معلومات ماقد قالتها لي ولا أي دكتورة عن تكيس المبايض! 👀

Monday, February 1, 2021


 مرحبا!
كتبت في التدوينة عن تاريخي مع متلازمة تكيس المبايض ونقطة التحول اللي خلتنني أبحث أكثر في هالموضوع .. (لو ما قرأتي التدوينة السابقة اضغطي هنا عشان تقرينها أول!)


بعد ما يأست إني ألاقي الجواب اللي أبغا أسمعه من كل دكتورات النساء اللي زرتهم + أخصائية التغذية، قررت إني أبحث عن جذور المشكلة.. لأن كل اللي سمعته إن التكيس مو معروف سببه -في هذيك الأيام، يارب إن الوضع تغير الآن- وإنه قد يكون وراثي؛ بمعنى آخر: مالك حل إلا إنك تاخذين حبوب منع الحمل أو أي حبوب هرمونية أخرى إذا ودك إن أمورك تكون تمام!
بس مااش ماني مقتنعة فيها! أحس هالأدوية تعالج الأعراض بس مو المشكلة الأساسية زي النظارة هي تصحح النظر بس ما تعالج العين! 

هي بس لخبطة دورة أو تكيس؟ | سواليف بنات! 🚺♀

Thursday, January 14, 2021
 قبل ما يقارب 5 سنوات! قررت أنشئ مدونة لأني كنت أشوف إن عندنا نقص في المحتوى العربي لكثير مواضيع..
لكن اللي كان يهمني وقتها وكان من أول المواضيع اللي كنت أبغا أكتب عنها هو موضوع (تكيس المبايض) !



وقت ما بدأت أبحث عن هالموضوع بالعربي وأهتم فيه يمكن كان في 2008 أو قبلها، كان المحتوى العربي عنه يتمحور حول العقم << بس مرات ما ألومهم لأن كثير بنات تهمل نفسها سنييييييييييييين وما تفكر تشوف ايش السالفة إلا لما تقرر تجيب نونو  
إيش العلاجات اللي تعطيك إياها دكتورة النساء؟ حبوب منع حمل وميتافورمن (جلوكوفاج) ويللا مع السلامة 
ويس هذا اللي صار معايا من فترة ما بلغت، كانت الدورة ما تجيني إلا بالسنة حسنة ولما رحت عند الدكتورة قالت عادي طبيعي تصير هاللخبطة في هالمرحلة العمرية.. وطلعت من عندها وأنا كنت أعتقد إن الموضوع جد طبيعي!

رحلة هايكنق جبلية صيف 2020 | تدوينة مصوّرة! 🧗‍♀⛰

Thursday, December 31, 2020
في مراجعة سريعة حبيت أسترجع فيها أهم الأحداث اللي صارت لي في عشرين عشرين، فتحت استديو الصور بجوالي وجلست أستعرض الصور بداية من 1 يناير واللي كان تاريخ رحلتي للرياض لتجهيز حفلة ملكة أختي اللي وثقتها لكم كل تفاصيلها -هـنـا- 
وصولًا ليوم الإثنين الموافق 10 أغسطس! 

وقتها كنا في بلجرشي، وبشكل سريع من غير أي تخطيط قررنا في اليوم اللي قبله إن فجر يوم الإثنين بنطلع في رحلة هايكنق بقيادة أبويا طبعًا  هالمرة وجهتنا بتكون جبلية لمنطقة ماهو متعارف عليها بين الناس!

في المرة السابقة اللي كتبت تدوينة أول هايكنق مع بابا كان مجرد تست اختبار لقدراتنا ههههههه السنة اللي فاتت ودانا أبويا نفس الجبل اللي مخططين له بعد ما تأكد من إمكانياتنا ونجاحنا في الإختبار  وهالمرة بنروح له بس بيكون مسارنا أصعب حبتين!

