في أحد المحاولات بالتعريف عن نفسي بطلب من بعض المتابعات، نزلت حسابي في صراحة وطلبت من المتابعات يسألون الأسئلة اللي يبغون يعرفونها عني أو مني، وجمعتها كلها هنا للإجابة عنها كلها 💓
- أشوف نفسي إنسانة مستقلة ومعتمدة على قدراتها / سيدة أعمال شغوفة / أم وزوجة صالحة / سيدة مجتمع معطائة
وما أزال أكتب في ذا روانز ❣
هذا اللي أتخيله حاليًا، بس لازم الشخص يكون منفتح لأي تغييرات ربي كاتبها له في الخطة لأنها حتمًا بتكون أجمل 🌹
النية الأساسية لفكرة الخلفة تختلف من شخص إلى شخص، فيه ناس تجيب أطفال عشان المجتمع إللي حولها يضغط عليها كخطوة حتمية بعد الزواج، وفيه ناس تجيب أطفال عشان تكايد سلفاتها 😂، وفيه بنات يجيبون أطفال عشان يحبون شعورهم وهم حوامل، وفيه ناس تحمل بالغلط وبدون تخطيط..
وبالنسبة لي حريصة إني ما أكون ولا وحدة مما سبق، أنتظر الوقت والظروف المناسبة وأدعي دائمًا ربي يرزقني الذرية في الوقت اللي هو وحده أعلم بأنه الأفضل لي ولوالدهم ولهم كمان 💖
سؤالك عميق 😂 مرات يكون عندي في بداية اليوم وقت فراغ وأحط فيه أعمال وخطط ويمتلي وما يصير وقتها اسمه وقت فراغ.
بس لمن أخلص شغلي كله ويكون عندي وقت فاضي غالبًا أتفرج عاليوتيوب << مؤخرًا طايحة على حسابات الديكور والميك اوفر للبيوت أحب أشوف قبل وبعد 😍
درست في أحد السمسترات لغة فرنسية كتقضية وقت بما إنه عندي بكالوريوس لغة إنجليزية وترجمة فما أشوف إنه المعهد للغة الإنجليزية ممكن يضيف لي شي جديد أبدًا.
من الأشياء اللي ساعدتني في تطوير لغتي إني كنت أحفظ جمَل إنجليزية مو كلمات، سواء من الأفلام أو كلمات الأغاني أو حتى الكتب. لأنه حفظك للجمل يحفظّك كلمات أكثر + يعلمك طريقة استخدام الكلمة في الجملة
ولو انتي حريصة تضبطين اللهجة الأمريكية على سبيل المثال جربي ترددين الجملة بنفس اسلوب قائلها 👍
<< وهاذي نصيحة مفيدة عالسريع 💓
ههههههههههههه مدري والله متى بالضبط لكن قريبًا إن شاء الله 💗
بالنسبة لي -حتى في السعودية- أحب إني أزين نفسي بنفسي وما أعتمد عالصالونات إلا في تسريحات الشعر للمناسبات أو مرات اسوي عندهم بدي كير ومني كير من باب الترفيه 💅 <<وفي أمريكا الصالونات قلما توفر خصوصية للمحجبات لذلك ما أسعى لها
لكن على كلام البنات هنا يسبون الصالونات في نقطتين (ما يعرفون لشعورنا للصبغات + قصاتهم تقليدية جدًا)
لكن صالون الشعر هنا غالبًا يكون منفصل عن الnail spa - ما عرف أترجمها بس هم مختصين بكل شي للأظافر- واللي هو يعتبر ممتاز جدًا هنا
إيوا أسوي دعم لكن للمنتجات المجربة والخدمات، وقد حصل وسويت دعم كذا مره من قبل 🌹
للي حابين يرسلون لي على إيميلي تفاصيل المشروع وأرد عليهم في أقرب فرصة 💭
بالنسبة لي ما أشوفها فرصة، الخيار صحيح متاح لكني ما أشوف هالقرار مناسب لي ولتخصصي 💌
كتبت معلومات عن المستقبل الوظيفي وكيف إذا فكرة الدراسات العليا بتفيد تخصصي في هالموضوع في المدونة
شكرًا على لطافتك 🌷
الفكرة واردة من زمان لكن حاليًا مو حابة أتشتت كثير وتركيزي كله منصب على مدونتي، ولو بافتح قناة عاليوتيوب راح تكون بس للفلوقز فقط لكن أبدًا مو قريب 😏
اممممم
1- مدوّنة
2- مترجمة
3- مسلمة
4- مكتشفة
5- متعلمة
لأني أستخدم حبوب منع الحمل
💖💖💖💖💖💖💖💖💖💖💖💖💖💖💖💖💖💖
انتي والله الكيكة والكب كيك والبراونيز والفانيليا والشوكلاتة وريحة القهوة المحمصة 😋🍰
_____________________
وهاذي كل الأسئلة اللي وصلتني، أسعدتني الإجابة عنها.. وباقي تعرفون عني أكثر وأكثر لمن تتابعوني في حساباتي هنا 😍👇
فوتتكووا بعافية 🙋♀💕
اندمجت حيل بالقراءة وحزنت لمن خلصت التدوينة
ReplyDeleteتمنيت الاسئلة كانت أكثر ، بس حبيتها وحسيت اني عرفتك أكثر ❤︎
يسعدك ربي حنين ما تدرين شكثر أنبسط لمن ألاقي لك تعليق هنا 😍💓
DeleteThis comment has been removed by the author.
ReplyDeleteروان يا روان اشتاق جدا لأيام الطفوله ( مدراس الابناء) سبحان الله كيف الايام تمشي بسرررعه
ReplyDeleteعلى فكره اسلوبك مررره رائع استمتعت بالمدونه بشكل فظيع
اهنيك صراحه ❤️❤️واصلي لاني بإنتظار جديدك
أفناااااان 😭😭💕
Deleteياربي وش هاللطافة!! 💖 جد ما أدري إذا لسى صورتي في ذهنك بالمريول الرمادي أو تغيرت 💥💭
مررره أسعدني تعليقك شكرًاااا على كلامك الحلوووو بإذن الله راح أواصل 💘
حسيت اني عرفتك اكثر كنت اتمنى الاسئله اكثر تدوينه خفيفه
ReplyDeleteيسعدك عبير 💓
Deleteوأنا كذلك من كثر الطلبات توقعت الأسئلة أكثر ههههههههه
تدوينة ممتعة و ايضا انا اظن بانك ستبدعين في اليوتيوب
ReplyDeleteاسمتعت بقراءة تدوينتك و معرفة المزيد عنكِ
مرره شكرًا على لطافتك سكينة 💖
Deleteاي والله علاش انتي كيكة 😭💖💖
ReplyDelete🙈💕
Deleteترا نستحي وكذا
لطيفة التدوينة وعرفت عنك أشياء أكثر 💓
ReplyDeleteربي يسعدك شكرًا ميمي اللطيفة 💖
Deleteاليوم بلصدفة شفت اكاونتك ع انستكرام وقلت خل اشوف مدونتك..ماشاء الله صارت ادمان للحين كم ساعة وبدخل
ReplyDeleteاقرا المواضيع اسلوبك حلو وسلس ومثقف وكاني اقرا عمود ف مجلة استمري ياحلوة...
ربي يسعدك مرره شكرًا على لطافتك موني 💖💖💖
Delete