Showing posts with label Dear Diary ✨. Show all posts
Showing posts with label Dear Diary ✨. Show all posts

رحلة هايكنق جبلية صيف 2020 | تدوينة مصوّرة! 🧗‍♀⛰

Thursday, December 31, 2020
في مراجعة سريعة حبيت أسترجع فيها أهم الأحداث اللي صارت لي في عشرين عشرين، فتحت استديو الصور بجوالي وجلست أستعرض الصور بداية من 1 يناير واللي كان تاريخ رحلتي للرياض لتجهيز حفلة ملكة أختي اللي وثقتها لكم كل تفاصيلها -هـنـا- 
وصولًا ليوم الإثنين الموافق 10 أغسطس! 

وقتها كنا في بلجرشي، وبشكل سريع من غير أي تخطيط قررنا في اليوم اللي قبله إن فجر يوم الإثنين بنطلع في رحلة هايكنق بقيادة أبويا طبعًا  هالمرة وجهتنا بتكون جبلية لمنطقة ماهو متعارف عليها بين الناس!

في المرة السابقة اللي كتبت تدوينة أول هايكنق مع بابا كان مجرد تست اختبار لقدراتنا ههههههه السنة اللي فاتت ودانا أبويا نفس الجبل اللي مخططين له بعد ما تأكد من إمكانياتنا ونجاحنا في الإختبار  وهالمرة بنروح له بس بيكون مسارنا أصعب حبتين!

تجهيزاتنا كالتالي:
روان تحضر ساندوتشات وكوروسون للفطور، وأبويا عنده عدة الشاي حقت الطلعات، وأخواتي وماما كل وحدة تجهز نفسها بس  << نحاول نطلع هالمره خفيفين لطيفين قد ما نقدر لأن المره السابقة أخذنا معانا نواشف للفطور وتكبكب زيت الزيتون حق الجبن على التونة وانخبصنا شويا وكان معانا مؤونة صغيرة أشغلتنا حبتين  فهالمرة كل شيء بيكون خفيف 

طلعنا بالسيارة في نقطة ممكن تطلع لها السيارة وبدأنا الرحلة 


قصص السناب تشات لعبت بأفكاري! 😯💔 | سواليف

Tuesday, December 22, 2020

 
صار لي موقف قبل كم يوم حسسني بتأنيب ضمير شديييييد وخلاني أرجع أعيد حساباتي مع نفسي حقيقي! 

قبل كم يوم كنا طالعين نتمشى في مكان مفتوح وجالسين نتعشى في أمان وسرور وفرح، إلا ألمح بطرف عيني ورا السيارة بمسافة أربع أمتار رجل رث الثياب وما كان مرتب شكله بالإجمال، كان حوله كم بسة تحوم شويا انحنى وشال بسة سودا وحطها على كتفه وجلس يربت عليها وفجأة التفت جهتي  عاد أنا سويت نفسي مشغولة بالعشاء والسواليف وحسيته وقف شويا بعدين اختفى ورا السيارة.. 

زر إعادة التهيئة: ما بعد الإجازة الصيفية 🌪🌈

Wednesday, August 21, 2019
السلام عليكم والرحمة والفرح والسعادة من الله 
واضح لكم قد ايش مستانسة؟  الصدق والله إني مبسوطة إن مودي التدويني قاعد يرجع لي حبة حبة 


 على إنه مالي ارتباط مباشر بالإجازة الصيفية لا من قريب ولا من بعيد، لكن من بدأ رمضان وأنا ماخذه وضعية الإجازة 

أسبوع من شهر أغسطس (ذو الحجة مع أهلي) | يوميات 👨‍👩‍👧🌈

Saturday, August 17, 2019

اليوم الأحد، ٤ أغسطس (۳ ذو الحجة)
جهزت شنطتي ورتبت المكان وكنست وسقيت زرعاتي وفصلت الأفياش وتوكلنا على الله وقرأنا دعاء السفر ومسكنا الخط متجهين إلى بلجرشششششي 🎉


أسبوع من شهر يوليو | يوميات 👄🗨

Monday, July 29, 2019


اليوم الأحد، 21 يوليو

مشاعر تمر عند أي صانع محتوى | سواليف 🤧🧠

Friday, July 19, 2019
*هاذي أنا طالعة من فترة السبات التدويني* 

مرحبببااا من قلب قلب قلبببي والله!! 

