سوالف خاثرة يبغالها فصفص! 😆 -تحديث في مجريات الحياة وكذا!-

Friday, September 30, 2022
 

يا هلا يا هلا 

آخر تدوينة كتبتها في رمضان، على إنه كان عندي مواضيع كثير وعدتكم أكتب عنهم ومواضيع أكثر انطلبت مني وكنت متوقعة إني بأفضى لها بالصيف << مدري ليش توقعت هالشي وأنا مو طالبة  بس الزبدة إنها ما ضبطت معي.. 
وقتها كان ببالي إني بعد إجازة عيد الأضحى إن شاء الله (يعني بعد ما أرجع من الجمعة الصيفية في بلجرشي) بيصير خلاص أقدر أرتب وضعي وأرجع للروتين وأكتب.... لكن صار شيء في هذيك الإجازة قلب كل الموازين!!! 

اعتدنا أهلي وكل أقاربي نقضي إجازة عيد الأضحى في ديرتنا (بلجرشي)، وهالسنة الحمدلله ضبطت حتى قدروا خواتي المتزوجات يكونون معانا كمان وقتها وكانت إجازة لزيزة مره معاهم ومع الأحفاد 
لكن أنا هالسنة مدري وش جاني قررت أصير اوبن مايندد وأشارك الآخرين خططي وأفكاري إللي ما تخص أحد ثاني غيري  بالذات في موضوع مره شخصي زي موضوع الإنجاب!  أنا بالعادة إذا أحد فتح لي هالسيرة أقول إن شاء الله في الوقت المناسب وعادي أسمع المحاضرات والنصائح والقصص من الإذن اليمين وأطلعها من الإذن اليسار والحمدلله ما تضايقني 

بس حقيقي مدري وش جاني!  في كذا جلسة انطرح فيها الموضوع كان ردي إنه إن شاء الله في الوقت المناسب إللي أكون فيه جاهزة ومستعدة للأمومة والتربية << ااخ هالرد جر أسئلة كثييير ومحاضرات إقناع إنه ترا مو لازم تكونين جاهزة وانك ما تدرين كيف تصير! وانه ترا ولا وحدة فينا قد كانت جاهزة بس الأمور تترتب من نفسها ووووو..
 اوكي أنا ما عندي مشكلة مع هالكلام كله، أتفق! بس طالما عندي سيطرة لو شويا بأفضّل أخليها لما أكون في وضع نفسي وجسمي أفضل (كنت وقتها قاعدة أنزل وزني بجدية ) وأبغا أكون في وضع مادي ووظيفي مناسب حتى أكون مستعدة للإنجاب والعناية والتربية.. << بس برضو كلامي كان تماما غير مفهوم بالنسبة لهم، وكنت حاسة إنهم طول الوقت يسمعوني عشان يجهزون رد يقنعوني فيه (وطبعًا أنا عندي قناعات ثابتة!) بس وقتها صرت أحس إنه الموضوع صار نقاش بدال ما يكون سواليف.. وهالشيء خلاني أبرر أكثر وأشرح وأتكلم عن أشياء مرره مفروض ما أتكلم عنها ولا أشاركها أحد  كله عشان أقنعهم وينتهي النقاش (شايفين لوين كان يتجه الكلام؟)

في عدة مرات قدرت أصرّف الموضوع وأطلع منها عادي، بس في أحد المرات كان عندنا عشاء ثاني أيام العيد وكنا جالسين بس البنات على طاولة العشاء فما قدرت أصرف الموضوع بأفضل طريقة للأسف، وكان موقفي شييييين! << تعرفون شعور إللي تكونين لحالك في جهة وقدامك أربع أشخاص كل واحد يزيد كلمة!  المهم أذكر آخر شيء قلته، إنه إذا ربي أراد لي إني أحمل ترا بأحمل لو مهما أسوي! وقلت خلاص تراني جاية آكل  وأذكر هذيك اللقمة نزلت من حلقي بشويييييششش!! ههههههههههههههه

