كان عام مليء بالأشياء الجميلة -2016- 🌞

Saturday, December 31, 2016

مساء الخيرات \ أو صباحها عليكم جميعًا  
🎉
كيف حالكم؟
مبسوطين؟
جلستم جلسة صراحة لحالكم ومع نفسكم خلال هالأسبوع؟
إذا لا قوموا الحين 👾
صدق اقعدوا مع نفسكم فكروا في العام هذا إيش تغير فيكم؟ هل صرتم أفضل؟
فكرتم بالناحية الشخصية، العائلية، الدراسة والمهنية، الدينييية، الإجتماعية.. هل تغيرتم للأفضل؟
احصوا النعم إللي ربي مغرقكم فيها تأملوا أقصى تفاصيلها واحمدوه عليها عشان يعطيكم أكثر  
فكروا في المواقف العصيبة اللي مريتم، كيف قوتكم؟ كيف غيرت فيكم؟ هل شفتم فيها مين يحبكم فعلًا؟
تأملوا لطف الله الخفي 💞
وأثنوا عليه بالحمد والشكر الجزيل إنه مد بأعمارنا حتى اللحظة هاذي، وخلوها جلسة صادقة للتغيير للأفضل دائمًا 🌿




رحلتي إلى هوليوود ✈ (1) : Universal Studios Hollywood

Tuesday, December 27, 2016






ااووكي قررت أكتب في العنوان "رحلتي إلى هوليوود" بدال ما أكتب لوس أنجلس عشان أكون دقيقة أكثر 👾
يمه جتني صدمة حضارية من حجم هالمدينة  🐒


اووه
شفيني كذا طبّيت عالموضوع! 😹

السلام عليكم والرحمة جميعًا .. 
أتمنى تكوونون تستمتعون بيوم جيد 💙

في رحلة سياحية مفاجئة إلى مدينة لوس أنجلس قضيت فيها ثلاث أيام مضيت اليومين الأولى منها في يونيفيرسال ستوديوز هوليوود
بأحكيييكم هنا تفاصيل الرحلة وأسولف فيها معاكم وأقول لكم رأيي عن الشغلات اللي فيها 🎀😘


مين يتابعك في السناب تشات؟ 👻

Sunday, December 25, 2016


حلطمة ميك آبيّة 🚧

Sunday, December 11, 2016


ثلاث شهور في الغربة ✈

Sunday, November 27, 2016


قائمة بأشياء راح أسويها في حياتي | My Bucket List Journey 🔮

Wednesday, November 23, 2016


Doctor Strange Movie in Regal Cinema iMax theater | فلم دكتور سترينج في صالة عرض آي ماكس في ريقال سينما

Saturday, November 12, 2016
  🍁 صباح / مساء الخير لكم جميعًا 


😍🎥 وبما إنه بعض الناس مأجزين في السعودية 
فجايتكم بفيلم خوووووراااافي!! مرره من زماان ما شفت هذا النوع من الأفلام 😭⭐⭐⭐⭐⭐
اسمه: Doctor Strange



هو فلم فنتازيا/أكشن/ غموض/ مغامرات/ وفيه كوميديا اممم وش بعد! << ما بقيت شي 😤 بس صدق ناادر ما أشوف فلم يجمع الصفات هاذي كلها 🐧 ما أبالغ

How to convert video to GIF picture by Photoshop | كيف نحول الفيديو إلى صورة GIF باستخدام الفوتوشوب 📷

Tuesday, November 1, 2016


السلام عليكم والرحمة 🍁

من أيام ما كنت طايحة عالتمبلر وصور الجي آي إف تأسر قلبي ببساطتها والحياة إللي فيها + إنها ما تتوقف 😤 زي التحفة الفنية هاذي اللي فوق! << لو تشوفوني وقتها ودي أخمم كل الورق وأنثره فوقي من جماله 🎉🎉 بس الحمدلله إني أستحي! 👀
وعاد تخيلوا جمال إستخدام صور الجي آي إف في التدوين بالذات لو كان الموضوع لـ (DIY أو طبخ  أو أي شيء فيه شرح خطوات)!! 😍😍 ما تاخذ وقت في التحميل زي الفيديو + بإمكان القارئ استخدام الصورة وحفظها زي أي صورة <<عشان كذا حطوا حقوقكم عليها ☝

