روتيني وقت الدورة الشهرية - فترة إستجمام 💆 ☁

Sunday, April 23, 2017


السلام عليكم معشر الفتيات ~
أتمنى تكونون بخير وانتم تقرووون هالبوست 😍
ااا مو بخير؟ ليييه سلامااات!! اووه اوووكي البيريود 🐵
أدري أدري حاسة فيك 😪
هاذي الفترة من الشهر أبدددًا ما تونس! تعب وألم وإرهاق ونفسية خايسة وفوقها تحسينك سمنانه وكمان شهيتك مفتوحة 👏 واااو اكتملت! 🙅
عشان كذا إيش رايك نحاول نخلي هاذي الفترة فترة راحة واستجمام ومتعة! 👀




- صحيت الصباح بطني يستهبل شويا تمغطت فوق السرير ودخلت الحمام وااو مفاجأة 
<< عاد اللي ما يكون الموضوع عندها مفاجأة لازم تكون متجهزة قبلها بفوط يومية \ Panty Liner
وقتها لازم تكونين مجهزة نفسك بكمية من الفوط الصحية إللي تناسبك وبكمية الإمتصاص إللي تناسب دورتك..


وممكن يكون عندك كذا نوع من الفوط الصحية: 
نوع قطني مريح لوقت التسدح في البيت
نوع يكون ألترا رقيق مثلًا للطلعات إذا بغيتي
نوع طويل ذو امتصاص عالي يكون لوقت النوم
*عاد إذا انتم زيي من النوع إللي تستانسون على الأشكال الجميلة للفوط جربوا ماركة كوتكس تحسين إنك فُلة 🌼 هههههههه*
طبعًا يفضل تحتفظين فيها في وحدة تخزين في الحمام، مع بانتي لأوقات الطوارئ << أو شورت ولا يزعلون ههههه

- اللااااااه الحين أحس بالأمان، نروح الغرفة نفتح الدولاب وندور لبس مريييييح ويدفي مع شرّاب 🐧
<< أنا عنّي أحب ألبس لقينق أسود وبلوفر واااسع 🐻 لأنه مريح ويدفي وكمان عشان ما ألاحظ نفخة جسمي وأنفّس هههههههه

- أروح المطبخ وأسخن حليب << لأنه لازم نقلل من القهوة وقت الدورة جسمنا محتاج موويا مو ناقصين 😇
وأحط مع الحليب رشة زنجبيل وملعقة قرفة (سينامون) ونص ظرف ستيفيا مررره طعمها لذذييذ



عاد هالوقت بالنسبة لي ما أقدرررر أقاوم شهيتي المفتوووحة على التشوكليت 😭😭 أوكي أنا أحب التشوكليت بكل وقت بس صدق يعني وقت البيريود مرررررره نفسيتي تتعب لو ما فيه تشوكليت بالبيت 😢 
دلعوا نفسكم بكم قطعة ترا مرره تسواا 😵❤️❤️



- جبت الحليب والتشوكليت، عبّيت قارورتي المفضلة موياا وأروح أجلس على كنبتي المفضلة أو سريري الوثير، وأتلبس بالبطانية الدافية وآخذ لابتوبي / تابليت / ريموت التلفزيون، أتفرج يوتوب على الـ Morning routine أو Night routine، اففف مرره أحب هالمقااطع أصلًا بمجرد ما أشوفها أحس إني سويت الروتين معاهم أرتاح نفسيا ههههههههه
المهم إني أتفرج على الشي إللي أحبه سواء يوتوب أو مسلسل المفضل، أو أحد الأفلام البنّاتية زي هاذي:
  (2011)
Mean Girls (2004)
Bride Wars (2009)

عااد الأفلام اللي فوق كووووم وأفلام ساندرا بولوك كووم مرره تضحككني كوميديتها 😂😂 
صدق لو تبغون فلم يوسع صدوركم لا تفوتون أفلامها 👇

The Proposal (2009)
The Heat I (2013)

