قصتي مع الجلوكوفاج + حبوب منع الحمل بعد الزواج 🌸🌿 | سواليف بنات

Wednesday, February 17, 2021

مرحبا! 

مره آسفة إني طولت هالمرة عليكم 
بس جاية اليوم أكمل السلسلة بالجزء الثالث وبسولف لكم فيه إللي صار معايا مع القلوكوفاج وما بعد الزواج 

فلو ما قرأتي أجزاء السلسلة السابقة، أنصحك بقراءتها أول عشان تفهمين القصة كاملة..


لما كنت في ثالث سنة بالجامعة في أحد مراجعاتي، قالت لي الدكتورة كيف انتي ما تاخذين جلوكوفاج! مره مهم للي عندهم تكيس ضروري تاخذينه لأن اللي عندهم تكيس معرضين للاصابة بالسكري، وان هالدوا مره بيساعدك في تنظيم الدورة وحتى تحافظين على وزنك وانه كثير ناس استخدموه ونزلت أوزانهم وكلام مرره كثير كان جديد عليا فما كان عندي خيار إلا إني أوافق لأني جد خفت بعد كلامها 

معلومات ماقد قالتها لي ولا أي دكتورة عن تكيس المبايض! 👀

Monday, February 1, 2021


 مرحبا!
كتبت في التدوينة عن تاريخي مع متلازمة تكيس المبايض ونقطة التحول اللي خلتنني أبحث أكثر في هالموضوع .. (لو ما قرأتي التدوينة السابقة اضغطي هنا عشان تقرينها أول!)


بعد ما يأست إني ألاقي الجواب اللي أبغا أسمعه من كل دكتورات النساء اللي زرتهم + أخصائية التغذية، قررت إني أبحث عن جذور المشكلة.. لأن كل اللي سمعته إن التكيس مو معروف سببه -في هذيك الأيام، يارب إن الوضع تغير الآن- وإنه قد يكون وراثي؛ بمعنى آخر: مالك حل إلا إنك تاخذين حبوب منع الحمل أو أي حبوب هرمونية أخرى إذا ودك إن أمورك تكون تمام!
بس مااش ماني مقتنعة فيها! أحس هالأدوية تعالج الأعراض بس مو المشكلة الأساسية زي النظارة هي تصحح النظر بس ما تعالج العين! 

هي بس لخبطة دورة أو تكيس؟ | سواليف بنات! 🚺♀

Thursday, January 14, 2021
 قبل ما يقارب 5 سنوات! قررت أنشئ مدونة لأني كنت أشوف إن عندنا نقص في المحتوى العربي لكثير مواضيع..
لكن اللي كان يهمني وقتها وكان من أول المواضيع اللي كنت أبغا أكتب عنها هو موضوع (تكيس المبايض) !



وقت ما بدأت أبحث عن هالموضوع بالعربي وأهتم فيه يمكن كان في 2008 أو قبلها، كان المحتوى العربي عنه يتمحور حول العقم << بس مرات ما ألومهم لأن كثير بنات تهمل نفسها سنييييييييييييين وما تفكر تشوف ايش السالفة إلا لما تقرر تجيب نونو  
إيش العلاجات اللي تعطيك إياها دكتورة النساء؟ حبوب منع حمل وميتافورمن (جلوكوفاج) ويللا مع السلامة 
ويس هذا اللي صار معايا من فترة ما بلغت، كانت الدورة ما تجيني إلا بالسنة حسنة ولما رحت عند الدكتورة قالت عادي طبيعي تصير هاللخبطة في هالمرحلة العمرية.. وطلعت من عندها وأنا كنت أعتقد إن الموضوع جد طبيعي!
Top