في هذا الموضوع بأشرح لكم طريقة تحولون فيها أي فيديو عندك إلى صورة GIF باستخدام برنامج الفوتوشوب ✨

ماسك سريع بعد الشاور 🍃💆

Thursday, October 13, 2016
قرار لشاور سريع ☄
وقرار سريع بعد الشاور السريع لوضع ماسك سريع، ايش ينتج عنهاااا؟ 
مااااووضوووع ساااررريييع << بصوت جماعي لطالبات 🌝

بالضبط هوا كذا موضوع هالبوست، باقول لكم قصته اوكي 👏 يلاا تجهزوا 🎤
كان يا ما كان كنت جالسه الساعه 2 الظهر عالانستقرام .. امم.. اوكي كنت منسدحه عالكنبه مو جالسه << متخيلين حالة الكسل 🛀
وقاعدة أدخل من حساب لحساب أبغا أتعرف على مدونات جدد كذا أبغا أشوف أشياء تفتح النفس 🌸🙄
وفجأة أقرر أقوم 

وأقرر أترك الجوال وأقوم آخذ شاور سريع خليه يصحصحني وأقرر أكون رايقة اليوم! وأستحم بمويا داافية ♨ 
بعدين فجأة أقرر أحط ماسك << قلت خل بشرتي تصحصح معايا ☁

وأطلع العدة 



كيف تطبخين الـ مو مقلوبة | Inspired by Maqlooba 🍲

Thursday, October 6, 2016
صباح \ مساء الخيرات لكم جميعًا 🍇

بدايةً أحب أوضح لكم شغلة عني 😁:
إنسانة تحب الطبخ الفري ستايل، يعني شويا عشوائي، ما أعتمد على مقادير مكونات الطبخة، والبهارات أحطها اعتمادًا على حاستي النظر والتذوق 👅
مثال: قبل عيد الأضحى حسيت إنه لازم نسوي مقلقل!! فدخلت موقع كوك باد وقريت طرق كثيرررة لإعداد المقلقل وشفت إجمالًا كيف تتسوى وفهمت الطريقة ويوم العيد فتحت الثلاجة وطلّعت اللي حسيته مناسب والحمدلله ضبطت 🌚💃


المهم،،
<< الله يرزقني كثر ما أقول هالكلمة وأكثر!

يومًا ما مرره اشتهيت مقلوبة! 😢 أبغا مقلوبة أمي 💞
لكن الأكشن بالموضوع إني أستخدم صدور الدجاج فقط مو دجاج كامل، ولا عندي باذنجان ولا عندي كوسة << أهم مقومات المقلوبة 😅 بس أنا أبغا مقلوبة يعني كييييييفففف!!

كذا...

تجربتي لمكينة القهوة من نيسبريسو ومكينة كيورق الأمريكية | Keurig K50 Vs. Nespresso U&Milk

Monday, September 26, 2016
بسم الله الرحمن الرحيم ،، وبه نستعين 💪



كيفكم شخباركم؟ أجل بديتم دوام جد عاد خلاص 🎯
<<الأسبوع اللي راح ما داوم إلا طالبات المدارس وحقين الجامعة متكييين ونهاية الاسبوع إجازة يوم وطني وحركاات!! 🇸🇦 ❤️
بدينا الجد 🎆
وبما إنكم بديتم دوامات بعد إنقطاع طوييل، وبما إننا كمان في مطلع فصل الخريف وشويات ويبدا الجو يبرد، أتخيل فيه ناس ممكن تبحث عن مكاين قهوة ومحتارة 🤔