- وسعت صدري وضحكت وفجأة شد علي بطني وقمت أحس بالتقلصات، عندي خيارين وكلهم جميلات الصدق! 💛
أول شيء آخذ قربة وأعبيها مويا داافية وأحطها أسفل البطن يالله كيف الإحساس بالحنان أول ما أحطها << يسلم إيد إللي اخترعها 😪💤 صدق مرره تدفي وتريييح حتى لو استخدمتيها بعزز الحرر لها مفعولها السحري الحنون 💘
ولو ما عندي قربة، ممكن أستخدم قلوفز صوف أو شراب طويل شويا أو أي قطعة قماشيه أحط فيها رز وأقفل عليه أو أربط طرفه وأدخلها جوا المايكرويف إلين تسخن، تعطي نفس مفعول القربة الدافيه 😻💕
الخيار الثاني، أجيب زيت النعناع أو زيت اللافندر وأسخنهم شويا على النار أو المايكرويف وأخذ منها بأطراف أصابعي وأبدأ أسوي مساج بحركات دائرية أسفل البطن والظهر مرره تريح هالطريقة واللافندر والنعناع بيعطون الاسترخاء اللي بيحتاجه الجسم 😴💤

- ريحت جسمي، خفت التقلصات شويا الحمدلله، قمت طالعت وجهي بالمراية أتفقده إلا لقيت حبة حمراء كبيررررة ههههههههه
ترا مررره عادي زين ما تطلع قبل، لو عندي مرهم أو محلول ينشفها خير وبركة 👍 (بالنسبة لي أستخدم فيسودين أو فيسديرم بمختلف المسميات << يخفف من احمرارها وينشفها)
أو ممكن أستغل تشريف هالبثرة وأقوم أحط أي قناع طيني عندي، غير إنه ينظف البشرة ويمتص كل الدهون منها << بما فيها هالبثرررة
كمان يعطي شعور ريفريشي 🐸💦



عاد هالوقت وقتنااا يالبناات نقعد نتفنن بالمناكير 💅😎
أرتب أظافري وابردها وألمّعها وأحط المناكير على رواقة إلين تنشف وأمسك قاروررة المويا المسكة الدلوعية اللي خايفة على مناكيرها وما أنسى أشرببببب هههههه
>> لا تنسين تشربييين! حتى لو مو عطشانة! 😒 غصب

- بعدين وصوص بطني! جوعانة، أبغى آكل..
افتح الثلاجة وآكل الأخضر واليابس هههههه لا لا أمزح آكل الأخضر والطري خخخ << لا تعيدينها
المهم آكل إللي مشتهيته بس حبذا يكون فيه خضار خضراا زي البروكلي/ الخس / السبانخ / وكل ماهو أخضر وملون،، أهم شي تكون وجبة غنية غذائيًا وتكونين تحبينها بعد 😍



ومررره أحاول أبعد عن الأكل المالح والجاهز بصفة خاصة، لأن الملح يسبب احتباس سوائل وأنا هالأيام مو ناقصة خلقة السوائل محتبسة بجسمي ،، أخاف أفلّها بالأكل وأنام وأقوم ألاقي وجهي منفففخ هههههههه تراه من الكنتاكي حق أمس!

طيب كيف تروح هالنفخة مدري احتباس السوائل؟ 
- مو انتي ماكله موالح؟ والمالح يعطش! وانتي ما شربتي إلا بيبسي لااا وبعدها شاربة شاي << كافيين = مدر
جسمك صار عنده شح! صار يخززن السوائل بخصرك -سنام الإنسان- 🐪.. 
عرفتي الحين ليه تحسين ان وزنك زايد؟ 
عاد بوقت الدورة بدون شي الجسم يحتاج سوائل تعوضه لأنه قاعد يصرف أساسًا 😁 
اشربي يا قلبي انتي اشربي ومطرح ما يسري يمري 🍼

ايييه وعلى طاري الأكل ترا الموز مررره بطططل إذا تبغين شيء يهجد التقلصات إللي بالبطن!
لو إنتي ما تحبين تاكلين الموز، سوي سموذي حليب وموز وأي فواكه عندك بيكون خليط لذيذ ومفيد وحلو ينفع تصورينه للإنستقرام أو سناب عرفتي كيف 💁