اليوم كان زي أي يوم من الأيام اللي مرت هالفترة، يومي مخبص شويا ما عندي روتين محدد وكله ماشي عالبركة زي ما يقولون  << الوضع مو فلة أبدًا بالنسبة لي خصوصًا إنه صاير فيه تغييرات كبيرة بالشغل فلو ما كنت مشغولة جسديًا فبكون مشغولة ذهنيًا وفيه حفلة صاخبة جوا راسي طول الوقت 
المهم، اليوم خميس رجعت من مشوار، غيرت ملابسي شغلت المكيف رحت جبت الشنطة اللي حاطة فيها العدة حقت الحواجب وشغلت اليوتيوب قدامي وقمت أشقر حواجب وأصبغها شعره شعره ومره منسجمه وفجأة طق في راسي سؤال قاعدة أتفاداه من زماان!!  
*ليش ما صرت أنزل بوستات عالمدونة زي أول؟؟ ليش حماسي اختفى مع انه الدوافع والنية موجوده؟*

رياضة الحديد (التوقعات vs الواقع) | برضو سواليف 🏋‍♀

Friday, March 22, 2019


يا هلا يا هلا، سولفت المره اللي فاتت عن قصة حياتي مع الرياضة والأكل الصحي كيف بديت وكيف صرت والطلوع والنزول اللي مريت فيه، وكيف إني لمن مسكت خط وطولت على نفس التمارين طفشت منها .. (عاد إذا ما قريتي السالفة الأولى اضغطي هــنــا لأنه هذا الموضوع مرتبط بذاك 

لمن جاني شعور االطفش من التمارين كنت وقتها جربت الايروبكس وجربت الزومبا وجربت الهيت كارديو فما كان قدامي خيار إلّا إني أبدأ في تمارين الحديد خصوصًا إني كنت مررره معجبة في جوه وجو تمارينه وكل تفاصيله فحسيت إنه هذا الوقت المناسب إللي خلاص لازم أشبك خط معاها ..

علاقتي بالرياضة كيف كانت وكيف صارت 🤫 | سواليف

Tuesday, March 12, 2019


السسسسلام عليكم والرحمة لكم جميعًا، 
اليوم بعد ما خلصت رياضتتي للجزء العلوي وشربت البروتين (رضاعتي ) قمت أخذت صور لجسمي ونقلت لألبوم البروسِس اللي مجمعة فيه صور ألتقطها لنفسي كل كم أسبوع عشان أشوف التغييرات الشكلية اللي قاعدة تحصل.. 

نظرة سريعة كيف كانت سنة 2018 معايا 🙈🙉🙊

Friday, December 28, 2018


اليوم الخميس، ٢٧ ديسمبر
قاعدة أكتب كلامي هذا بالسيارة عالسريع عشان أقول لنفسي بعدين أهو أنا خلاص بديت في كتابة هالتدوينة 

أبغا بشكل عام أسترجع سنة ٢٠١٨ وأكتب عن أهم الأحداث اللي صارت لي فيها، خصوصًا إني ما نويت أهداف جبارة لهالسنة كنت حريصة أخليها مفتوحة بدون التزامات كبيرة، كانت الفكرة إني ما أحصر نفسي على أهداف معينة وقد أغير رأيي إتجاهها مع الوقت، وكنت متخوفة إني لو حطيت طاقتي وتركيزي على هدف معين ممكن تجيني فرصة غير متوقعة بس ما أكون شايفتها لأني مركزة على شيء واحد أعرفه!