على فكرة بس! 
موضوع اليوم بأكتب فيه خلاصة تجربتي مع مكينة نيسبريسو يو آند ميلك ،، 
وتجربتي مع مكينة كيورق أو كيورغ أو كيورج موديل K50،،
بحيث إنه في نهاية الموضوع بيكون عندك إلمام بشكل عام عن الماكينتين وانتي إللي بتقررين إللي يناسبك
☕️


نبدأ
🚦
🏁

بداية الرحلة 🌄 إبتعاث المرحلة ال11

Sunday, September 11, 2016
بسم الله الرحمن الرحيييييم.. وبه نستعيييين... 💎

أول شي أحتاج أوجه رسالة ترحيبية بالرابط الجديد..  وعقبال النيو لووك إن شااء الله 💅
 ثاني شيء.. اممم مدري وش ثاني شي

بس المهم هنا راح أكمل سواليف رحلة الإبتعاث وأكتب التحديثات الجديدة وش صار و إيش ما صار
عسى إن تكون هاذي المدونة مرجع ليّا مستقبًلا ❤

تقرير سفرة تركيا صيف 2015 | My trip to Turkey in Summer 2015 ( الجزء الرابع: بورصة + سبنجا)

Sunday, July 31, 2016
يسعد مساءكم أو صباحكم جميعًا 💐
أوككي أدري أدري مرررره تأخرت في هالبوست مع إني جهزت الصور من رمضان، بس جا العيد وانشغلنا وبعدين سافرت عند أهلي وانشغلت بعدين لمن فضيت تقريبًا حصلت محاولة الإنقلاب مررره حسيت مالي وجه أكتب عن السياحة في خضم الأحداث <<أبيّن أكثر إني كنت أتابع أخبار؟
وبسس بعدين انشغلت وبعدين كسّلت والحين الحمدلله رجع لي الخلق وكيذاا 👽


طبعًا الجزء الأول هــــــــنــــــــا
والجزء الثاني هــــــــــنـــــــــــــا
نستكمل من حيث ما توقفنا في الجزء الثالث إللي رابطه هـــــــــــــــــــنـــــــــــــــــا



استأجرنا باص ينقلنا من جوق شيدرا أو تيرمال إلى مدينة بووورصة هيييييييه ✊
مرره أحاول أتذكر اسم الفندق بس نااسيه 💔 لحظة أدور في بوكنق... 👾
ااوه لقيته 👻
اسمه فندق كنت ،، رابطه في بوكنق هـــــــنـــــــــا
الفندق ⭐⭐⭐ مرتب، نظيف إلى حد كبير، فطورهم حلو، لكن لكن لكن التووب عندهم المووووققع!
موقع الفندق بططططلل!! إطلالة المطعم خوراافية 😪





تقرير سفرة تركيا صيف 2015 | My trip to Turkey in Summer 2015 ( الجزء الثالث: جوق شيدرا + تيرمال + يلوا)

Sunday, June 26, 2016
صباح \ مساء الخيرات 
أتمنى تكونون في أتم صحة وحال 🌻

 نكمل ما بدأنا في رحلة تركيا صيف 2015 🍉

انتهى الجزء السابق بركوبنا العبارة من اسطنبول والوصول بها إلى يلوا أو يلوفا << إللي هو 🐒
تجربة العبارة كانت جدًا ممتعة بحد ذاتها <<ناسية قد إيش استغرقت الرحلة بس الأكيد إنها لا تتجاوز ساعتين 🚢
وصلنا وجهتنا ومن هناك أخذنا باص ينقلنا من يلوَا إلى قرية جوق شيدرا 
حجزنا 3 أيام في جوق شيدرا في فندق تيرمال بارك 🍃
وصلنا واحنا تعباانييين 
وصار كل ما نظفت غرفة سبااق عليها وطقااق وأنا وزوجي المؤدبين ساكتين محنى مستعجلين .. وكل أحد أخذ غرفته واحنا طولنا شويتين بعدين جا حق الرسبشن قال اامممم انتم مرره محظووظين عشانكم استنيتم كانت غرفة الهوني مون من نصيبكم!! واااو هههههههههههه

