كان عام مليء بالأشياء الجميلة -2016- 🌞

Saturday, December 31, 2016

مساء الخيرات \ أو صباحها عليكم جميعًا  
🎉
كيف حالكم؟
مبسوطين؟
جلستم جلسة صراحة لحالكم ومع نفسكم خلال هالأسبوع؟
إذا لا قوموا الحين 👾
صدق اقعدوا مع نفسكم فكروا في العام هذا إيش تغير فيكم؟ هل صرتم أفضل؟
فكرتم بالناحية الشخصية، العائلية، الدراسة والمهنية، الدينييية، الإجتماعية.. هل تغيرتم للأفضل؟
احصوا النعم إللي ربي مغرقكم فيها تأملوا أقصى تفاصيلها واحمدوه عليها عشان يعطيكم أكثر  
فكروا في المواقف العصيبة اللي مريتم، كيف قوتكم؟ كيف غيرت فيكم؟ هل شفتم فيها مين يحبكم فعلًا؟
تأملوا لطف الله الخفي 💞
وأثنوا عليه بالحمد والشكر الجزيل إنه مد بأعمارنا حتى اللحظة هاذي، وخلوها جلسة صادقة للتغيير للأفضل دائمًا 🌿








هاذي السنة بالنسبة لي كانت مختلفة تمامًا، باختلاف السنة اللي قبلها واللي قبلها..
بس تميزت هالسنة بإني عرفت نفسي خلالها أكثر، فضلت التفرغ لنفسي وتقويمها والبحث فيها،
أحاول أأكد رسالتي في الحياة، أبحث عن هواياتي، وأصقل فيها شخصيتي بعيد عن كل المؤثرات الخارجية..
أول شي تعلمته هالسنة..
السنع هههههه لالا ترا صدق! 😇
 الحين وضعي مختلف عن السابق وصرت ربة بيت حقيقية
هالسنة تعلمت أطبخ زيين وصار عندي روتين تنظيف مختلف عن اللي كنت أمارسه في السعودية
عاد أحد الأشياء السنعة اللي تعلمتها وجربتها وحبيها هو محلول تنظيف لجميع الأسطح،
أسويه بالبيت من مواد موجوده بكل بيت وخالي من المواد الكيمميائية إللي تأثر سلبًا حتى على التنفس!






مكونات المنظف:
- ملعقين بيكنق صودا 
- نص كاسة خل أبيض
- كاستين مويا           
 وممكن تحطين قطرات من زيت شجرة الشاي .. لكن أنا استغنيت عنه 💁
معروووف قد إيش البيكنق صودا ينظف ويمتص الروائح وله استخدامات كثيييرة للتنظيف بكل غرف البيت
وكذلك الخل الأبيض يقتل البكتيريا والجراثيم وكمان بعض الحشرات المنزلية
>>  للناس اللي يعانون من ذبابة الفاكهة جربوا مسح الخل على الأسطح إللي تتجمع فيها ذبابة الفاكهة! بتلاحظون إنها ما عاد ترجع فيه مره ثانية 💯
وعلى فكرة! ترا ريحة الخل راح تختفي تمامًا بعد ما يجف 🐣
صددق مرره حبيت المحلول ومن قللب ينظظف ولا يبقي آثار تمسيح، فيه ناس جربته على القزاز والمرايات وتممدحه بس ما جربت الصدق، أكثر مكان أستخدمة فيه هو كاونترات المطبخ بشكل دوري بعد كل حوسه أمر على الأسطح والفرن ويرجع يلق زي بالصورة. كمان إللي عندهم أطفال في العمر اللي يحطون كل شي بفمهم أنصحهم يستبدلون مواد التنظيف الكيميائية بهذا المحلول لأنه ببساطه آآآآآآآمنننن 💚💚
🎶
أمّا ما يخص اللايف ستايل والهوايات..
فعندي كووومة مفضلااات 💘💘 صدق أحمد ربي إني عرفتها خلال هالسنة




