسحب الحبل السري ويغطي فيه عليها  وش ذي الحركة! هههههههههه بس الحمدلله تأكدنا إنه ولد ومتأكدة إنه بيكون ظريف وعبيط  وفوق إنه الكل مرره حاسس إنه ولد إلا إننا سوينا جندر ريفيل مع أهل زوجي وما خليناها بخاطرنا، حاولنا نضيعهم ونشككهم شويا بفعالية ظريفة سويناها في أحد مطاعمنا المفضلة وقدرنا بتسخير الله إننا نصنع ذكرى جميلة 

أما بخصوص التقضي والتسوق.. أنا خالة وعمة وحولي أمهات كثير وأحب أسمع تجارب من زمان حتى لو ما كانت تحاكي مرحلتي، بس أحب هالسوالف  فما كان الموضوع اختراع بالنسبة لي إلا بعد ما بدأت أفكر من فين أبدأ! جاني اجتياح مشاعر اللي بسم الله! أشياء كثير لازم آخذها وأجهزها!  فبعد نفس طوييل أخذت ورقة وقلم وبدأت أكتب احتياجات النونو وقسمتها (ملابس / غذاء / نظافة / نوم ..) وكل قسم حطيت تحته الأشياء اللي حسيت إني باحتاجها بناءً على خياراتي ونمط حياتي << عاد هذا الموضوع صدق صدق يبغاله تدوينة ما أمزح! لأني كل أحد بيقول لك شيء مختلف  

فاللي صار، صرت أبحث عن أفضل شيء من كل منتج أبغاه، وفين ينباع.. وأقتنص العروض والتخفيضات  وصدق استغليت البلاك فرايداي وقتها وأخذت أهم وأغلى الأشياء حينها بدون ما تهتز الميزانية لأني كنت مره متجهزة وقدامي فترة طويلة للتسوق..

الثلث الثالث من الحمل (هذا الجزء من التدوينة قاعدة أكتبه بعد ما وصلت بر الأمان أبشركم )

افتتحنا الثلث الثالث بتحليل الجلكوز، ما كان عندي فكرة كبيرة عنه غير إني أشرب مشروب جلكوز ويقيس سكري الحمل.. وليلة موعد التحليل قلت خليني أقرا عنه شوي وأشوف إيش يحتاج وإيش ما يحتاج وقرأت انه يسوون التحليل أول ما أروح بعدين أشرب الجلكوز ويسوون تحليل بعدها بساعة وبعدين أستنى ساعة زيادة وأسوي تحليل ثالث؟ << ماني متأكدة بس قرأت كذا رواية جابت طاري إنه التحليل ياخذ ساعات.. قلت خن أقرا بالتويتر تجارب البنات وإيش يسوون بالعادة؟ هل ينتظرون أو يروحون ويرجعون وهل يقدرون ياكلون؟ لأن هالأشياء ما كانت واضحة بالنسبة لي  وأعترف لكم! كان ثاني اغبى شيء سويته هو إني قريت تجارب بالتويتر! 

كانت كللللل التجارب تتكلم عن تجربة شرب الجلكوز نفسه وانه قطعة من العذاب وانه ناس استفرغته وانه شيء يموت لوعة وانه الوحام كوم وشرب الجلككوز كوم ثاني!  صدق انخرشت! قلت كيف ماحد حولي قد جاب طاريه! وأكلم خواتي بس الحمدلله طمنوني انه مره عادي ومقبول، ووحدة قالت عادي كأنك تشربين ميرندا برتقال  الله يسعدها صدق طمنتني ودعيت الله إنه تكون تجربتي كويسة.. وبيوم الموعد رحت ومعي توت باق وفيها لابتوبي ماخذه شغلي + مجهزة فلم وثائقي + جايبة سماعات + ماخذة كتاب ههههههههههه مستعدة للجلسة الطويلة! بس يوم رحت المستشفى قالوا لا بس نسوي تحليل واحد ويكون بعد الجلكوز بساعة.. وعلى أساس النتيجة يحددون إذا اوكي تمام أو يسوون  حق أبو ثلاث ساعات عشان يقيسون بشكل أدق << عموما هو يختلف البرتوكول حسب كل مستشفى.. الزبدة دخلت غرفة التحليل، جت الأخصائية فتحت الثلاجة طلعت علبة بااردة وصبتها في كاسة وقدمتها لي << وأنا أقنع عقلي الباطن انه ميرنداا باارد يسرسح  والحمدلله عقلي صدق وتمت المهمة على خير، والساعة مرت بسرعة ما مداني أسوي كل الفعاليات اللي جبتها معايا وبعدها سويت التحليل وطلعت أنا وعفوشي