طيب أول شي بأسولف لكم عن القرية بشكل عام والفندق بشكل خاص.. 🎶
القرية صغيرة جدًا وريفية وقريبة من غابة وفي منطقة جبلية تقريبًا، أهلها بسيطين وبشوشين ورايقين وأغلبهم كبار في السن. القرية ملاصقة لتيرمال << للي ما يعرف تيرمال برضو هي شي صغير اشتهرت بالمياه الكبريتيه الحارة وفيها حمامات عمومية وخاصو وفنادق أو منتجعات،، يعني منطقة سبااا بجدااارة 🛀

بالنسبة للفندق زيه زي أكثر الفنادق في تركيا، أصحابه أتراك من نفس المنطقة يشتغلون فيه أثاثه مريح غير متكلف وبوفيه الفطور عبارة عن خضارطازجة من المزرعة والفطور نواشف وأشياء تجيب العافية ❤❤ يعني زي فطور البيت النظيف ❤❤
وفيه في البيسمنت حمام خاص للمياه الكبريتية الحارة تجي دايركت من الجبال تحجزونها وبدون رسوم -يعني مجانية- << ما حصل لي وجربتها بس أختي تمدحها مررررره 😻
.
.
طلعنا غرفتنا الهوني مونيّة 
وبأخليكم مع الصور


تقرير سفرة تركيا صيف 2015 | My trip to Turkey in Summer 2015 ( الجزء الثاني)

Tuesday, June 21, 2016
مساء / صباح الخيرات لكم جميعًا 🌸
طولت عن الجزء الثاني لعدة أسباب،، وأهمها إني قررت شويا أعطي الموضوع جهد أكبر وأحسن من وضوح بعض الصور باستخدام الفوتوشوب << ومنها أضبب بعض المتمصلخين والسياح وهاكذا 😒

⚠⚠⚠⚠
 كما أنوه أن الصور المعروضة بصورة أصغر لتتناسق مع الكتابة، لرؤية تفاصيل الصور بجودة وحجم أفضل الرجاء الضغط عليها 🔍
⚠⚠⚠⚠

المهم.. ونرجع لأكشنات اليوم الثاني في اسطنبول، بعد ما أفطرنا وزرنا الصهريج والجميلة ميدوسا 🚀 وقعدنا نتمشى في منطقة السلطان أحمد ونستكشف المنطقة ونكمل اللي بديناه في الجزء الأول ..

استوقفني هالمنظر سبحاان الله بس ناسية هل كان في باحة مسجد السلطان أحمد! أتوقع كذا
😻 😻 😻



تقرير سفرة تركيا صيف 2015 | My trip to Turkey in Summer 2015 ( الجزء الأول)

Saturday, June 18, 2016
السلام عليكم والرحمة 😍🎈
مرررة متأخر إني أنزّل تقرير سفرة لصيف 2015 والحين احنا صيف 2016!! 😜 But being late better than never
عاد جد أنا مررره أستانس عالتقارير وأحب أقرا كل تفاصيلها وأستمتع فيها.. 
وهذا إللي كنّا نسويه قبل سفرتنا العائلية لدولة تركيا الجميله.. كنّا نقرأ تقارير 🌈

سافرنا بشوال بعد ما عيدنا وانبسطنا وهيصنا .. رحنا أنا وزوجي واشترينا جزم من نايكي خصييصصصاً للمشي في تركيا وكان أسعارها كان ما يقارب 1800 ريال وكنا طايرين فيها 💃

عاد شنطتي أنا كانت شنطة عروسة في شهر العسل مترووسة لدرجة ما لقيت مكان أحط فيه جزمنا الجديدة إلّا في شنطة زوجي العزيز😻

