هي بس لخبطة دورة أو تكيس؟ | سواليف بنات! 🚺♀

Thursday, January 14, 2021
 قبل ما يقارب 5 سنوات! قررت أنشئ مدونة لأني كنت أشوف إن عندنا نقص في المحتوى العربي لكثير مواضيع..
لكن اللي كان يهمني وقتها وكان من أول المواضيع اللي كنت أبغا أكتب عنها هو موضوع (تكيس المبايض) !



وقت ما بدأت أبحث عن هالموضوع بالعربي وأهتم فيه يمكن كان في 2008 أو قبلها، كان المحتوى العربي عنه يتمحور حول العقم << بس مرات ما ألومهم لأن كثير بنات تهمل نفسها سنييييييييييييين وما تفكر تشوف ايش السالفة إلا لما تقرر تجيب نونو  
إيش العلاجات اللي تعطيك إياها دكتورة النساء؟ حبوب منع حمل وميتافورمن (جلوكوفاج) ويللا مع السلامة 
ويس هذا اللي صار معايا من فترة ما بلغت، كانت الدورة ما تجيني إلا بالسنة حسنة ولما رحت عند الدكتورة قالت عادي طبيعي تصير هاللخبطة في هالمرحلة العمرية.. وطلعت من عندها وأنا كنت أعتقد إن الموضوع جد طبيعي!

وبعد سنتين (صرت في ثاني ثانوي) رحت عند دكتورة نساء ثانية وحكيت لها سالفة الدورة الشهرية اللي تجلس بالشهور ما تجي.. يعني أذكر أطول فترة وقتها كانت سبعة شهور! مرره كثير  فأصريت إنها تعمل لي تحاليل وفحوصات خصوصًا انه وقتها كان وزني جالس يزيد زيادة طفيفة بدون ما أغير أي شيء في اللايف ستايل حقي فكنت مشتبهة إنه يكون عندي تكيس في المبايض، بس مو متأكدة لأن باقي الأعراض اللي قريتها في النت ما كانت تنطبق!

التحاليل طلعت تمام وقتها بس الأشعة بينت إنه عندي تكيس في المبايض زي ما توقت!
 نبذة بسيطة عن التكيس: في كل مبيض عدد من البويضات، في كل شهر تطلع بويضة وحدة بعد ما تكبر وتنضج وتصير جاهزة للتلقيح أو انها تنزل مع الدورة الشهرية، لكن في حالة التكيس؛ البويضة تكبر شويا ويوقف نموها لسبب ما، وما تطلع من المبيض تصير تسوي زي كيس حول المبيض.. مع مرور الأشهر بدون دورة يصير حول المبيض أكياس صغنطوطة وهي اللي يشوفونها بالسونار قبل ما يشخصونك. 

الزبدة: قالت لي الدكتورة كثير بنات عندهم هالمشكلة ومره عادي، بأصرف لك حبوب ديان (مانع حمل بهرمونين) استخدميها 3 شهور وبعدين وقفيها لمدة ثلاث شهور وبعدها تعالي.. قلت اوكي!
استخدمتها ثلاث شهور وجتني الدورة طبيعي معاها، ووقفتها ثلاث شهور وبعدها رحت عند الكتورة قلت لها ما جتني الدورة خلال فترة تركي للحبوب! قالت مو مشكلة أجل استمري عليها ، هالحبوب ممتازة وتوازن لك هرموناتك وووو خلاص استمري عليها .. مع السلامة 