أما ما يخص النتيجة.. أنا كنت حاطة في بالي إنه 80% بيطلع عندي سكري الحمل لعدة أسباب.. أولا، أنا عندي تكيس في المبايض ويمكن يكون سببها مقاومة أنسولين فبالتالي بيكون سكري الحمل نتيجة متوقعة جدًا / ثانيًا، ثنتين أعرفهم حولي عندهم تكيسات في المبايض وكان عندهم سكري الحمل كمان، وثالثًا، أمي لما كانت حامل فيني اشتبهوا انه عندها سكري الحمل.. بس يعني كنت مهيئة نفسي لهالنتيجة ومستعدة إني أشد حيلي أكثر فيما يخص أكلي ونمط حياتي الصحية.. لكن من رحمة ربي ولطفه طلعت النتيجة في الرينج السليم ولله الحمد والمنة وحده  فـ الحين أقدر أقول بكل ثقة! لا تستهينين بجودة أكلك وصحتك اذا كنتي تسعين لحمل سليم لك ولجنينك 

دخلت الشهر السابع وأنا لسى خفيفة وبطني يعتبر صغير، وقتها قلت أبغا أستغل آخر مرحلة لي -ما قبل الأمومة ومسؤولياتها- ورحت الرياض وقتها مع وزوجي عملنا بيبي مون وكانت أول زيارة لنا للرياض في الشتاء بعد انقطاع طوييييل ومع موسم الرياض كان كل شيء مبهج بالذات إننا صادفنا ايام ماطرة جميلة << مع تجاهل البرددد اللي لسعنا لسع  

ونويت بعدها أقضي وقت أطول عند أهلي نستمتع سواا بالذات إني كنت مقررة وقتها إني أولد في جدة  وفعلا قضيت شهر (نهاية السابع مع بداية الثامن) مع أهلي تمشينا فيها وسافرنا الأحساء والدوحة وتمشينا اليين بالاخير بديت احس بالثقل يعني ألهث كثير واذا مشيت وقت طويل احس يالضغط في الحوض وبديت اشوف مشية البطريق بنهاية زيارتي (في منتصف الشهر الثامن) وهنا بدا صدق شعور التعب حق الثلث الاخير اللي يقولون عليه  حتى اذكر بعد رحلة الرجعة لجدة مع الجلوس الطويل في المطاار والطيارة كانت أول مره أشوف أقدامي منتفخة ههههههه ومن بعدها بشكل تدريجي صرت امشي زي البطريق وأحس بالثقل بالذااات وقت النوم لما أنقلب يصير مشرووع مع بطني اللي كان يكبر على برا .. وهنا صار اللي ما توقعته يصيير:

ألا وهو إني قمت أطفش وأقول متى أولللددد!!  << كنت طوول فترة الحمل لما يقولون لي بتوصلين مرحلة تطفشييين وتقولين أبغا أولد وأنا أقول للاا بالعكس أبغا أحلل كل يوم قبل ما يجي البيبي وباستمتع فيها  بس يوم صارت الجلسة والقومة والحركة تشفط من طاقتي قمت أولول وكنت خايفة من فكرة إنه البكرية ممكن تطول وتدخل العاشر  لأني كنت أسمعها كثيير من اللي حولي من باب انه "وسعي صدرك" وأنا طول الوقت أدعي ياارب اكتب لي الساعة المبااركة يا كرييم سلمتك أمري وانت اختر لي الأفضل..

طبعا أنا أعتقد انه أحد أسباب وصولي لمرحلة الطفش هي إني استعديت وتجهزت وجهزت كل شيء بدددري! 

يعني عالاسبوع الثاني من التاسع كنت غاسلة ملابس البيبي ومجهزة شنطة المستشفى وحاطة الكارسيت والعربية في السيارة ومجهزة السيت آب حق الاستقبال والتوزيعات وكلللل شيء << طبعا هالشيء زين لأنه خلاص من بعدها يعتبر الجنين كامل النمو وممكن يطلع للحياة في أي وقت، بس عاد ما بقى عندي فعاليات فصرت أنتظررر وأحاول أشغل نفسي إلين الله يفرجها 

طيب وكيف انتهت الرحلة؟  هذا ما ستقرؤونه في التدونة القادمة إن شاء الله 

فوتكووا بعافية! 

13 comments أمومة | motherhood, تجربتي | Review, متلازمة تكيس المبايض | PCOS 🌿, يوم في الذاكرة 💭