المهم.. كانت رحلتنا إلى تركيا ترانزيت من مطار الملك عبدالعزيز في جدة إلى الدوحة ثم مطار أتاتورك في اسطنبول عن طريق الخطوط القطرية ما يقارب الساعة 3 الفجر << كنت مستااانسة عالتوقيت عشان أشوف الشروق من الطيارة ☀☁

Dear Diary -1- || مفكرتي العزيزة ... النيو لوك الصيفي

Thursday, May 19, 2016
أحس إني حاليًا أمر في فترة مليييئة بالأكشنات والأحداث المهم (بالنسبة لي عالأقل)! 😸
أفكار وتأملات تجيني وشطحات تخيلية وكل شيء تكون نهاية التفكير فيه هو الهروب للتفكير في شكلي وكيف إني أسوي نيولوك 💃



COUNT YOUR BLESSINGS! !احصِ نعمك 💖

Saturday, April 16, 2016
I found a great way that leads you to happiness, sanctification, self confidence and faith!
Can you believe it?! I'm sure that you're now wondering about this magical potion 🌟



It's all about counting your blessings and be thankfull to The Ever-Sustaining 🎁 YES! look around and start..

البحث البحث البحث البحث (ما قبل الإبتعاث) \ الجزء الثاني ❣

Saturday, April 2, 2016
مساء الخيرات أو صباح.. يسعد أوقاتكم جميعًا 😄❤

عشان أكون أكثر صراحة وأقول لكم من الآخر.. أبغا أرجع بعد سنين أقرا هالتدوينة وأقعد أتذكر وأتفكر وأتعجب وأضحك 😍
عذرًا إذا ما لقيتم أسلوب منمق أو صور إحترافية أو موضوع زي أي مدونة تقليدية 😊

المهم..
الحمدلله قررنا مبدئيًا على دراسة اللغة في مدينة سياتل اامممم اتوقع يلقبونها بمدينة الزمرد أو شيء زي كذا؟ مدري عاد بس المهم إنها المدينة التي جميلة ✨

البحث البحث البحث البحث (ما قبل الإبتعاث) \ الجزء الأول ❣

Tuesday, March 29, 2016
مساء / صباح الخيرات 

بعد مرور أكثر من تسعة  أشهر من تقديم زوجي على برنامج إبتعاث خادم الحرمين الشريفين (الملك سلمان) -المرحلة الحادية عشر-
بدأ كل شي يطلع على السطح وبدت الأمور تبان أكثر وقمت أستوعب إن الموضوع جد!
رغم إننا نخطط لهالذي الرحلة من أكثر من ثلاث سنوات! 

نرتب شنطة السفر سوا؟ | ?How About Packing Suitcase Together

Tuesday, March 15, 2016
مساء\ صباح السعادة وإجازة الربيع والأجواء الحلوة ❤

من 2015 لحالها ضربت عدد سفراتي الرقم القياسي عندي وصرت أتنقل كثييير سواء لسفرات داخلية أو خارجية \ للعمل أو للترفيه فصار عندي خبره وتجارب عمليه كثيررر تعلمتها بالذات في ترتيب الشنط، ولاحظت كل سفرة يقل عندي وقت ترتيب الشنطة الحمدلله.
وبما إن زوجي يستثقل موضوع ترتيب شنطة السفر فصار لازم علي أستمتع بهالشيئ لأنه فيني فيني 



روتيني لـ (ما بعد التمارين الرياضية) \ Post-workout routine

Sunday, February 14, 2016
السلام عليكم والرحمة  


صباح الخير \ أو مساء الخير بما إنه حاليًا مساء عندي وأنا أكتب 
بما إنه صار لي فترة مو قصيرة أبدًا وأنا أتمرن منزليًا وصار التمرين جزء لا يتجزأ من روتيني اليومي، صار حتى لتماريني روتين أبشركم ♫ ♪


