** ملاحظة: كتابتي لهالتدوينة هو انعكاس لرأيي عن المنتجات والخدمة في وقت كتابتها (مارس 2017) فقط، وما جربت أشتري منهم بعدها. فإذا ناوية تشترين من مودانيسا؛ أنصحك تقرئين تجارب حديثة أكثر.
السلام عليكم والرحمة جميلات 💗
في بوست تجهيز شنطة السفر للإبتعاث، تكلمت عن الحجابات والشغلات هاذي..
ومن فترة وأنا أحوس في الحسابات والمواقع إللي توفر حجابات بخامات مرره كويسة وأسعار معقولة 🙏
طبعًا كانت رحلة البحث شاقة، لأني كل ما لقيت موقع أو حساب يكون فيه بلا 😅 يا إنه الخامات أو الألوان اللي أبغاها مو متوفرة أو إن الأسعار مررره ظربة! أو إني ألاقي شي مرة كويس من إلى، بس بالأخير يطلع سعر الشحن إلى أمريكا أغلى من أسعار القطعة 10 مرات 😶😶😶😶💔
فسألت أحد الزميلات هنا بسياتل مرره كان يعجبني مظهرها ونوعية لبسها أنيق وبنفس الوقت واضح إنه مخصص لمحجبات من كل النواحي، فرشحت لي موقع Modanisa.com
<< هو مر علي اسمه أثناء البحث بس مدري ليه كنت متجاهلته لأني لمن دخلت الموقع انخبلت ببساطة 😶💗
إيش سالفة هالموقع إللي خبلك يا روان؟ 😂
هو موقع يجمع براندز ومصممين من تركيا، يستهدفون بالدرجة الأولى المحجبات، فتلاقين بالموقع كل قطعة ملبسية ممكن تتخيلينها لكنها مخصصة للمحجبات إبتداءًا من ملابس الرياضة والسباحة إلى فساتين المناسبات..
طبعًا الصناعة والخياطة كلها في تركيا << إللي يفهم كثير بالأقمشة يعرف قد إيش جودة الأقمشة التركية عالية! 💛
طبعًا دخلت الموقع والنية كانت حجابات + أمطة بلون أساسي 😏
لكن الموقع صدق يلحس المخ، والصدق إني أول مره عبيت السلة بذمة وضمير.. ورجعت اليوم الثاني صفيت اللي ما احتاجه لأنه يومتها كنت أشوف إني أحتاجها كلها 👳
<< الأسعار كانت حاجة ثااانية! 😭😭😭😭😭
بس بأحط كل شغلة وسعرها تحتها عشان تحسون بكمية المفاجأة إللي حسيت فيها 😭💓
*تقدرين تضغطين على اسم كل قطعة وتشوفين تفاصيلها بالموقع*
،
،
وصلتني شحنتي من تركيا إلى بيتي بعد مرور 6 أيام على الطلب ✈
⚠ الشحن مجاني حاليًا ⚠
هيا بنا كوميساان هيا لنعرف الحقيقة هياااااااا
كنت طالبة ثلاثة حجابات بألوان رسمية
الحجاب الأسود: 2.91 دولار أمريكي فقط 😄
الحجاب الزيتي: 2.91 دولار أمريكي
الحجاب النود: 10.55 دولار أمريكي
*زوووووم عالخامات*
الزيتي ميزته إنه شويه واقف يعني مرره حلو لو ودك تسوين مثلث من فوق يعطي وجهك طول إذا حابه ✌
النود قطن خفيف ستريتش يمسك مره وثابت 👌
بالنسبة للأمطة / البونيه، من قبل كنت أستخدم اللي تجي مفتوحة من ورا، حبيتها واشتريت منها لونين.. ووبالموقع شفت البيضاء خطر ببالي أجربها للنادي ألبسها تحت الهودي 👀
<< إذا كان شعرك طويل ما أتخيل إنها بتكون عملية زي المفتوحة من ورا
* زوووووم إن عالخامة *
<< إذا كان شعرك طويل ما أتخيل إنها بتكون عملية زي المفتوحة من ورا
* زوووووم إن عالخامة *
البونيه البيج: 2.50 دولار أمريكي
البونيه السوداء: 2.50 دولار أمريكي
البونيه البيضاء: 2.07 دولار أمريكي
،
تصيح أسعارهم والا ما تصيّح؟
،
،
بالأخير دخلت قسم ملابس الخرجات وجا على بالي أخذ توب كوت يكون طويل، يعني نص الساق أو فوق الكاحل ويكون القماش خفيف بنفس الوقت لأيام الدفى..