-2-
 الألوان الخشبية إللي تتحول مائية 💛💚💜 مممتعة جدًا جدًا جدًا!
هذا البوكس إللي حاطة الألوان فيه هو إعادة تدوير كرتون ورسمت عليه بهالألوان 💓 جدًا أحب هذا العمل بدون سؤال ليه 😵
-3-
 القلم الأسود إللي عاليسار هو تبع لوح الرسم الرقمي من Wacom اسم اللوح إللي عندي Intous pro medium.
هذا الجهاز عمل لي قفزة في محاولة إستعادة هوايتي المدفونة (الرسم) واستمتعت من خلاله بالرسم الرقمي، وصرت أستخدم اللوح والقلم حتى في تعديل الصور بالفوتوشوب لأن استخدامه جدًا مريح ولا يقارن بالفارة

أما من مفضلاتي اللايف ستايليه:
-4-
 الـBlender Bottle اخذته من آيهيرب لمن كنت بالسعودية كنت أستخدمه للبروتين شيك لأني وقتها كنت أتمرن تمارين مقاومة، لكن لمن جيت أمريكا تغيرت طريقة استخدامي له 😇
بما إنه مياه الحنفية هنا صالحة للشرب، ركبت بحنفية المطبخ فلتر وصرت أعبي القارورة مويا ووأشربها خلال اليوم -طبعًا شلت منها القطعة الداخليه- << عشان كذا ممكن إللي متابعني بالإنستقرام إلّا ما يكون شاف هالعلبة عالأقل بصورة 💚💚 سنعتني صرت أعرف قد إيش أنا شربت خلال اليوم خصوصًا إنها مو صغيرة!

-5-
 النوت الصغير هذا 💆💖 أخذته من حول سنه امم أو أقل أقل.. أخذته من مكتبة جرير
هو سادة ماهو مسطر ولا فيه أي شي من جوا بس شريطين فقط 💟 على قد ماهو بسيط إلّا إني استفدت منه بعننننننننفف حللته وما زاااال فيه صفحات قابلة للتحليل..


حجمه الصغير سهل علي التنقل فيه أحطه بشنطتي إذا طلعت وآخذه بكل مكان وأوقات أحطه على كومدينتي عشان ألحق أكتب الأفكار الخرافية إللي تجيني قبل النوم << بس الصدق عادة تجي هالأفكار وأنا مافيني حيل أحرك أصبع 😝😝
أستخدمه كقائمة مهام / أكتب فيه تجهيزات السفر وإيش آخذ معايا / أسجل فيه معلومات الهامة و مواعيد / أكتب فيه إذا جات ببالي أفكار غريبة / أخطط عليه أعمالي / أكتب فيه باسووردات بعض الحسابات عالنت .. يعني حرفيأ "كل شي". 💝

-6-
سوارة السلاحف التركوازية 🐢
هاذي السوارة لي وراها قصة 💕
في عام 2012 كان عندي سلحفة صغنطوطة سميتها قريسي (جرايسي) 🐢 ..
 و على قولة أختي إيمان "نعمة" 😂💃
حبببيت هذيك السلحفة 😢
كائن لطيف وهادي بس يتحرك ويمشي ويدخل في أماكن غبية زي تحت المكتب وتحت الكنب حتى لو كان ضيق مرره! كانت تقعد وقت طووووويل وهي تحاول تحفر بيدينها بس صدفتها كبيرة 😅 بس الأكشن بالموضوع إني ألاقيها دخلت بعد فترة 🤗 
واصير اضطر ارفع الكنبة أو المكتب عشان أطلعها!
 عادي جدا إني كنت أسولف معاها وكنت أحط لها مناكير .. كنت أحب المناكير البيضاء تطلع اضافرها بزيادة طويلة 😆
سافرت الباحة وأخذتها معايا وأتوقع إنها كانت مبسوطة أكثر لأني كنت أطلقها في الحديقة الخلفية تتشمس وتاكل من اللي تبغا من الخضار المزروعة 😻👏
قررت تكون صديقتي وأربيها لعقووود من الزمن، كنت اتخيل يوصل عمرها الميااااات ويلحقونها أطفالي وأحفادي 😴
بس بعد مدة من رجعت الرياض صرت ألاحظ نشاطها قل (تراهي حركية رغم انها بطيئة) وبعدين قمت ألاحظ أكلها قل 💔
ما بقيت شي ما حطيته قدامها عشان تاكله، طلعتها الحوش قلت يمكن مع قلة تعرضها للشمس، لكن أرجع لها ألاقيها بنفس المكانها اللي حطيته.بعدين قمت ألاحظ لون بنفسجي في صدفتها من تحت .. وكل مره تكبر هالبقعة الغريبة 👤
إلين يوم من الأيام رجعت من الجامعة وبلبس الدوام رحت أتفقدها لقيتها مكانها نفسه من الصباح بس الفرق إن راسها طايح.حاولت أسقيها مويا وأحركها بس ما كان فيه ردة فعل، تأكدت إنها ماتت كان يوم حززين دفنتها في فناء بيتنا الخلفي وأنا أبكي ومن بعدها ما عاد اقتنيت كائن حي 💔
 رغم مرور سنيييين لكن ما نسيتها ذيك النقطة الخضراء، وما زلت أهتم في أمور السلاحف وأتابع المهتمين فيها زي هذا الموقع devotedtotheocean 
اشتريت من الموقع هاذي السواره وجزء من ربحها يروح لمنظمات تحمي السلاحف من الحيوانات زي الراكون اللي تحفر في الشواطئ وتاكل بيضها قبل ما تروح البحر 😿. .