قبل ما أبدأ تمرين أكيد يكون فيه تهيئة ذهنية ونفسية وحركية كمان..
ونبدأ بعدها حركة حركة حركة وحرق وبناء عضل وتننفس سريع وتزداد نبضات القلب ويحتر الجسم ويعرق وإحنا نكمل بسعادة وشعور بالرضاء ونحرق سعرات الدوريتوز والفلوتس << اشتهيتها وأنا أوصف  بس لاااا ممنوع!
خلصنا تماريننا لليوم.. 
أنا شخصيًا بعد ما أخلص وأنسدح وأتمغغطط لاااززم أشوف شكلي! مدري ليه مع إنه ما يونس كثير 
صحيح شكلي وأنا أتمرن يبسطني أحس إني جدد مسوية مجهود بس بعد التمرين حفففلة!!
وجهي يكون مححممر وبطبيعة الحال معرق ولسبب أجهله شعري يصير كذا 
إذا كان عندي وقت كفاية الإستحمام بعد الشاور بيكون خيار أول بس بحكم إني أستحم صباحًا بشكل شبه يومي فيفضل في هاذي الحالة لبس كاب على الراس لتغطية الشعر عشان ما ينعدم ويتقصف 

وفيه حالات أبدًا ما يكون فيه وقت وبرضو نحتاج نكون ريفريشش!
هنا بأطرح منتجين أنا جدًا ممتنه لهممممممممممم 


تجربتي مع BB كريم من Garnier + e.l.f

Tuesday, February 9, 2016
السلام عليكم~

إن شاء الله تكونون بأتم حال وانتم تقرؤوا البوست هذا اللي راح أطرح خلاله أول تجربتي للبي بي كريم.

نجي للبي بي كريم، إيش هوا بالضبط؟
هوا عبارة عن كريم مرطب للبشرة مع لون يعطي تغطيه خفيفة ويحتوي على SPF للحماية من أشعة الشمس، حلووووو
أتوقع هوا الكريم من المستحضرات إللي طلع فججججأة وكل الشركات قامت تسوي خط إنتاج للبي بي كريم لأنه يعتبر مستحضر مثاالي لكونه تجميلي وبنفس الوقت يعتبر من منتجات العناية لأنه يعطي البشرة الترطيب والفيتامينات والحماية إللي يحتاجها 3>




تجربتي بدأت اممم تقريبًا من أيام دعايات غارنييه للبي بي كريم إذا فاكرينها!

كانوا منزلين واحد أشبه ما يكون باللي على اليسار، استخدمته بس ما اذكر النتيجه ولا أذكر إني تعلقت فيه! عمومًا كان هذاك أول إصدار لهم وما لقى هذاك الصيت وصار عليه كلام :(



بعد مروور وقت كأني اشتهيت أشتريه خصوصًا لمن قالوا ان الطويل منه جدًا أفضل من القصير القديم 3> وفعلًا لقيت هذا النوع المخصص للبشرة الدهنية وأخذت درجتي "Medium \ متوسط" 3> 3> 

أخذته لعدة أسباب..
أولًأ كنت أحتاج تغطيه زي كريم أساس بس أبغا شي أخف بكثيييير بحيث يكون استخدامي له يومي
ثانيًا احتجته في الإجازة الصيفية بالذات لأنه السهر بين لي هالات تحت العين أكثر + كنت أحتاج ترطيب أكثر لبشرتي وبنفس الوقت ما كنت أبغا يكون مظهر بشرتي مدهن!
فكان GARNIER BB Cream (combination to oily skin) من أفضضضضل الأشياء اللي طحت فيها!! 3> 3>
تغطيته فوق ما توقعت جددا مرضيه سواء حطيت طبقة وحدة أو أكثر من طبقة كانت النتيجة: بشرة طبيعية ندية وناعمة خالية من التصبغات وغيره.
أنا أعترف! 
أنا حرفيًا عشقققتته 3>

قرب يخلص من عندي وقلت بأشتري واحد ثاني نفسه، لكن للأسف ما لقيت هذا النوع بالذات :( 





في نفس رحلة البحث صادفت هذا النوع برضو من غارنييه لكن ميزته إن فيه حماية من أشعة الشمس أكبرر وهالشيء جدًا مطلوب! قلت حلوو أضرب عصفورين في حجر وأجربه :)


رجعت البيت حطيت منه امممم ما أرضتني النتيجه نفس الأول فقلت أعطيه فرصة وأحط طبقة ثانيه..

