قلاين القديم ما مات! هو بس تجمد بالفريزر لإشعار آخر 🫤

في لحظة إدراك أمس انتبهت إنه أكثر من أربع سنوات على إطلاقي براندي الصغير Glign واللي يُنطق "قلاين" 

وأنا للحين ما تكلمت عنه هنا في مدونتي أبدًا! ااوتش! هذا البيبي حقي الصغيير 

انطلق قلاين في أكتوبر 2019.. رغم إنه هذاك الشهر كان من الشهور الصعبة نفسيًا بسبب وفاة جدي الله يرحمه بعدها في نفس الشهر ما حطيت لنفسي خيار إلّا إني أكمل!

نرجع للزمن ورااا.. إلين 2017 كنت ساكنة في سياتل وأنا ولينه أختي كل ما سولفنا جبنا طاري إنه ليش ما نسوي بزنس صغير ودنا بشيء كذا نطلع فيه إبداعاتنا وشغفنا ونكبّره سوا .. وجتنا لحظة اللي WHY NOT؟ ليش مو الحين!  كان ببالنا بزنس طباعة على تيشيرتات بس تكون تصاميم funky غريبة وأشياء كذا مرتبطة في جيلنا وذكرياتنا وتصاميم تكون customizable تصير قابلة لتعديل الأسماء مثلا.. وهكذا  

وكنا نفكر بالاسم وصراحة يعني مافيه ببالنا شيء غير اننا نوصف المنتجات بالانجليزي. وجا على بالنا Glam Design << بس أنا ما كنت حابة انه يكون الاسم طويل كذا + كنت أشوف انه كلمة Glam أو Glamorous شوي تريندي وقتها، وهالشيء بيربطنا بهذيك الحقبة بس وبيربط منتجاتنا بالتصميم فقط.. يعني ما بيسمح لنا نتوسع أكثر لو بغينا بعدين  فجا ببالي اوكي ليش ما أدمج الاسمين مع بعض وأخترع اسم مميز مو موجود في أي قاموس  Glam Design وفعلًا أخذت أول حرفين من الكلمة الأولى وحطيتها مع آخر ثلاث حروف من الكلمة الثانية وبووووم  Glign  

خلاص بدينا وطلعت لينة السجل التجاري وأنا سويت الحساب عالانستقرام وكان ملوووون كثير.. كانت الخطة إني أنا أشتغل على الحساب والتصاميم والطلبات، وأختي هي اللي تجهز الطلبات وترسلها   طلبت لينة جهاز الكاميو وكل ملحقاته وأنواع من الفينيل الحراري وجهاز الكبس الحراري، وأنا بديت أصمم وأرسم وأسوي موكآب، وفي هاذي الأثناء كنا نبحث عن مصانع أو معامل تبيع تيشيرتات قطن حلووة! 

كان في بالي إني ما أبغا التيشريتات المربعة أو أقطان تقرد وتحبب أو تمسك الشعر << فيه أنواع مره خايسة فكان صعب إني أعرف وش الزين بدون ما أشوفه بعيني أو ألمسه أو أجربه.. فعشان أكون في الجانب الآمن كنت أبحث عن مصانع بتركيا لأن أقطانهم مررره جودة صراحة وأحس إني أقدر أثق.. لكن للأسف كان البحث عنهم بالنت مره صعب هذيك الأيام وما لقيت خيارات + التواصل معهم كان ياخذ وقت طويييلللل! أرسل بالايميل ولا تجيني ردود  

المشكلة إللي صارت إننا جهزنا كل شيء ثانوي إلا الشيء الأساسي! فصار ما نقدر نبدأ.. ولا نبغا نجيب من السوق عادي عشان القيمة ما تضرب.. فاللي صار إنه الأيام صارت تمر وما كان فيه أي شيء جديد.. وانشغلنا بأشياء ثانية وجلس الشغف يتلاشى واحنا نطلع الأعذار اللي ما تخلينا نكمل زي: كيف أصلا نشتغل واحنا كل وحدة في قارة! كيف تلاقي وقت مع دوامك وعندك صغار؟..

<< التصاميم موجودة في لابتوبي القديم بس لقيت هذا في تدوينة سابقة (عشان أوريكم التوجه اللي كنا رايحين له) 

الفكرة كانت تحتضر، الأجهزة والعدة صارت في التخزين، التصاميم صارت في ملف مهمل في طرف سطح المكتب..

وقبل ما تموت الفكرة، قررت أجمدها بالفريزر على أمل يجي الوقت إللي أرجع أنعشها من جديد....

<< لا أصبروا ترا هذا الجزء الأول! قبل ما أعرف سوق تبايُع  فيه نهاية سعيدة بالتدوينة اللي بعدها!

Leave a Comment مهنة وأعمال