- صارت سالفة وخربت أخلاقي شويا، لازم أذكر نفسي إني أنا اللي أتحكم بمشاعري مو مشاعري إللي تتحكم فيني
(لا تخلّين الدورة عذر تتطاقين فيه وتنفسين على خلق الله ههههههههههه)
آخذ نفس عميق، ادخل الحمام أحط السدّادة عالبانيو وأعبّيه مويا داافية، أحط الباث بومب / رغوة بانيو / أملاح بانيو << اللي يجي 
لو ما عندي، أكتفي بملح بحري في مويا داااففيية وأحركه إلين يذوب وأحط نقاط من أي زيت عطري طبيعي عندي.. واستتررخي وأحرك بالمويا استمتع بصوتها أتخيل نفسي بالمالديف ههههههه لالا صدق استمتع باللحظة 😍 أتحسس عضلاتي وهي تتمدد واسترخخخخخخيييييييي وأفكر بأشيااء جمميلة.. << ما تدرين كيف هالشيء له تأثير منعش ومريح..
لو ما عندي بانيو، أفتح الشاور على مويا داافيه -لا هي باردة مره ولا حارة مره!-
وأركز بالمويا وهي تتدفق على جسمي، أجيب ليفتي الناعمة وأحط فيها جل استحمام دلوووعي زي اللي من سوب آند قلوري، أو من ذا بودي شوب، أو أي شاور جل أحب ريحته 😍💐



(لا تقمطين وتسوين دراما وتقومين تبحثين في عالم حواء إذا خفت دورتك بعد التسبح أو الشاور، ترا مرره طبيعي يصير كذا مع المويا، كلها كم ساعة وبترجع طبيعي.. don't panic 😪)


- أحاول طول هالفترة ما أقعد وقت طووويل متسدحة ومتبطحة، أصلًا بأطفش كذا!
أتحرك بالبيت، امشي برا في الممشى / في السوق.. أي مكان الزبدة أكمل عجلة التنميه ههههه الحياة ما توقف!
إذا إنتي تمارسين الرياضة بشكل دوري لا توقفين تمامًا لمن تجيك الدورة ولا تتمرنين بعنف زي أي يوم، اسمعي لجسمك إيش يحتاج
 << بس الأكيد ما تسوين تمارين مقاومة للبطن وتشيلين حديد بهالفترة! لا تفلّينها عاد 😅
بالعكس الحركة والتمارين وقت الدورة تخفف عليك التقلصات وتريحك،
بالنسبة لي أحب أسوي استرتشنق بالذات أول أيام مرره يريح نفسيًا وجسمانيًا زي اللي بهالمقطع
مررره أنصحك بهذا النوع من الإستريتشنق، سويه وانتي تتمغطين حركي كل غضلة بجسمك وبتشوفين الفرق على طووول 😍

- إذا حسيت بألم التقلصات في الأيام  الأولى ممكن أحاول ألجئ بطرق التسكين الخارجية، لكن إذا صار الوضع لا يحتمل أكيد ما راح أقعد أعذّب نفسي وبآخذ مسكن على طول << أهم شي بالكمية الموصى بها بدون إفراط  أهم شي أقدر أمارس حياتي الطبيعية 😅💊

وأخيرًا،
أذكّر نفسي وأذكركم إن الرحمن أسقط عننا الصلاة والصيام لأنه هو العليم فينا وفي أجسامنا واحتياجاتها،
نحاول نسمع لأجسامنا إيش تحتاج ولا نحملها فوق طاقتها من جهد أوتجويع << بالذات في رمضان "خوفًا من القفطة" 😜

هذا روتيني زوم آوت خلال فترة الدورة،
مو كلها أسويها بشكل دائم << أكيد المزاج هو اللي يتحكم في بعض الأحيان "طبيعي جدًا"
لكن هاذي إجمالًا الأشياء اللي تحسن مزاجي خلال هالأسبوع من شهر 🌸

ماذا عنكنّ؟


اوووه نسيت أقول!
البنات اللي في أمريكا 🇺🇸 ، تقدرون تحصلون على عينات مجانية من منتجات U by Kotex توصلك إلين بيتك
من خلال هالــرابـــــط 😍 جربوها وادعوا لي 💕


وووو فوتتكووا بعافية 🌅 🔕
_______________________


🎀

     
  •  
  •  
  •  
  •  
  •  



17 comments:

  1. عجبني تناولك للمموضوع بشكل عفوي صدقا كنت ما أحب هذي الفترة لكن بمجرد وضع موضوع الاهتمام والاسترخاء تغير الوضع وبالتدريج تقبلت الموضوع ومعد صار عائق في حياتي وروتيني مثلك تقريبا القربة صديقتي والشوكلاته ماتفارقني

