رحلة هايكنق جبلية صيف 2020 | تدوينة مصوّرة! 🧗‍♀⛰

Thursday, December 31, 2020
في مراجعة سريعة حبيت أسترجع فيها أهم الأحداث اللي صارت لي في عشرين عشرين، فتحت استديو الصور بجوالي وجلست أستعرض الصور بداية من 1 يناير واللي كان تاريخ رحلتي للرياض لتجهيز حفلة ملكة أختي اللي وثقتها لكم كل تفاصيلها -هـنـا- 
وصولًا ليوم الإثنين الموافق 10 أغسطس! 

وقتها كنا في بلجرشي، وبشكل سريع من غير أي تخطيط قررنا في اليوم اللي قبله إن فجر يوم الإثنين بنطلع في رحلة هايكنق بقيادة أبويا طبعًا  هالمرة وجهتنا بتكون جبلية لمنطقة ماهو متعارف عليها بين الناس!

في المرة السابقة اللي كتبت تدوينة أول هايكنق مع بابا كان مجرد تست اختبار لقدراتنا ههههههه السنة اللي فاتت ودانا أبويا نفس الجبل اللي مخططين له بعد ما تأكد من إمكانياتنا ونجاحنا في الإختبار  وهالمرة بنروح له بس بيكون مسارنا أصعب حبتين!

تجهيزاتنا كالتالي:
روان تحضر ساندوتشات وكوروسون للفطور، وأبويا عنده عدة الشاي حقت الطلعات، وأخواتي وماما كل وحدة تجهز نفسها بس  << نحاول نطلع هالمره خفيفين لطيفين قد ما نقدر لأن المره السابقة أخذنا معانا نواشف للفطور وتكبكب زيت الزيتون حق الجبن على التونة وانخبصنا شويا وكان معانا مؤونة صغيرة أشغلتنا حبتين  فهالمرة كل شيء بيكون خفيف 

طلعنا بالسيارة في نقطة ممكن تطلع لها السيارة وبدأنا الرحلة 


قصص السناب تشات لعبت بأفكاري! 😯💔 | سواليف

Tuesday, December 22, 2020

 
صار لي موقف قبل كم يوم حسسني بتأنيب ضمير شديييييد وخلاني أرجع أعيد حساباتي مع نفسي حقيقي! 

قبل كم يوم كنا طالعين نتمشى في مكان مفتوح وجالسين نتعشى في أمان وسرور وفرح، إلا ألمح بطرف عيني ورا السيارة بمسافة أربع أمتار رجل رث الثياب وما كان مرتب شكله بالإجمال، كان حوله كم بسة تحوم شويا انحنى وشال بسة سودا وحطها على كتفه وجلس يربت عليها وفجأة التفت جهتي  عاد أنا سويت نفسي مشغولة بالعشاء والسواليف وحسيته وقف شويا بعدين اختفى ورا السيارة.. 

الرجل النبيل | الكتاب اللي غيرني! 📖

Thursday, December 17, 2020
 

قبل كم ساعة خلصت قراءة كتاب (الرجل النبيل) وسط بحر من الدموع وشعور عميق بالفقد أحسه مع آخر كلمة قرأتها فيه..
شعور صعب إنك تقرئين كتاب يحكي عن بطل بشخصية كاملة ومثالية بطريقة بشرية! تعيشين أحداثه في كل فصل من فصول الكتاب وتنتهي بموت البطل!

أبسط طريقة لصناعة مكرميه: معلاق لأصيص الزرع | DIY macramé plant hanger

Friday, October 16, 2020

 

مرحبا، 

اليوم فجأة صار فيني طاقة ولله الحمد بعد فترة أقدر أسميها كسولة  واشتطيت على كل شيء حولي قمت أشوف وش اللي يحتاج تنظيف أو تغيير أو تبديل أو شقلبة .. مدري أي شيء!

فطاحت عيني على هالكورنر جنب آلة القهوة.. 


اوكي حسيته مره زحمة وحوض الزرع الخوص اللي ورا شوي كبير على المكان.. فقررت أغير مكانه 

بس ما عندي مكان بصراحة   فقررت أصنع لي معلاق مكرميه لأصيص الزرع بطريقة مررره بسيطة وسهلة 

عشان تطلع النتيجة الأخيرة زي كذا 


يللااا نبدأ بالطريقة الخرافية المعقدة جدًا؟ 

10 أسباب خلتني أقع في غرام مكنسة جانو Jano 6in 1 stick vacuum

Sunday, September 6, 2020

 مساء / صباح (وكل أوقات) الخير لكم جميعًا 

امممم تدوينة اليوم بتكون ريفيو على شيء صراحة مرره مستانسة عليه مؤخرًا للدرجة اللي حسيت إني لازم أسولف لكم عنه في المدونة بالتفصيل اللي مره ممل  وكلي أمل انكم تحسون بنفس شعور الـ(وااو) اللي جاني في  نهاية هالتدوينة 

يب مكنسة!  مين كان يتوقع قبل عشر سنوات انه روان بتقعد تتحبب على مكنسة وتدلعه وتمسحها بعد كل استخدام كذا يعني شوي وتبوسها؟ محد  المهم خلوني أحكي لكم سالفتها أول!