 


فكانت سبب شرائي لهالسوارة عشان أخوان قريسي يعيشون 
🐢💕


اوه! لقيت لكم صورة لقريسي أثناء محاولة الدخول تحت الكنبة، وترا فعلًا كنت بالأخير ألاقيها دخلت لحد يسألني كيف!<< الصورة لقيتها بالفيس بوك 👀  كح كحح.. 


🎶

المهم يا عزيزاتي بعد قصة قرايسي الحزينة وأنا أقول معد بأشتري كائن حي، لكن لمن نقلت لأمريكا حسيت إني أبغا في بيتي كائن حي مؤدب ماله صوت 😛

فقررت أجرب نفسي في الزراعة 🌱 << المفضلة رقم 7



واشتريت تربة زراعية عضوية وأصيصات وعدة زراعة داخلية وبذور ورود.. وبدأت بالزراعة الداخليه << على الرغم من إنه عندي بلكونة بس أخاف الحشرات تبيض في التربة وإلا يجي على نباتاتي وعشان كمان لا تموت من البرد خصوصًا الحين فصل الشتاء  << بالضبط زي خوف بعض الأمهات المبالغ اللي ممكن يخرب عيالهم مستقبلًا 🙀
في اليمين بالأصيص البرتقالي فيه زهرة الدايزي زي حقة دعاية بوك مرره أحبهاا لكنها ما تزهر إلا في الربيع 🌼
الأصيص الأبيض (إعادة تدوير جالون حليب بلاستيكي) وزرعت فيها طماطم وفلفل رومي.. وربي يبلغني بعيالهم 😋😍
والأصيص اللي بالوسط (برضو إعادة تدوير علبة حليب كرتونية) زرعت فيها من يومين ورود الدايزي كمان 🌱


ووووعشان الزراعة جزء من بيئتنا إللي لازم نحافظ عليها بتقليل إستهلاكنا للبلاستيكيات اللي صععببب التخلص منها وما تتحلل في التربة، لازم نجرب نستخدم أكياس التسوق القماشية!
<< مقدمة جبااارة صح😎 ههههههه





هذا الكيس اشتريته من  سنتين، كنت آخذ فيه فطوري من البيت للدوام، ومرات كنت أحط فيه أشيائي إذا رحنا للشاليه أو ممكن أحط فيه الجزم لمن نزور الحرم المكي 😍 
أحب هالكيس لعدة أسباب، لأنه صناعة يدويه، مصنوع من قماش الكانفاس الثقيل، وقابل للغسل << بس لا تسوون زيي وتحطونه في المجفف بحرارة عالية عشان ما يشمر ويصغر حجمه ههههه ترا الكيس هذا كان حجمه أكبر شويا.
لمن انتقلت لأمريكا زاد استخدامي لهالكيس بالذاات للمقاضي لأنه يشييل ويتحمل وأحمله على كتفي زي الشنطه، وكمان أقدر أحط فيه أي شيء أشتريه وما أبغا الناس العامة تشوفه << البنات فاهمين قصدي كووويس 😜
ناهيك إنه بعض المحلّات ياخذون قيمة إضافية مقابل الأكياس الورق إللي أكررره تجمعها عندي في البيت فداائما أفضل آخذ كيسي معايا، وعندي كمان كيس كبير أزرق من آيكيا أخذته عشان لو عندي خرابيط كثيرة مرره يتحمل! 💛💛