التفت وقتها على الجهة الثانية وكانوا بنات عمي جالسين مستمعات وأحسهم رحموني مره وهم شايفين الوضع!  أذكر وقتها قالت لي أروى الله يسعدها عبارة طبطبة كيوت  قالت لي زي انه ترا كل شخص عنده موضوع لازم الناس يناشبوه عليه بطريقة ما << وصدق حسيت إنه الوضع معتاد عليه والله يعينك  عاد بعد ما مر شويا وقت، حسيت إني لسى مو مرتاحه، وطلعت فوق وجلست أستوعب إنه فيني غصة!!! خيير وش هالهجوم ليه ما يتركوني اعيش حياتي بالشكل اللي يريحني!  << بعدها جتني لحظة إدراك!! لحظة لحظة لحظة وش هالدراما!  روان! غصة! خير! شدعوى يالطيبة ترا مو من عوايدك كذا تتأزمين عشان آراء ناس ثانيين  بعدين تذكرت إنه اوه صح الدورة مره قربت!  صار لي فترة وأنا أعاني من أعراضها ومتعودة عليها تجي بعد ما أتأزم جسديًا ونفسيًا (بالعادة أقعد ما يقارب أسبوعين من الـ PMS)! 

المهم هاذي السالفة خلتني أستوعب على نفسي أكثر وأضبط انفعالاتي << ااه صح ترا أخذت نفس عميق وابتسمت ورجعت نزلت مع الضيوف وكملت السهرة وصدق مرره انبسطت الحمدلله  بس لحظة! فيه شيء ناقص!
بالعادة نهاية السهرة وبعد الشاي نشغل طربقة ونجلس نرقص بالذات إنه عيد وفرح  بس مدري هالمرة أحس كأني فاقدة الشغف مافيني طاقة ههههههههههههههه أحاول أرقّص نفسي بس مااش غيرت الأغاني كذا مره وحاولت بس مدري مدري، قلت أكيد لأنه الوقت حينها تعدى وقت نومي << الحمدلله هالسنة نومي صاير أولوية ههههههههه وما خربتها بالنوم أبدًا يدوب تجي الساعة 12 إلا وأنا طاافية  

على طاري النوم، الجو في الديرة مايل كثير للبرودة وتجي أيام يكون الجو مغيم ويصير الوضع حق جاكيت كوزي وتسدح ونووم! << طبعًا مو بس أنا حتى خواتي لاحظت فيهم شعور الكسل اللي يرافق الجو المغيم << عشان لا يروح بالكم شيء ثاني  بس لاحد يسألني ليه إيمان وخولة -خواتي-  جلسوا ناشبين لي أسوي تحليل حمل منزلي
يعني أنا متأكدة مره مررره إني مو حامل وترا عادي أنا قبل الدورة تجيني أعراض PMS <<صحيح إنها تشبه أعراض الحمل بس والله مرره متعودة عليها، حتى التقلصات تلازمني خلال هالفترة  وتزيد قبل الدورة بيوم، فعادي أنا منتظرة الدورة في أي وقت! 

بس طبعًا كانوا يستغلون كل فرصة انهم يقنعوني أسوي تحليل وأرتاح << قلت طيب بأسوي تحليل عشان انتم اللي ترتاحون والله مو أنا!   وفعلا رحت النهدي وطلبت تحليل منزلي، قال لي الصيدلاني تبغين إللي يكشف لك قبل موعد الدورة والا مدري وشو.. قلت اسمع أبغا أرخص واحد << أبغا أسكت إللي عندي بس والا انا عارفة النتيجة  ووريتهم انه هاه شوفوا اشتريته خلاص؟ 

المهم مر كم يوم، وفي أحد الليالي اللي كالعادة كنت مرره بردانة فيها حسيت إني ما كنت مرتاحة مره بنومتي قلت اممم هل ممكن أكون بقدرة قادر حامل وجسمي قاعد يتغير؟ << هواجيس قبل النوم  لاااا طبعا وش ذا الخرابيط! لا يكون أثّروا عليك وصدقتي! 
بس يللا بالمرة بكرا إن شاء الله إذا صحيت خن أسوي التحليل عشان أوريهم ويفكوني من الزن 

وفعلًا اليوم الثاني، قمت الساعة 10 الصباح سويت التحليل وتووني بأحطه على جنب وأخليه دقايق إلين ما تطلع النتيجة.. بس ما مداني! ولا ثواني إلا خط أسووود  ااه خط واحد بسم الله علي  واستنى يكتمل التحليل إلا الخط الثاني يطلع  يمه! يمه! يمه! بسم الله على قلبي! 