تجهيزاتنا كالتالي:
روان تحضر ساندوتشات وكوروسون للفطور، وأبويا عنده عدة الشاي حقت الطلعات، وأخواتي وماما كل وحدة تجهز نفسها بس  << نحاول نطلع هالمره خفيفين لطيفين قد ما نقدر لأن المره السابقة أخذنا معانا نواشف للفطور وتكبكب زيت الزيتون حق الجبن على التونة وانخبصنا شويا وكان معانا مؤونة صغيرة أشغلتنا حبتين  فهالمرة كل شيء بيكون خفيف 

طلعنا بالسيارة في نقطة ممكن تطلع لها السيارة وبدأنا الرحلة 


قصص السناب تشات لعبت بأفكاري! 😯💔 | سواليف

Tuesday, December 22, 2020

 
صار لي موقف قبل كم يوم حسسني بتأنيب ضمير شديييييد وخلاني أرجع أعيد حساباتي مع نفسي حقيقي! 

قبل كم يوم كنا طالعين نتمشى في مكان مفتوح وجالسين نتعشى في أمان وسرور وفرح، إلا ألمح بطرف عيني ورا السيارة بمسافة أربع أمتار رجل رث الثياب وما كان مرتب شكله بالإجمال، كان حوله كم بسة تحوم شويا انحنى وشال بسة سودا وحطها على كتفه وجلس يربت عليها وفجأة التفت جهتي  عاد أنا سويت نفسي مشغولة بالعشاء والسواليف وحسيته وقف شويا بعدين اختفى ورا السيارة.. 

الرجل النبيل | الكتاب اللي غيرني! 📖

Thursday, December 17, 2020
 

قبل كم ساعة خلصت قراءة كتاب (الرجل النبيل) وسط بحر من الدموع وشعور عميق بالفقد أحسه مع آخر كلمة قرأتها فيه..
شعور صعب إنك تقرئين كتاب يحكي عن بطل بشخصية كاملة ومثالية بطريقة بشرية! تعيشين أحداثه في كل فصل من فصول الكتاب وتنتهي بموت البطل!

أبسط طريقة لصناعة مكرميه: معلاق لأصيص الزرع | DIY macramé plant hanger

Friday, October 16, 2020

 

مرحبا، 

اليوم فجأة صار فيني طاقة ولله الحمد بعد فترة أقدر أسميها كسولة  واشتطيت على كل شيء حولي قمت أشوف وش اللي يحتاج تنظيف أو تغيير أو تبديل أو شقلبة .. مدري أي شيء!

فطاحت عيني على هالكورنر جنب آلة القهوة.. 


اوكي حسيته مره زحمة وحوض الزرع الخوص اللي ورا شوي كبير على المكان.. فقررت أغير مكانه 

بس ما عندي مكان بصراحة   فقررت أصنع لي معلاق مكرميه لأصيص الزرع بطريقة مررره بسيطة وسهلة 

عشان تطلع النتيجة الأخيرة زي كذا 


يللااا نبدأ بالطريقة الخرافية المعقدة جدًا؟ 

10 أسباب خلتني أقع في غرام مكنسة جانو Jano 6in 1 stick vacuum

Sunday, September 6, 2020

 مساء / صباح (وكل أوقات) الخير لكم جميعًا 

امممم تدوينة اليوم بتكون ريفيو على شيء صراحة مرره مستانسة عليه مؤخرًا للدرجة اللي حسيت إني لازم أسولف لكم عنه في المدونة بالتفصيل اللي مره ممل  وكلي أمل انكم تحسون بنفس شعور الـ(وااو) اللي جاني في  نهاية هالتدوينة 

يب مكنسة!  مين كان يتوقع قبل عشر سنوات انه روان بتقعد تتحبب على مكنسة وتدلعه وتمسحها بعد كل استخدام كذا يعني شوي وتبوسها؟ محد  المهم خلوني أحكي لكم سالفتها أول!

ييللا؟

Top