نجي الحين عند الأشياء الجمالية شويا 👑
-رقم 9-
من مفضلاتي بالقطع الملبسية هالسنة وكل سنه دائمًا أبدًا "الكاااااارديقااان💕💕 
  


بأعطيكم نبذة شويا عن ستايلي أول شي
 😻
🎶

أحب العملي المريح: يعني أفضل البناطيل بكل أشكالها عن التنانير والفساتين.
أحب البوديات والكروب توب، أحب البلوفرات والقمصان اللي تجي واسعة شويا 
أحب الألوان الهادية والعملية وقلييييل ما اشطح بالألوان
في الجمعات أفضل جينز أو بنطلون أسود مع بلوزة فيها موديل أو قميص شيفون 
بالمناسبات أفضل الألوان الرسمية الفخمة زي الكحلي والأسود وأخلي الفخامة الحقيقية في الطقم إللي ألبسه
تخيلتم ستايلي؟ أكيد تعرفون أحد زي كذا!

بالبيت غالبًا ألبس تانك توب مع جوقر أو لقينق، فلو اضطريت فجأة أقابل أحد عاادة يكون الكارديقان المنقذ حقي 💋
لمن كنت بالسعودية كنت ساكنة في بيت أهل زوجي فكنت أفضل كثيير مرات إني أطلع بالكارديقان عن الروب.. 
إللي حصل لمن جيت هنا استهلكت هاذي القطعة بشكككل!! 💞
بالذات لمن أروح المكتب حق السكن إما أخلص شغله أو أجيب طرد أو حتى لمن أروح أشيك على صندوق البريد، أحب ألبس الكارديقان هذا فوق لبس البيت لأن الخطوتين اللي جوا العمارة ما تسوى إني أغير لبسي بالكامل، يعني صدق استهلكته سواء بالبيت إذا بردت أو حتى إذا طلعت مرره دافي وموديله حلوو وطوله مناسب لي.. 

بالبلايز مقاسي الفعلي سمول، بس بما إني أحب الملابس تكون فضفاضة من فوق تعودت آخذ ميديم وتطلع بالشكل إللي أحبه بس لمن شفت هذا الكارديقان بالمحل أخذت لااااارج << لاحد يسأل ليه حسيت أبغا شي مخشبل فاهمين عليّا؟ ههههه 😂 
ولا يهون سليبر البيت هذا أخذته وأنا أجهز لزواجي قبل سنتين وما حللته إلا بأمريكا 



على طاري التجهيز للزواج، وقتها كنت شاريه عطوور كثييييييييييرررر << على إني من النوع إللي يمسك على كم عطر ويخلصه ويشتري غيره بس تعرفون حركات العرايس 😅
ومع الشبكة كمان جتني عطوووور كثييييييييييييييييررر 💕 استخدمتهم بعضهم خلال السنة الأولى قبل ما أنقل أمريكا، وأثناء النقل ما حبيت يكون معايا أشياء كثيرة فحاولت آخذ معايا كم عطر بس، اثنين منهم كانوا مفضلاتي هاذي السنة بجداارة.
💗



-10- 
عطر روبيرتو كافاليريحة باردة منعشة، ريحة ورررد وفانيليا ريحة أنوووثة نااعمة  صدق شي مو طبيعي هالعطر بالذات في الصباح!! الأكيد إني راح أشتريه إذا خلص لأن ريحته أحسها تمثل ذوقي بالعطور وبقووة

-11-
 Belle d`Opium من إيف سان لوران: هذا العطر أستخدمه مساءًا، ريحته قووييية ثاابتة مرره، ريحته جممميلة فاااتنة! فيه ريحة بخور وباتشولي وصندل وتبغ!! متخيلين هذا الخليط كيف دافي! يججججنن يا بناات صددق أحسه عطر أنثى قوية جريئة فخخمممه فخمه، هذا العطر من العطور إللي إذا بردت تعطيك ريحة جديدة ما تعرفونه! تحسونه عطر خرافي آخر 😭  لحظة باروح أتعطر💘💘💘
في المناسبات الكبيرة أحبه مرره مع نقاط خفيفة من دهن العود على أماكن النبض.. يجيني وقتها شعور يا أرض انهدي ما عليك قدي 👸

🎶

آخر شيء أبغا أكتبه ضمن قائمة المفضلات بعض المنتجات المكياجية إللي علّقت عليها هالسنة 👏