بسرعة بسرعة طلعت وأنا ماسكة الاختبار وأطالع فيه وأرتجففف! بسم الله! 
خرجت وكانوا أهلي بالصالة وقفت عند المدخل وأمي قدامي وأنا رافعة يدي أوريها الاختبار وارتجف وأمي يا قلبي تكبس بعيونها وتحاول تستوعب وش اللي بيدي! هههههههههههههههههه بس أشوى رغد استوعبت وقالت هيييي مبروك حامل! إلا وأبويا وايمان وأمي يقولون صدق!! وأسمع بابا يضحك اللي مستانس ويقول لالالا صدق؟  وأنا خلاص فيني بكوة بشهقة غريبة! وواقفة مكاني يابسة هههههههههههههههههه وتجي أمي تحضنني وتبارك وأنا ابكي وهي تضحك ههههههه بناات الموقف مرره دراما! كان في بالي مليون فكرة وفكرة مدري كيف مو مستعوبة! مره مبسوطة ومره مستغربة ومو قادرة أحلل الفكرة مخي أحس قاعد يصير فيه error! 



قمت طلعت فوق عند خولة (المشتطة) وقتها كانت نايمة، ودخلت عليها وقلت خولة!  وهي تتململ انه هاااه وتطالع فيني وأنا وجهي مفقع صياح هههههههههه -تقول وقتها جت ببالي مليون فكرة خايسة قبل ما أقول لها إني حامل!-  هههههههههه فجأة بسم الله عليها قامت وتشاهق ونصاابة! وأوريها التحليل وتحضني ونقعد نبكي سوا ههههههههههههههه كان كل شيء بهالصباح درامي!  -الحمدلله اني وثقته بفيديو- 
وبعدها جلست أستوعب وآخذ نفس ورجعت الصالة وأنا مؤدبة  أبغاهم ينسون الدراما اللي صارت .. عاد وقتها ماما كانت مسوية لي بيتزا بالتورتيا لأني مؤخرًا طفشتها بالبيتزا  ووقتها أحس اني موجودة معاهم وماني موجودة.. كنت أفكر وقتها انه كيف أقول لمحمد!
عاد أنا دائما أتخيل اني أوصل له الخبر بطريقة مفاجأة.. وقتها هو كان عند أهله، وكان في مرحلة استشفاء من ألم جاه في الفك.. قمت أرسلت له إنه محمد أمي سوت بيتزا بالتورتيا مره لذيييذة ورقيقة بتقدر تاكلها وتستلذ فيها << طبعا مره وقتي كان غلططط! الساعة 10 الصبح 
وأدري انه مشغول بس شسوي، ما عندي طريقة ثانية! نشبت له مرره إنه تعال مرني وباجيب البيتزا وخن نطلع سوا ناكلها فما خليت قدامه خيار إلا انه يجي  قمت شغلت الفيديو بجوالي وركبت السيارة ومعايا صحن فيه البيتزا حقتي ومأكول منها بعد! وجلست أسوي يعنني انه طالعة معاك طلعة كاجوال وقمت أفتح سواليف كنت أبغاه يجنب أي مكان عشان ياكل البيتزا وأوريه التحليل بس ما كان فاهم ليه يعني لازم يوقف وكان يقنعني انه يقدر ياكل وهو يسوق  بس خلاص مافيني أنشب زيادة.. بعد محاولات طفشت قلت اوكي كل وانت تسوق! وتوه جا بياكل أول لقمة << وأنا أفكر وقتها يووه الفيديو بيصير طويييل! << الجوال كنت حاطته في باب السيارة والكاميرا علينا  وأنا صبري قاعد ينفذ، قمت طلعت التحليل.. قلت شوف!  