طبعًا الأشكال عندهم ماا تنتهي، ما بين الرسمي والكاجوال والشتوي والرياضي.. عاد لقيت واحد حسيته يمثلني 😭
حسيته يقول روان خذيني! 😭💘 اللون / الخامة / الموديل كل شيء كل شيء..
خن أوريكم بس 💖
<<
على فكرة ممكن تكون المقاسات التركية مو واضحة وما تعرفين إذا هي زي الأوربيه لازم تاخذين مقاس أصغر وإلا زي الصينية لازم مقاس أكبر 😅 فعشان تتفادين التوريطات خذي شريط متر وقيسي (حول منطقة الصدر / الخصر / الأرداف)
وبتلاقين في الموقع جدول قياسات (size chart) يعطيك المقاسات حقتك وإيش يقابلها مقاس تركي..
* صورة كاملة للبس *
المهم المهم المهم، 💞
جودة الأقمشة والخياطة أبهرتني جدًا لكن ما أستغربها على الصناعة التركية << بس لسى مصدومة من الأسعار! هههههه
يعني صراحة من إللي شفته قررت يكون هذا الموقع خياري الأول سواء وأنا في أمريكا أو حتى إذا رجعت السعودية وأبغا أشتري ملابس سفر 💛
وو صح نسيت أقول إن الموقع يدعم اللغة العربية: http://www.modanisa.com/ar/
وكمان يوصل للسعودية كمان 💖
يعني صار تقدرين تكشخين وبحشمة 😉
أحلى من كذا؟ 😪💘
يلاااا
فوتتكوا بعافية 🐰💜
_____________________________
🎀
يعطيك العافيه روان ..
ReplyDeleteمن فتره قبل اسافر دخلت و حست فيه
و مثلك بالضبط انصدمت بالاسعار
مقارنه باللي عندنا .. و حتى الموديلات
حبيتها كثير بس ترددت و صار ماعندي
وقت اطلب و اضطريت اخذ جاهز من السوق
لكن المره الجايه بجربه حمستيني بعد تجربتك
شكراً جزيلاً 💓
ربي يعافيك يا سكّر 💗
Deleteجد أنا كل اللي عندي من السوق العادي أختار موديلات تناسب طريقة لبسي..
بس لمن شفت الخيارات في الموقع مرره تحمسست اخذ لبس يعمل بعمل العباية بس مو عباية يعني ألبس تحتها أي شي ههههه 😍😍
ويسعدني إن الموضوع حمسك 😍
💗💗
جميييييييييييييييل الموقع والأقمشة التركية زي ما قلتي خامتها مضمونة وتجنن ، والتوب كوت يجنن ما شاء الله تلبسيه بالعافية يارب :)
ReplyDeleteفعلا الأقمشة التركيه ذات جودة عاالية بس السعر خلان أتخوف بالبدايه فما جازفت بقطع كثيرة..
Deleteلكن من كثر ما عجبني الموقع كتبت عنه وقمت أحرج عليه عند كل احد يبغا يسافر 😂😂😂
وتسلمين ميمي عالتعليق الجميل وربي يعافيك يا سكّر 💗
راح اجرب اشتري منه ان شاء الله
ReplyDeleteوأنا واثقة إنك راح تلاقين فيه اللي يعجبك 😉👌
Deleteالسلام عليكم ، هل لما وصلت القياس طلع نفس السايز شارت ولا اصغر لانو بشوف تعليقات الناس بتكون اصغر وموعارفة اختار المقاس . شكرا
ReplyDeleteالسايز شارت فيه المقاسات بالسانتي متر والإنش.. خذي قياساتك وسجليها عندك وشوفي كم رقمها في السايز تشارت..