-12- 
ماسكرا Better than sex من too faced.. من شهرين اشتركت في موقع ipsy.com حطيت لون بشرتي ومساحيق التجميل المفضلة وإيش الدرجات اللي تعجبني والذي منه ويصيرون يرسلون لي كل شهر 5 منتجات حجم سفري مع شنطة مكياج صغيرة وياخذون مقابلها 10$ فقط ، حبيت الفكرة لأنها تمكنني من استخدام أشياء على مزاجي وبالألوان اللي أحبها والكمية اللي تخليني أستخدمه مدة لا بأس بها بدون ما تتجمع عندي وتخرب وكذا.. هاذي الماسكرا كانت مع شنطة شهر أكتوبر، أول ما استخدمتها ما حسيت بنتيجه واو وسحبت عليه، وفي إحدى سفراتي أخذته معايا عشان حجمه، وتفاجأت بعد كم تجربة من النتيجه!! مرررررره بطلللللل بططلل بطللل! كل ما حطيتي طبقة يعطي كشاافة وطوول للرموش تغنيك عن أبو جد الرموش الصناعيةعاد مررره حبيته وراح أشتري منه الترافل سايز برضو إذا خلص << أكره الماسكرا لمن تبدا تنشف وأنا ما استخدمت منها كثير عشان كذا أفضل الأحجام الصغيرة.


-13- 
باليت Sleek للحواجب 💘 هذا الحب من أول نظر! اشتريت هاذي العلبة من سنتين بالضبط! لمن كنت بالجامعة أخذتها من صيدلية وايتس إللي بجامعة نورة 💟 وإلى الآن الجل اللي عاليسار سايل ما نشف كأنننني دوبني شاريته! أحب لونه والنتيجه إللي يعطيني إياها، أنا بالعادة أستخدم البودرة إذا أبغا شكل طبيعي بس أعبي الفراغات اللي بحواجبي، لكن لو أبغا رسمة أكثر حدة أستخدم الجل بالفرشة المشطوفة أرسم شعره شعره تطلع النتيجة جممميلة 😻غير لون البودرة البطططلللل! كثير مرات أستخدمه كشادو لكسرة العين أو أحطه على رموشي السفليه لوونه بطلل وثاابت وقوي وكل شي جميل افففف 😢💙💙💙

-14- 
بالم شفايف مات من Revlon رقمه 225، ما بأتكلم عن اللون لأن هالدرجات غنية عن الوصف أصلًا 💘هذا مو أول واحد آخذه قد خلصت قبله واحد، أحبببه لأنه يرطب، هو ماات لكن ما يعطيك نتيجة شفايف العجوزة 👵 وأول ما تحطينه تحسين كأنك حاطه مرطب بالنعناع ولونه ثابت بالنسبة لترطيبة مرره أحبه للاستخدام اليومي وفي البيت 💕

-15- 
روج مات من Isadora اسم الدرجة  Deco Rose 06، ملاحظين إنه مره قريب من لون اللي قبله! هههههههه يا ناس هالدرجات تأسرني! أحبهاا تناسب كل ألوان البشرة وكل التونات وتناسب المكياج الخفيف والثقيل كمان، يعتبر بالنسبة لي من درجات النيود اللي تعطيك حياة لأن فيها بني مع وردي مدري كيف!!💘 بعكس بعض درجات اليود أو اللحمي اللي تطلع شفايفك كأنك مريضه 😐، بس طبعًا يتميز هذا عن اللي قبله بأن اللون أقوووى وأثبت بكثيرررر، أحبه للشنطة وقت الأزمات هوا السوبر هيرو حقي 💝

-16- 
الفرشة هاذي مالها اسم أخذتها من H&M لأني كنت أبغا فرشة مشطوفة مشي حالك ولقيت هاذي معلقة عند الكاشير قلت أوكي نجربها وسعرها مما كان غالي أبدًا!... بس انصدمممت من جودتها وإمكانياتها بالنسبة لي هاذي الفررشة الجباارة إللي تغنيني عن أغلب فرش العيين.الجهة المشطوفة أسخدمها لتحديد الحواجب وما تحت الحواجب وكمان أستخدمها للسموكي تحت العين، والجهة الثانية أستخدمها للدمج في كسرة العين ومرات أموه بيها من تحت العين، شعرها نوعيته بططله مو النووع الناعم إللي ما يمسك فيه الشادو ولا الخشن إللي يخممش جفونك 😍😍💕 مرره أحبها وصصدق كماليات H&M قاعدة تصدمني جودتها مؤخرًا 💕