عاد على بال ما استوعب الخبر وبعد الأسئلة الوجودية واعلان الفرح  جا السؤال الأهم! مين يدري؟ 
قلت لسى بس أهلي!.. بس لما تجي تقول لأهلك بليز صوور الرياكشن << لأني كنت موثقة كل الدراما اللي كتبتها فوق ولله الحمد 
وقلت أكيد بأقول لجدتي لأني وعدتها اني أقول لها أول ما أعرف  وأكيد أبغا العائلة الكبيرة يفرحون معي بهالخبر وحدنا متجمعين 

طبعًا من زمااان مره مره وأنا عندي وجهة نظر إنه الحمل خبر سعيد جدًا وإني أول ما بأحمل بأعلم أهلي وحبايبي وإللي يعز علي << وطبعًا كلام زي هذا كالعادة ما كان يعجب كل أحد  وانه مو صاحية ماحد يعلم إلا بعد الثالث.. والأسباب تختلف ما بين إنه خبر خاص تنبسطون فيه وانه الحمل غير ثابت وقد يكون مهدد بالاجهاض هالفترة وقد يكون تجنب للعين << والأخيرة كانت تنقال بالتلميح مو بالتصريح بطريقة (يختي الوحدة تنتبه على نفسها من الناس / ومو كل أحد بيفرح).. << وكانوا يضحكون علي انه إذا جا وقت الجد نشوف وش بتسوين -على اساس باخبي- 
 
وأنا رأيي إني أبغا اللي أحبهم واللي حولي يشاركوني فرحتي، ولو لا سمح الله صار شيء، أحتاج دعمهم ودعائهم ومساندتهم << ما أتخيل إني بأقدر لو لا سمح الله أواجه تجربة إجهاض بتكتم! خصوصًا انه يحدث دائمًا لأسباب ماللأم يد فيها، فما أدري ليه يحسون بالعار وانه لاحد يدري!  أما موضوع الخوف من الآخرين هذا ماراح اتكلم فيه عشان ما أشتط ويطول الكلام، بس الزبدة إنه أذكار الصباح والمساء تحفظ بإذن ربي من كل شر، وإذا صار شيء لا سمح الله فهو بيكون بتقدير رب العالمين وليس تقدير البشر! 

فبالتالي  محمد علم أهله وعلمت جدتي وخالاتي وفي جمعتنا علمنا عماتي وزوجات أعمامي وكان الكل سعيد ومتفاجئ بالخبر -حتى خمنت انه البعض اعتقد انه الخبر قديم بس توني أعلن  ما يدرون اني حتى ما رحت العيادة أتأكد!-  لكن الحمدلله حصلت على الكثير من الدلع  وسمحت لهم يدلعوني ويهتمون فيني وما يخلوني أشيل شيء ويجلسوني في أحسن مكان  

وبعد مرور كم يوم جاني الفضول أسوي سونار أبغا أشوف أنا بأي أسبوع << بما انه دورتي السابقة كانت في شوال / ونتيجة التحليل طلعت خط أسود داكن فورًا! فرحت مستوصف صغير وقالت الجنين نقطططة مره ما ينشاف ههههههههههه وقالت انتي في الاسبوع الخامس! وأعطتني هالصورة اللي مافيها شيء ينشاف بالعين المجردة  



والحمدلله رب العالمين على عطاياه  وبس والله! هذا اللي حصل معي بالإجازة ومن بعدها تغيرت الخطط وتغير كل شيء للأجمل بإذن الله  <<< أما الأشياء اللي حطيت عليها هايلايت كانت بعض أعراض الحمل الغريبة إللي ما شكيت فيها ولا 1% 

أما دروووس هالتجربة كانت مرره كثيرة!  باكتب بعضها في التعليقات تحت على أمل نتعلم منها شيء 
عاد باخليكم الحين تخمنون نوعية المحتوى القادم في المدونة  


فوتكووا بعافية! 