ييللا؟

رسالة لك اقرئيها قبل العيد 💌 | احتفلي هالسنة بطريقتك!

Friday, May 22, 2020


بسم الله الرحمن الرحيم.. أول شيء وقبل كل شيء مررره شكرًا لصديقتي البلوقر داليا إنها نفضتني اليوم الفجر بكلامها اللطيف ورجعت لي الحماس إني أكتب تدوينة 
من دخل الحجر وأنا أكتب تدوينات مره كثير بس كلها غير مكتملة وفي مواضيع مرره كثيرة ومختلفة!
يعني أبدأ وأنا متحمممسة مرره وعندي أفكار وطاقة وشرارة حماس بداخلي وأكتب شويات وبعدين أنشغل شوي وأرجع ألاقي نفسي طفيت وأوقف.. ومرات أصير أراجع نفسي (امممم روان كأنه كلام كثير لازم تختصرين) أو (روان كلامك مره خرابيط رتبيه وحطي نقاط بشكل أسهل وأنسى أرجع لها) أو (وش راح يستفيدون إذا قرؤوا هالشيء) أو مثلًا (يبغالك تدعمين الموضوع بدراسات ومصادر موثقة << وبعدين ذهب ولم يعد) .. أتوقع هالشيء قد مر عند كل مدونة أو صانعة محتوى على كل المنصات! وقد كتبت موضوع سواليفي *هـنـا* 

<< شايفين كل هالكلام اللي فوق؟ تراه بس عشان أحكي لكم قد إيشش أعاني عشان أسولف معاكم هنا 

لكن هالتدوينة اليوم بتكون على موضوع انه (مافيه عيد) اللي قريتها 487387 مره إلين الحين.. شفتوا كيف جت داليا نفضتني وخلتني أكتب هالتدوينة؟ أنا الحين جاية عشان أطش بوجهك مويا عشان تقومين تعيدين زي المسلمين <<< هههههه يمه حسيتني أم  لالا أمزح تراني مو عنيفة بهالشكل.. بس أتخيلك جالسة ببجامتك صار لك كم يوم ومنسدحة السرير ولابتوبك على بطنك تتفرجين نتفلكس شويا تنقلبين جهة الشاحن وتاخذين جوالك وتفتحين التويتر تتحلطمين وتقرين أخبار كورونا والحظر << وولا تهون حلطمات شركات الشحن والتوصيل ما شاء الله أخذت نصيب الأسد هالفترة   

فـ ودي يعني أشوفك مشرقة ومنتعشة يوم العيد ومبسوطة تقضينة بأجمل طريقة ممكنة، وتذكرينة بعد 78 سنة وتقولين ما كنت أتوقع إن هذاك اليوم بيطلع بهالجمال رغم الظروف اللي مرينا فيها! عشان كذا بأكتب لك -بارتجالية- أفكار بسيطة مره مره مره ممكن تسوينها للاستعداد ليوم العيد.. 

نبدأ؟

تجهيزات البيت في رمضان | 2020 🌙✨

Friday, April 24, 2020

صبااح الخير والفرح والسرور لكل من يقرأ هالتدوينة إللي متأكدة بتكون الأسرع من ناحية التجهيز والكتابة والنشر!
ليه؟ لأني راح أسولف عن تجهيزاتي لاستقبال شهر رمضان  واللي بديتها من اليوم وأسأل الله إنه يبارك لي في وقتي عشان أشارككم إياها اليوم إن شاء الله  


نبدأ؟


تجهيزاتنا لحفلة ملكة أختي بالبيت 💍⚜

Friday, January 31, 2020
أول يوم أربعاء من هالعقد واللي كان يوافق 5 يناير 2020 احتفلنا في منزلنا بمناسبة عقد قران أختي "إيمان" 



قررنا نعمل حفل النساء في المنزل وبدأنا تخطيط والتنفيذ وكل شيء في أقل من أسبوعين! كان التحدي كبير خصوصًا إنها أول مره نسوي فيها مناسبة بهالحجم في المنزل.. عشان كذا كنت جدًا متحمسة أوثق كل شيء أقدر عليه بحيث يكون مرجع ومصدر إلهام لكل أحد حاب يجهز مناسبة بالبيت، وكمان يصير ذكرى ونيسة أرجع لها في مدونتي 

Top