-17- 
كحل من ميبيلين اسمه master drama. أحب لووونه وثبااته لفترة طويلة، أخذته من LifeStyle سنتر بوينت، سألت الموظفة عن كحل ثابت وقوي وسوت لي سواتش على يدي لكم نوع وكملت تسوق ورجعت لها بالأخيرررر لاحظت إنه هذا ما خف أو بهت أو تغير أو حتى تلغوص رغم محاولاتي بفركه بيدي! فأخذت منه 2 على طووول 👍 وزي ما قلت اللون قووي أول ما تحطين الكحل يصير مدري كيف كأنه دهني أو جل في هالوقت أحب أموهه بالفرشة على منابت الرموش العلويه قبل ما ينشف، لكن لكن لكن فيه عيب شنييع! انه القلم نفسه بلاستيك مو خشب وصععب مرره تبريته يقههرر من هالنقطة، والا الباقي حلو 😅 قولوا لي بنات لو فيه شي جميل بنفس هالمواصفات رجااءًا 🙋🎶

-18- 
آي لاينر أسود من  KIKO، تعرفون هذاك المنتج إللي تحبونه للدرجة إللي تقتصدون في استخدامه وتخافون لا يخلص😿
 فرشته جامدة شويا مررره سهل في الإستخدام حتى للي ما تعرف ترسم الآيلاينر زين بيضبط معاها، ولونه فاااحم قوي! ماهو ضد المويا إللي يجي يلمع لكن إذا توضيت بدون ما أفرك عيني ما يتغير معايا ولا يبهت لونه يبقا قوي كأن توني حاطته << 😻

🎶

وبالنهاية أختتم قائمة مفضلاتي بأجمل حدث صار معايا خلال هالعام 😍
إنشائي لهالمدونة،
 وتعرفي من خلالها عليكم قارئاتي وعلى "نافذة المدونات" اللي راح أتفرد لها بتدوينة خااصة عمّا قريب 💝
عسى الله يجعلها شاهدة لي لا علي وييسر لي من خلالها الوصول لقلبوبكم جميعًا 🐧💕
أخيرًا،
شاركوني تجاربكم مع أحد الأشياء إللي ذكرتها في مفضلتي فوق بالتعليقات مررره راح أنبسط بقرائتها 👽
ودعواتي لكم بسنة جديدة مليئة بالأفراح والمناسبات السعيدة وأشياء جميلة ما تنسي يارب 👑


ووو يلااا فوتتكوا بعافية 🙌🌟



_____________________________


🎀

     
  •  
  •  
  •  
  •  
  •  



6 comments:

  1. مشكلة اللي يقتنون سلاحف انهم يتوقعون انها بتقعد معهم مئات السنين زي الافلام :( زي ما صار لاختي للاسف 😭💔💔

    ReplyDelete
    Replies
    1. ااايي والله منن جددددد كنت أتخيلها بتعمرررر عشان كذا انصدمت 💔💔

      Delete
  2. استمتعت جدا بالتدوينة وبمواقفك هالسنة
    الله يجعل سنة 2017 خير علينا وعليكي يارب

    ReplyDelete
    Replies
    1. ربي يسعدك إيمان 🔮
      أنا إللي انبسطت لمن قريت اسمك مع التعليقات 💕
      آآمين ياارب 💜

      Delete
  3. انجازات جميلة والاجمل العطر بيلا عششششق
    من سنة ماحصلته في اوروبا ولا السعودية
    حبيبت واستمتعت كثيييير بالبوست
    وان شاء الله ٢٠١٧ تحققين فيه ماتمنيتي وسنة خير عليك يارب💕

    ReplyDelete
    Replies
    1. أسعدني تعليقك إللي كان معلق لسبب أجهله 😂❤️❤️
      بالنسبة للعطر ابحثي عنه في محلات العطور اللي في المولات اللي ما عليها زحمة.. يعني لو انتي في الرياض شوفي محلات تالا مول، واذا في جدة شوفي هيفاء مول تلاقين البضايع فيها بالهبل 😉

      Delete

Top