واستمريت عليها، وارتحت عليها وكل شيء كان تحت السيطرة والحياة حلوة ومرت ثلاث سنوات، قلت بأروح لطبيبة نساء ثالثة عشان أتطمن وكذا  ورحت وحكيت لها ليش أنا جاية -طبعا كلهم بنفس المستشفى فسجلاتي كلها عندهم- فقالت هالدكتورة ليش استخدمتي حبوب ديان! هي مو بطالة بس ما انصحك فيها لأنه فيها هرمون الذكورة وتخشن الصوت << أنا:  
قالت بأصرف لك دوفاستون! هي برضو حبوب هرمونية بس مره أخف عليك من ديان استخدميها بطريقة معينة (ناسيتها الحين بس اعتقد انه كورس تبدئين في أيام معينة من بعد الدورة وتوقفين أيام معينة.. وبس أعطتني اياها وقالت استخدميها وإذا جيتي بتتزوجين تعالي عشان نغير لك اياه لمانع حمل لأن هالحبوب تستخدم أيضا لتثبيت الجنين لبعض الحالات! بالإضافة إلى إنها أعطتني حبوب ميتافورمن / جلوكوفاج (حبوب تنظيم السكر) ووضحت لي إنها مفيدة في حالات التكيس وتساعدك على السيطرة على الوزن <<أحكيكم عن سالفة الجلوكوفاج في تدوينة أخرى 

المهم.. كنت هذيك الفترة مره مهتمة بموضوع التكيس، وكنت حريصة أبحث عن أسبابه الحقيقية.. ثاني دكتورة رحت لها قالت لي إنه سببها مجهول وقد تكون وراثية.. صح ممكن تكون وراثية لكن كثير أمراض وراثية تكون موجودة في جينات الشخص لكن فيه محفزات تساعد على ظهورها، وتجنب هالتريقرز أو الممحفزات يجنبك منها بإذن الله! 
بطبيعة الحال تجنبت البحث باللغة العربية لأن كل اللي كنت أقراه عبارة عن تهاويل سواء أطباء أو حتى تجارب السيدات في عالم حواء 
مو معنى هالكلام إن المحتوى الإنجليزي يخلوا من هالخرابيط! بس قدرت ألاقي وحدة بريطانية Tarryn Poulton عندها مدونة اسمها PCOS Diet Support تتكلم عن تجربتها مع تكيس المبايض أو الـPCOS من ناحية علمية وتجربة شخصية في تأثير الغذاء على تكيس المبايض!  غصت في المواضيع اللي كتبتها، وبعدها انضميت لقروب في الفيس بوك وحسيت لأول مره إني لقيت مكاني المفقود!  

فمن بعدها فهمت إنه السكريات والكربوهيدرات لهم دور فعّال في هالخبصة كلها! وانه ممكن دورتي وهرموناتي تنتظم بمجرد تعديل نظامي الغذائي! صدق مره كنت مبسووطة بالمعلومات اللي عرفتها!
فقررت بيوم أحجز موعد وأروح لأخصائية تغذية! كنت مره متحمسة إنه بيتغير وضعي وأقدر أسيطر عالوضع! 
رحت الموعد، طالعت فيني الأخصائية من فوق لتحت وقاست وزني قالت إنتي وزنك يعتبر مثالي مع طولك إيش تبغين؟ وجلست توريني جدول كتلة الجسم وكذا، قمت حكيت لها إنه عندي تكيس وأبغاك تسوين لي نظام مناسب  << كنت أعتقد إنه طبيعي تكون فاهمة بهالسوالف!  صدمتني لمن خرجت من الدرج حقها كتيب جاهز مكتوب فيه نظام غذائي وهي بس تحدد الكميات.. شخطت فيه كم شخطة وأعطتني إياه  فتحته أشوف! والا عيني طاحت على جدول العشاء (مسموح البيبسي والسفن آب الدايت) جتني صدددمة يا بنات 
البيبسي في بيت أهلي من المحرمات! مرره سيء للجسم! أذكر أبوي كان يكب اللي يبقى بعد وجبات المطاعم في البلاعة يقول هذا ممتاز لتسليك البواليع << عشان ما نشرب زيادة! وأخصائية التغذية تقول اشربي بيبسي دايت!!  قلت طيب شكرا مع السلامة  << مدري وين رميت الكتيب!