روتيني اليومي بهالفترة | روحانيات وصحة وعمل 💖💭

Wednesday, December 5, 2018

ياا مساء الخيرات والسعادة والمسرات عليكم جميعًا 
يارب تكون هالتدوينة بداية خير ورجوعي للتدوين زي السابق لأنه اشتياقي لكم مو شويا على فكرة! /
الفترة اللي راحت حصلت معايا ضروف سببت لي بلوك في الكتابة كذا شعور اللي ما عندي شيء زيادة أقدر أفيد فيه غيري <<< وأدري إن هالموضوع 100% نفسي لذلك أعطيت نفسي بريك وقررت في هالبريك أركز على روان وبس 
ومن أكثر الجوانب اللي قررت أركز عليها هي الجانب الروحي والصحي، حاولت أعدل شغلات كثير في نفسي وفي عاداتي وسلوكياتي وروتيني كمان، والحين طبعًا أحمد ربي كثير وأشكره إنه أعانني على تخطي المرحلة اللي مريت فيها بالسابق  لذلك حبيت بشكل بسيط ولطيف أسولف عن روتيني وعن العادات اللطيفة اللي دخلتها في يومي، وأتمنى لكم قراءة ممتعة 

من قائمة أمنياتي: أسوي هايكنق مع بابا 👫 ✔ - بلجرشي صيف 2018 | Bucket list journey

Monday, September 10, 2018
في يوم 24 أغسطس عام 2018
حققت أحد الأمنيات اللي كاتبتها في البكت ليست هنا   


خلوني أحكي لكم عن بداية هالأمنية 
بابا "الأستاذ محمد بن سعد مرطان" هو مؤسس فريق دراجي بلجرشي وكذلك مشاة بلجرشي، بدأت هواياته تطلع من بعد ما تقاعد من مهنة التعليم، كان وما زال يستمتع جدًا بقطع عشرات الكيلوات بدراجته الهجينة على تضاريس مختلفة سواءًا على طرق العاصمة الرياض أو على مرتفعات منطقة الباحة في الإجازة الصيفية  وتدريجيًا توسعت نشاطاته بصحبة المجموعة اللي كوّنها من الشباب المهتمين وصاروا يطلعون طلعات هايكنق في أماكن راائعة جدًا -وكذلك وعرة جدًا- وكل فترة توصلني صور نشاطاتهم ورحلاتهم اللي وصلوا فيها -تبارك الرحمن- حتى إلى  قمة جبة حزنة 
ومن وقتها وأنا أغبط الشباب على طلعتهم مع أبويا هالطلعات وكتبت هالأمنية قبل ما يقارب سنة ونص في البكت ليست، إلين ما قرر والدي العزيز يومًا ما في إجازة عيد الأضحى إننا نطلع جميعًا طلعة هايكنق "للمبتدئين" على رأيه  وهنا صورت لكم مقتطفات بسيطة من طلعتنا اللي حاولت أوثق أجمل المشاهد منها خلال مسيرنا من داخل زقازيق ومسارب قرية المصنعة + شعب الفقهاء وانتهاءًا بعودتنا إلى قرية الصقاع.. 

بسم الله نبدأ 

وقفت البحث عن هوايتي وشغفي 🕳

Thursday, April 26, 2018

حقيقي ما أتذكر إيش كانت إجابتي النموذجية في طفولتي وقت ما كنت أنسئل السؤال الأزلي "إيش تبغين تصيرين لمن تكبرين؟"
لأنه غالبًا كانت تعتمد على مودي وقتها وعلى حسب اللي يسألني  يعني لمن يسألني هالسؤال ولد أو حتى رجل أقول لهم أبغا أصير كابتين طيارة  وإذا سألتني معلمتي المفضلة أقول لها أبغا أصير معلمة لأنها بهذيك اللحظة كانت مصدر إلهام أقدر أخذ منه إجابة سريعة على سؤالها 

قصة جمادى الآخر - رسالة إلى روان المستقبلية 💌 | Letter to future Rawan

Wednesday, February 28, 2018

ليش مختفية هالفترة؟ - مرحلة استشفاء ذاتي مع الإكزيما

Monday, November 6, 2017

استيعاب متأخر لموسم الخريف - التغيير 🍁

Saturday, October 14, 2017

باب شقتي محتفل بالخريف من السنة اللي فاتت! 😂 
حب كبير لهذا الموسم 💛

Top