مع الحمل وتضارب الهرمونات والانشغال بولدي واحتياجاته اللي قررت أدحش معاها مشروع التدريب على الحمام قبل ما أثقل أكثر وأنشغل بالبيبي الجديد وهواجيسي اللامنقطعة حول الانتكاسات اللي تصيب الطفل الأول 🪐 بعد ما يجي طفل جديد يحتاج اهتمام وتفرغ وسهر مصاحب مع الرضاعة وكل أكشنات البيبي الجديد اللي تصاحبها.. صارت تراودني مشاعر (وهي أكيد واضح لكم انها من كثرة الهواجيس!) مشاعر أقدر اسميها "الاحتراق الأمومي" << مدري ذا المصطلح قد قريته في مكان ما والا من كيسي ..
بس عموما أحس مرات ودي آخذ بريك من المسؤوليات الأمومية عسى الله لا يحرمني منها ♡
وغالبا ينتهي الشعور بعد ما ينام طفلي ويهدى رتم اليوم وتنخفض الاضاءات والأصوات في البيت واشوف براءة ملامحة أقول حبوووه والله مستييين! شفيني أناا! 🥺الين جتني لحظة الإدراك هاذي أمس وأنا سهرانة مع أختي، اللي قررنا نتجمع أنا وإياها في بيت أهلي مع أطفالنا وصار كأننا جمعنا زوبعتين مع بعض 🤣😂 بس الحلو انه كلنا فاهمين بعض وفاهمين الشعور .. يعني نولول أوقات ونطلع الصوت الصيفي وبعدها نقوم نضحك على خيباتنا ونرقع ما يمكن ترقيعه بدون أحكام 🤌 دقيقة.. برب
باك 😂
أنا قاعدة أكتب هالكلام وأنا بمصلى جدة بارك بعد ما وديت ولدي الحضانة وجلست محتارة وش اسوي وش اسوي!! ابغا اسوي شيء مجنون مشتهية اسوية لوحدي! سينما؟ سبا؟ قهوة؟ اممم لحظة خن أصلي العشاء وبعدها أقرر.. دخلت المصلى وحدي بدون عربية أطفال وبدون شنطة غيارات! أنا لي ثلاث سنين أصلا يا أصلي برا عشان ما يصلح ادخل ولدي بالعربية للمصلى أو مرات أو أدخل أصلي على عجالة لأن فيه أكد ينتظرني برا مع ولدي! هالمرة ولا وحدة من هاذي وحسيت واااو قاعدة استشعر إني أقدر أصلي برواق في المصلى بدون ماحد ينتظر وأنا متأكدة انه ولدي بالحضانة مبسوط إنه قاعد يلعب وكنت موريته مكان الحمام بالحجم الصغير عشان يدبر نفسه متى ما احتاج 🥺💕 قلت واااو!
هاذي الصلاة والجلسة في المصلى لوحدي بهدوء هي اللي احتاجها.. جتني لحظة صفاء وتأمل وإدراك وكل شيء خلتني أقول يالله! الأمهات بس يحتاجون ساعة باليوم مفتوحة تماما تعرف انه خلال هالساعة مستحيل أحد يقطعها! مرحلة الصفاء هاذي هي اللي خلتني أقوم أطلع جوالي وأكتب وأفضفض لأني مدري متى بيجيني الشعور والفراغ والقريحة الكتابية مره ثانية حتى أكتب!
وفي وسط كتابتي قبل شوي (لما قلت برب 😂 "ملينيال حقيقية") جتني بنت صغيرة معاها كورة تبغاني ألعب معاها ورميت لها وجابتها لي وكانت مبسوطة بلعبي معاها 🤣 العجيب اني مدري ليه اختارتني وأنا عيني على الجوال أكتب بينما فيه حولي بنات مستملحينها من أول وقاعدين يبتسمون لها ويتابعون لعبها اللطيف 😂💕 عسسسل والله بس ضحكت بنفسي لما صارت ترجع لي كل شويا بكورتها تبغاني أرميها لها عشان تجيبها، وأنا بقلبي طيب ليش أنا اللي هاربة من حشاشة يوفي 🤣🤌 قمت شفت بنات صغار يتابعونها بحماس ورميت الكورة جهتهم ويبدو اني نجحت في التشبيك بينهم حتى أرجع لكتابتي 😂
المهم بس والله باقي ما يقارب ثلث ساعة على انتهاء وقت صالح في الحضانة، وباجرب شعور السعسعة بين المحلات بدون هدف، او اممم باروح أقيس البنطلون اللي اشتريته للحمل! ييارب يطلع حلو وما اضطر أبدل! أو باروح اورنج اشوف اشكال اللحف الخفيفة عندهم لأني أحتاج ابديت 🤌
يللا باي
0 comments:
Post a Comment