16 comments:

  1. الف مبروك الله يتمم لك على خير يارب 🤲🏻 ياليت تشاركينا قصة محاولاتك للحمل ووش اللي سويتيه غير هالشهر وكان سبب (بعد الله طبعًا) بحملك❤️

    ReplyDelete
    Replies
    1. الله يبارك فييك ياارب ♥️♥️
      توقعت انه كان واضح في التدوينة اني ما كنت أحاول بأي شكل من الأشكال 😆 كان عندي أهداف ثانية أبغا أوصل لها قبل مرحلة الأمومة، بس لأني دائما كنت أدعي انه ربي يرزقني الذرية الصالحة في الوقت المناسب 😍♥️♥️ وربي اختار لي هالتوقيت لأنه الحكيم سبحانه ♥️

      Delete
  2. الف مبروك حبيبي ربي يتمملك على خير ياليت تقولي لنا تجربتك مع التكيس وايش الاشياء اللي فادتك ممكن وساعدتك ف الحمل 🤍

    ReplyDelete
    Replies
    1. الله يبارك فيك ويسعدك ♥️

      ذكرت قصتي وتجربتي مع التكيس في سلسلة تدوينات كاملة بتلاقينها في المدونة..

      لكن قبل ما أحمل كنت قاطعة السكريات ومقللة الكربوهيدرات والنشويات وآكل أكل نظيف وأكثر لحوم ودهون من مصادر حيوانية +اروح النادي باستمرار.. يعني هذا اللي تغير تقريبا وأتوقع كان له دور بإذن ربي

      Delete
  3. مبروك روان يااارب التمام لاحلى ام ممكن تقوليلنا لو كنت ماشية على نظام غذائي او مكملات او رياضة وتساعدينا وربي يسعدك

    ReplyDelete
    Replies
    1. الله يبارك فيك ويسعدك يارب ♥️♥️

      تكلمت في تدوينات التكيس عن المكملات اللي استخدمها، لكن ما كنت منتظمة وحريصة عليها.. لكن هذيك الفترة كنت حريصة انزل وزني بقطع السكريات وتقليل الكربوهيدرات ويكون أكلي من نصادر نظيفة + كنت مدخلة في نظامي لحوم ودهون حيوانية نظيفة + ريااااضة

      Delete
  4. ألف ألف مبروك روان الله يتمم لك بخير و تشيلين البيبي بين يدينك قريب بصحه و عافيه يارب 🤍🤍🤍🤍

    ReplyDelete
    Replies
    1. الله يبارك بحياتك ويسعدك على هالدعوات اللطيفة ♥️♥️♥️♥️

      Delete
  5. مبارك حملك الله يجعله حمل سليم كامل الخلق والخُلق قريت مدونة سابقاً عن اصابتك بالتكيس ممكن تفيدينا بنظامك والاشياء اللي ساعدتك على الحمل بعد ارادة الله 🤍

    ReplyDelete
    Replies
    1. الله يبارك فيك ويسعدك ياارب ♥️♥️

      ابشريي 😍👌♥️ لاحظت تكرر هالسؤال في التعليقات

      Delete
  6. الف مبروك الحمل ياروحي وعقبال ماتشوفيه بحضنك يارب.😭❤️❤️

    ReplyDelete
    Replies
    1. الله يبارك فيك ويرزقك ما تتمنين ♥️♥️♥️♥️

      Delete
  7. الله يجعله حمل سلس وولادة ميسرة وان يكون من مواليد السعادة والصلاح وقرة عين لوالديه 🫀

    ReplyDelete
    Replies
    1. آمييييييييين ياارب 😍♥️♥️ هاذي الدعوات اللي احتاجها 😂♥️

      Delete
  8. مبروك عزيزتي روان الله يفرحك فيه ويتمم لك على خير ماشاء الله تبارك الله.


    جميلة التدوينة العفوية أحس إني أسمع سوالف صديقاتي 😂

    ReplyDelete
  9. Marcel’s capability to immediately captivate all with his creativity, merges in harmony with Decorté’s creations that mesmerise with their delicate perfume and texture. This will permit you to get familiar with the rules and how the game 파라오카지노 is played. Among different issues, guests will discover a day by day dose of articles with the latest poker information, live reporting from tournaments, unique videos, podcasts, evaluations and bonuses and a lot extra.

    ReplyDelete

Top