    ReplyDelete
    Replies
    1. الحمدلله 💕
      فعلًا أول ما تعطين جسمك حقه من الراحة والإسترخاء وحتى فتحة الشهية بدون تأنيب ضمير راح تعدي هالفترة بسلام داخلي وسعادة 🐣

      Delete
  2. مدونه ممتعه مفيده مثل ما توقعت ..كلو كوم و جملة (لا تخلّين الدورة عذر تتطاقين فيه وتنفسين على خلق الله ) كوم ثاني من جد هذا الشي يفقع قلبي من بعض البنات تبالغ جدا في تقمص شخصية النفسيه السيئه بسبب البيريود !! لا تقدري تسوي كنترول و ما تعيشي الدور بزياده

    ReplyDelete
    Replies

    1. فعلًا كثييير صارت تبرمج نفسها إنه اوووه خلاص أنا عندي البيريود يعني أخلاقي قاافلة 😅 الين صدق تصير نفسها ضيقة وتقعد تتفلت على الناس بعدين تقول عاد هرموناتي 😐

      Delete
  3. مدونه ممتعه مفيده مثل ما توقعت ..كلو كوم و جملة (لا تخلّين الدورة عذر تتطاقين فيه وتنفسين على خلق الله ) كوم ثاني من جد هذا الشي يفقع قلبي من بعض البنات تبالغ جدا في تقمص شخصية النفسيه السيئه بسبب البيريود !! لا تقدري تسوي كنترول و ما تعيشي الدور بزياده

    ReplyDelete
  4. لو إنتي ما تحبين تاكلين الموز، سوي سموذي حليب وموز وأي فواكه عندك بيكون خليط لذيذ ومفيد وحلو ينفع تصورينه للإنستقرام أو سناب عرفتي كيف 💁

    ^^ فطستيني ضحك 😂😂 كانك دارية ان بعض الناس اللي انا مو منهم يسوون عشان يصورون سناب 😂😂

    ReplyDelete
    Replies
    1. 😂😂😂 كلنا ننبسط إذا صار شكل أكلنا جميل يصير دافع عشان نصوره وننشره

      Delete
  5. تدوينة جميلة حبيتها

    ReplyDelete
  6. ياربي اشتهيت تجيني الدورة بقوم اسوي نفسك لوووووول
    جد حسيت بالروقان ، انا اقدس هالفترة بشكل جنوني ، ع قد ماكنت اكرهها واكتئب منها إلا انها المفضلة عندي الآن وكله بإقناع نفسي فقط
    شكراً عالبوست التحفيزي الانثوي الدلوعي :)

    ReplyDelete
    Replies
    1. جدد تحسين هذا وقتك المستقطع من الشهر 💛
      دلعي نفسك وعززي أنوثتك فيه 💕

      Delete
  7. جوك روقان جد حبيت الإجابيه فيك إنك قالبتها وقت روقان ودلع بدل التنفيس حلو , قررت راح أسوي لي جدول لهالوقت بالذات أحط لي فية أنشطة , أني واي تصدقي أن هالوقت من الشهر أصير أحب أمشي جد أحس حتى أن الدم يسيل بشكل أفضل أقول تنظيف للرحم وأحس يخفف الألم , وهالوقت جد وقت تختيم الأفلام والمسلسلات
    شكراً روان ورببي يوفقك

    ReplyDelete
    Replies
    1. صحييح أصلًا هذا الوقت النفسية لحالها تحتاج المشي وتغيير الجوو كمان 👍👍
      ويسعدك ربي جوود 💕

      Delete
  8. عجبتني جدا طريقه سردك لروتينك حمستيني افعل مثلك وكلامك كله ايجابيه شكرا لكي حبيبتي 😍

    ReplyDelete
  9. عجبتني جدا طريقه سردك لروتينك حمستيني افعل مثلك وكلامك كله ايجابيه شكرا لكي حبيبتي 😍

    ReplyDelete
    Replies
    1. شكرًا لك ريما هذا من لطفك 😍💓💓

      Delete
  10. شكرا انا اريد انضم للمدونه تبعتكانه عندي نصاح رووعه وافكار اشلون اصير مدونه ع كوكل انا اكتب قصص وانطي نصائح للكتاب ارجوا تردين وبالمناسبه تهبلين انتي حبيت الموضوع

    ReplyDelete

Top