Deleteبالنسبة لي طلعت الموديلات والقصة ضاابطة علي 👌
انا راسلتهم على ايميلهم وعطوني جدول المقاسات ����
ReplyDeleteإن شاء الله يكون أفادك كثير ولقيتي مقاسك المناسب منه ❣️
DeleteThis comment has been removed by the author.
ReplyDeleteوالله من جد الموقع يجنننن
ReplyDeleteبس بسألكك كيف طلع مقاس الحجابات لأن لي فتره احوس عندهم ومتردده؟ وغير كذا الزيتي والأسود قماشهم شيفون ولا باشمينا ؟
مرره بحر هالموقع كل الاستايلات 😍😍
Deleteبالنسبة للحجابات طولهم ستاندرد -ما عدا الحجاب الوردي باودر طوله مترين- وقماشها فيسكوز يعني أبعد ما يكون عن الشيفون، ..
أنا مبسوطة جدا من الريڤيو دا لأني محتاجة اشتري حاجات قبل السفر ، و عجبني الموقع بس كنت مترددة لأني خايفة الموديلات والالوان متطلعش زي الصور
ReplyDeleteحمستيني ، شكرا روان :)
حاسة فيك 😘 كانت تجيني خيبات أمل من كثير مواقع لكن ممكن تخافين من أي شي صيني، بس المنتجات التركية جوودة صراحة وأناقة اعتمديها 👌
Deleteبالعافية يالغلا و تتهني
ReplyDeleteيا ليت تفيديني لأني حابة أشتري من هالموقع
العبايات تكون ضبط على الجسم و إلا فيها مجال من التفصال بحكم انها عباية
يعني لو كان قياس الصدر مثلا ١٢٠ و بشتري عباية آخذ بالضبط الرقم المقابل للقياس و الا احط فيها مجال ..
و شنو سالفة المقاسات اللي تحت كل منتج ..
أنا سألتهم و قالوا انو في اختلافات بين مقاسات المنتجات ..؟!
أتوقع لو انتي أخذتي العباية اللي بمقاسك بالضبط راح تطلع عليك بنفس اتساعها على العارضة..
Deleteيعني شوفي صورة العباية على العارضة، وقرري إذا يعتبر اتساع العباية مناسب عليها.. فانه راح يطلع نفس الشي عليك لو اختي مقاساتك..
أتمنى يكون ردي أفادك 🌹
مرات يكون المنتج على عارضة مقاسها مختلف و هنا المشكلة
Deleteعزيزتي من بعد إذنك جميل اللبس حقك
Deleteإذا ما عليك أمر ممكن تعطيني الرمز حقه حابه أطلب لي مثله ..
أأبشري ❣
Deleteهذا رمزه في الموقع: 259215
بس أتوقع مخلصة المقاسات، بتلاقين مقاسات منه بألوان مختلفة
انا ماعم لاقي جدول المقاسات من وين الاقيه ؟؟
ReplyDeleteلمن تفتحي الصفحة على القطعة اللي حابة تشتريها، راح تلاقي كتابة صغيرة على جنب عند خيارات المقاسات..
Deleteمكتوب عليه جدول المقاسات أو Size chart
يا قلبي ممنوتك أنا و الله
ReplyDeleteمليون شكر لك ..
بس شلون أعرف إذا التوصيل مجاني أو لا ..؟!
ولاااوو 💖
Deleteتوني دخلت على الموقع ويبدوا إنه عرض التوصيل المجاني إنتهى! ☹
يعطيك العافيه عالريڤيو البسيط والحلو
ReplyDeleteبس بسالك هل فيه استرجاع وتبديل او لا ):?
