صباح الخير،
كنت طالعة أتمشى وفي لحظة عطش مخي قرر يطلب لونق شوت من بارنز ورويت فيه عطشي الحمدلله ☕️ لهالسبب أنا صاحية الساعة ٣ قبل الفجر وحسيت أخيرا عندي الصفاء الذهني والوقت "المتواصل" الكافي اللي يخليني أقرر أكتب هالتدوينة المؤجلة من وقت طويل!
المهم..
أتوقع إني أشتغل مطورة أعمال في حياة أخرى.. المهم في حال انك ما قريت (قصة تجميد مشروعي أنا ولينة أختي اقروها هنا بالأول) .. في هذيك الفترة على 2017/2018 كانت قممممة انكبابي في تجميع الحقائب التحميل أو التوت باقز tote bags الكانفاس! 
) أخذتها أيام الجامعة من موقع فانيلا كان عليها رسمة طاووس مرره جميلة.. كنت أستخدمها في المستوى الخامس أظن أشيل فيها القواميس الكبيرة لبعض المحاضرات لأني أخاف على شنطي وعلى كتفي 
وبعدها صرت أستخدمها كثير ببعض مشاويري زي النادي وحتى بسفراتي، مره أشوفها شيء جميل وعملي وخفيف ويشيييييل! فصدق كرفتها << دقيقة لازم أنزل صور لحقائبي المفضلة 
كان ببالنا بزنس طباعة على تيشيرتات بس تكون تصاميم funky غريبة وأشياء كذا مرتبطة في جيلنا وذكرياتنا وتصاميم تكون customizable تصير قابلة لتعديل الأسماء مثلا.. وهكذا 
.. شغل سريع سريع عشان إذا قعدت أأجل أعرفتي ما راح أنزل-
بس لدرجة ماقد جا على بالي في يوم أكتب شيء؟
مرره غريب! نسيت الشعور صدق 
الحين وقتي أبدًا مو بكيفي وأتوقع كل أولوياتي الحياتية تغير ترتيبها
- بس فعلًا مبسوطة بنفسي الحين ولا أفكر كثير كيف زي ما يقولون "أستعيد نفسي القديمة" لأني ما فقدتها الحمدلله بس هي زي ما قلت ترتيب الأولويات تغير..
بس بالواقع مافيه ولا أي علامة إنه الولادة قريب وهالشيء زاد من طفشي أكثر.. المشكلة كنت كل ما أتحلطم لأحد يقولون رواان عادي ترا البكرية يمكن تدخل العاشر ومره طبيعي تتأخر << مدري كيف مفروض هالكلام يريحني هههههههه مع إني مره أعرف هالمعلومة زيين بس وقتها كنت أقول أنكرها ببيني وبين نفسي أقول أكيد هم يحطون سالفة الشهر العاشر للي ماهم متأكدين من المواعيد وكذا وعشان البكرية ما تقلق! << كأن هالكلام تماما ما ينطبق علي 
أما الوقت الفعلي لكتابتي لهالتدوينة هو يوم 26/فبراير/2023 << واللي يوافق 6 شعبان 1444هـ! << يس ندعو الله إني ما أفطر رمضان كله عالأقل! 
تطبيق فلو يقول إنه بطني بحجم الخربز << بس عاد أنا أحس إنه الخربزة حقتي بالغة عاقلة .. من قدام اللاااه كيوت وبطني صغيير! وبعدين ألف على جنب وووه تبارك الله هههههههههههه 