لكن طلع جدًا دهني على بشرتي -علمًا إن بشرتي عادية- بس صدق أحسه يلممع!
فإللي حصل إني صرت أستخدمه نهارًا وعليه كريم أساس فكذا يطلع حلووو أضمن الترطيب + الحماية + تغطية كريم الأساس ونعيش بسعادة وسلام :)




أخيرًا في أحد جلسات التسوق من موقع iHerb انتبهت للBB Cream من e.l.f. سمعت مدح أسماء المالكي له في مدونتها تلقونه هنا، قلت حلوو بأعطيه فرصة :)

وفععلًا كان جمييييل من ناحية التغطية حلو حق الإستخدام اليومي وخفييف يعني حتى وأنا حاطته برضو أحس بشرتي تتنفس :D 
وهاذي ميزة الBB Cream بشكل عام و e.l.f بشكل خاص :)


-إيش الدرجة اللي تستخدميها؟

- في كل الماركات آخذ Medium \ متوسط، أحبه يكون بنفس لوني بالضبط عشان يبقى الشكل طبيعي.

-فين ألاقيهم؟

-غارنييه تلاقينهم في أغلب الصيدليات اللي فيها جزء تجميلي + في الماركتات الكبيرة وأسعارها جدًا رائعة ومافيه حسافة عليهاز
- e.l.f يوفرونها كثير تاجرات عالإنستقرام وموجوده في موقع iHerb و iPure Store و Amazon 

-إيش أفضل طريقة لإستخدامه؟

-ممكن ينحط لحاله عالبشرة لإستخدام يومي زي للدوام ومع كونيسلر إذا دعت الحاجه بيطلع الشكل جدًا جميل وريفريشنق بالذات عالصباح
-وممكن ينحط عالبشرة لدواعي الترطيب قبل كريم الأساس للمناسبات، غير إنه بيحسن منظر البشره وينديها، كمان يبقي كريم الأساس مدة أطول عالبشرة!


أخيرًا، البي بي كريم أبدًا مو منحصر في هاذي الماركات، لو بحثتي بتلاقين في أغلب -إذا مو كل- ماركات المكياج مصدرة بي بي كريم بأشكال وألوان وتركيبات مختلفة وفيه من الأرخص إلى الأغلى، جربي نوع ونوعين وثلاثة وابحثي إلين ما تلاقي النوعية إللي بتعجبك وترتاحين لها لأن وجود هذا المنتج في تسريحتك أبببدًا مو حسافة~


ودمتم بود :)

شهادة ميلاد

Sunday, January 31, 2016
شهادة الميلاد هي الوثيقة الرسمية لمعلومات أي مولود جديد.. اسمه، تاريخ ولادته، مكان الولادة، امممم ما أعرف إذا فيها تنحط بصمة المولود؟ 
بس مولودي اليوم إلكتروني، من فترة بعيدة وأنا أفكر وأأجل ما أدري ليش! خططت له، سميته، صار له بصمه صغييييرررة مررررة بس إن شاء الله راح تتكون كبيرة مع الوقت وأنا متفائلة جدا :)

التاريخ: 31/1/2016
المكان: اممم في غرفتي تحديدا وأنا متكية عالسرير
بالضبط زي كذا ..... (لحظة أصور حوستي المرتبة) ....


هنا أنا بأكتب.. أنا روان.. من القلب إلى القلب 3>
Top