ربي يعافيك 🌹🌹
Deleteهو ضروري كل المواقع يكون عندها استبدال وترجيع، لكن ما عندي خبر عن سياسة الموقع لهالخدمة.. تقدرين تلاقين معلوماات أكثر في موقعهم أو لو تواصلتي مع انستقرامهم العربي
حبيت أختياراتك للألوان وحبيت الموقع
ReplyDeleteمرره شكرًأ لك 😍💓
Deleteفعلًا الموقع مرتب وفيه خيارات كثير حلوة
السلام عليكم و رحمة الله و بركاته ، مساء الورد للحبيبات الغاليات ، كيف الحال رونا العسل عساك طيبة لبى قلبك حبيبتي فديتك ، بس عندي ملاحظة صغنونة يا قمر اتمنى تتقبلينها ، يا حبيبة روحي الجنة غالية ، و تحتاج نبذل لأجلها ، فالحجاب الشرعي ما هو كذا ، الصور اللي انتي حطيتيها يا عسل هي صور لملابس محتشمة لا اكثر و لا اقل ،لكنها حجاب شرعي ؟ لا والله ابدا ، و المفروض اننا نثبت على هويتنا الاسلامية ، ما يصلح يا جميلات في السعودية عبايا و نقاب و برة نتخلى عنهم ، ما يصلح ، الله يعافيكم و يوفقكم لما فيه مرضاته
ReplyDeleteوعليكم السلام والرحمة يسعد أوقاتك جميلتي 💞
Deleteشكرًا مرره لك وعلى كلامك الراقي اللي دخل قلبي من أوسع أبوابه، أتفق معاك في كلامك لكن حابة أوضح شغلة بسيطة إني فعلًا أسعى دائمًا أكون محتشمة في كل مكان أروح له مع البعد عن التميز والشذوذ عن سكان البلد، لذلك وأنا في السعودية ألبس عباية ونقاب وكذلك في دول الخليج، وفي الدول الاسلامية اللي ما تعترف بالعباية ألبس فيها عباية ملونة ولثام، وفي الدول اللي ما تعترف بالغطاء أسعى إني أكون محتشمة بالمستطاع وما أشذ عن الشكل العام في البلد حفاظًا على نفسي في الغربة 🌸
وربي يسعدك ومتشكرة مره ثانية على دعواتك وكلامك اللطيف غاليتي 🌹
يعطيك العافيه روان
ReplyDeleteالموقع كنت بتعامل معهم من سنوات طويله بس بالفتره الاخيره ومن سنه ونص تقريبا شعرت ان بضاعتهم ما عادت ترضي الاذواق زي اول
صرت حس ان الفساتين والتونيك وغيره مشرحشه ومبدهله مش حلوه ابدا ابدا ابدا وغريبه ع بشعه ههههه
صراحه انا هلا عم اتعامل مع موداسلفم
modaselvim
الموقع فيه اشياء راقيه وتبهر جد خصوصا الفساتين احلى مرررررره من مودانيسا
ربي يعافيك ❣
Deleteحساافة والله، أنا صار لي مدة طويلة ما قد اضطريت آخذ من عندهم شيء بس كان المميز فيه إنه يجمع مصممات مره كثير..
بصراحه فعلا فعلا مصدومه من خامته الرديئه جدا وعدم الصدق في الالوان.. يعني كل اللي بالصور عندهم الوان معدله..البضاعه مو نفس الصوره.. حسافه طلبت منهم بملابس للعيد ع اساس موقع تركي والخامه تجنن لكن للأسف انصدمت صدمه عمري.. 💔 💔 حسبي الله ونعم الوكيل
ReplyDeleteجد لاحظت مؤخرًا كثير شكاوي على جودة منتجاتهم، حتى لو تلاحظي التعليق اللي قبلك كانت تشتكي من نفس الشيء.. حمستيني أكتب تنويه عن تاريخ التدوينة عشان ماحد ياخذ على نصايحي اللي كانت على منتجاتهم قبل 3 سنوات..
Deleteربي يعوضك خير يارب
This comment has been removed by the author.
ReplyDelete
ReplyDeleteالسلام عليكم .. جربتوا ترجعوا منتجات لموقع مودنيسا .. وكم كلفكم الشحن؟؟ وعن طريق اي شركة شحن؟