فمن بعدها عرفت إنه الرحلة رحلتي، وأنا وحدي المسؤولة عن جسمي ومعرفة الللي قاعد يصير فيه!
ووحدي المسؤولة عن إيجاد الحلول.. ومن وقتها حطيت في بالي إن كل شيء راح أتعلمه عن هالموضوع راح أكتبه في مدونتي مستقبلًا وأنور البنات اللي يبحثون عن الحلقة المفقودة زيي!

هالتدوينة أعتقد بتكون بداية سلسلة من التدوينات، لأن القصة لسى في أولها.. ما أقول لكم إني وصلت لجميع أهدافي لسى، لكن تعلمت أشياء كثيييييييير وتعرفت على ناس كثير نوروني في رحلتي وصار عندي المعلومات اللي قد تختصر الطريق على بنات غيري.. 

ألتقيكم إن شاء الله في التدوينة القادمة

وفوتكككوا بعافية! 



12 comments:

  1. ايه حتى الكيتو دايت يقولون انه مناسب للتكيس لانه قليل الكارب والسكر
    بالنسبة للبيبسي الدايت لان ما فيه سكر بس فيه محلي عشان كذا يمكن قالت انه مسموح، وتراه مسموح بالكيتو 🤭

    ReplyDelete
    Replies
    1. صحيح البيبسي دايت مافيه سكر بس باقي مكوناته مضرة! حتى المحلي المستخدم فيه قد يكون أسوأ من السكر
      فحسيت صدمة إنه يسمح بشيء زي كذا في نظام غذائي "صحي"

      Delete
  2. تدوينة رائعة
    فعلا موضوع مهم ومؤثر على حياة كثير من البنات والاهتمام والمحتوى فيه قليل جدا ..
    أغلب الطبيبات إلا من رحم الله إما تقول عادي لا تهتمي أو تقول خذي الهرمونات بدون نصائح ولا تنبيهات ولا اهتمام بمتابعة الحالة ولا التأكد من آخر الأبحاث ولا اهتمتم بالأعراض الجانبية ..
    شكرا لك �� .. متحمسة لبقية التدوينات ولتجاربك في الموضوع وأكيد ستكون لي مساهمة في النشر.

    ReplyDelete
    Replies
    1. صحيح للأسف أكثرهم يلجؤون للأدوية اللي تعالج الأعراض بدون علاج المشكلة الأساسية!
      تعليقك حمسني أنزل التدوينة القادمة ممتنة لك ولكلامك إيناس ❤️❤️❤️

      Delete
  3. تدوينة لطيفة وموعيّة
    بالنسبة للسكر الي في الببسي دايت فحسب ما فهمته من حسابات الكوتش وكذا إن الدراسات صارت على الكمية الكبيرة منه، فأنت تاخذين كمية بسيطة (علبة وحدة في اليوم) ما رح تكون مضرة بإذن الله
    بالذات الناس الي مدمنة غازيات وياخذون ٦ علب في اليوم
    تحويلهم للدايت أفضل
    معك في الرحلة وربي يوفقك ويسهل دروبك

    ReplyDelete
    Replies
    1. أهلا أمل 🤩
      صحيح تعددت الآراء باختلاف المدارس في مجال التغذية، فيه رأي يقول إنها مسموحة طالما إنه ما منها ضرر واضح
      ورأي آخر يقول إنها ممنوعة طالما ما أثبتت صحتها..

      أما رأي روان يقول الأكل اللي مصدره معمل كيميائي فهو أكل غير صالح 😆

      Delete
  4. سبحان الله لمى اقولك فينا اشياء متشابه كل مرة اكتشف شي زيادة أنا نفسك بالضبط أول ما بلغت جاتني مرة وبعدها سنة بالضبط جات الصراحة مدري ليش ما اهتميت لا أنا ولا ماما في الموضوع بعدين لمى جات مرة ثانية سارت تجي كل ٥،٦،٧ شهور وافتكر مرة وحدة بس رحت عند دكتورة و قالت عادي دايما البنات كذا و قالت الدم عندي متجمد و شي طبيعي و خلاص كنت احسب انه عادي ع انه كل صحباتي في المدرسة و قريباتي دورتهم منتظمة بس ما اهتميت مع الوقت سرت اتعب لأنه شهرياً تجي الأعراض بدون دورة و بدأت رحلة الدكاترة من ٥ سنوات و اخذت حبوب منع حمل و كمان دوفاستون اخذه ٥ يام و تجي عارفة لمى اعطتني هو الدكتورة قالت يبين عندك كيس جربي خذيه شوفي إذا جات معناته نزل 🙃 مرة معاناة و رحت عند كذا دكتورة وتحاليل و اشعة و م حد قال لي ايش فيني بالضبط لحد ما مرة لقيت فيديو صدفة طلع لي عن تكيس المبايض. وشفت الأعراض نفس الي عندي و سويت نصائحها و برضو كانت تتكلم عن النظام الغذائي و انه مرة يفرق
    حمستيني اكتب تدوينة عن تجربتهما فكرت ابدا اكتب عنه

    ReplyDelete
    Replies
    1. واااو كيف الصدفة اللي جابت لك هالفيديو! معقول ماحد من الدكتورات كان مستوعب الحالة 😧 مرره شيء مؤسف! << لاحظت ترا مره كثير بنات يكون عندهم وماحد يشخصه لهم زين حتى برا .. رغم انه أحد الدكتورات اللي زرتهم كانت تقول 4 بين كل 10 بنات يجوها العيادة يكون عندهم تكيس!

      صح سبحان الله كلهم انحلت مشاكلهم واختفت الاعراض بتغييرهم للايف ستايل!
      وياليت لولا لو لك تجربه اكتبيها.. أحس مرره نحتاج محتوى عربي مرتب بهالموضوع 💓💓💓

      Delete
  5. تدوينة جميلة والأجمل انك تكلمتي عن موضوع قليلة فيه المعلومات وشبه معدومة !
    أنا وأختي فينا تكيسات وكل اللي عطتنا اياه الدكتورة جلوكوفاج بس (؟) وناوية ابدأ نظام أكل صحي لأن قريت ناس يقولون مع الرياضة والأكل الصحي راحت عنهم التكيسات !
    عقبالنا يارب وقدامك العافية .

    ReplyDelete
    Replies
    1. مره ممتنة لمشاركتك 💓
      صحيح في التدوية الثانية ذكرت انه أحد مسببات التكيس هو مقاومة الأنسولين، لكن مو الكل عندهم مقاومة أنسولين، كثير دكاترة يعطون اللي عندهم تكيس جلوكوفاج بدون تحاليل للأسف.. وصار معايا هالشيء إن شاء الله راح أذكر تجربتي معاه في التدوينة الثالثة

      بس زي ما قلتي هو الأكل الصحي والرياضة الأساس، يعني القلوكوفاج يوازن السكر.. بس ليش احنا نخليه يرتفع من الأساس بسبب ممارساتنا الغذائية الغلط!

      ربي يعافيك ويمدنا جميعا بالصحة والعافية والبركة ❤️

      Delete
  6. جميل يا روان .
    شكرا لمشاركة تجربتك ، و أظن الكثير بيستفيد منها
    الأكيد أن الغذاء هو العامل الأول في اي لخطبه في الجسم، لكن الأطباء ما يلتفتون لهالجانب ، شغلهم ادويه و كيماويات بس للأسف . متابعة الرحله و الله يمن بالشفاء على الجميع

    ReplyDelete
    Replies
    1. تدرين إنه موضوع التغذية يدرسون تأثيره في أول سنة من الطب! بس مدري يمكن مع غوصهم في موضوع الأدوية وتأثيرها العلاجي ينسون هالنقطة.. لكن عشان ما أصير متحيزة، فيه دكاترة عندهم هالتوجه الفكري بس الله يكثرهم 😁

      آمين يارب 🤲

      Delete

Top