كيف تتخلصين من القلق والتوتر ~🔮 | خطوات وتجارب شخصية 🌧

في فترة عدت علي بحياتي كانت نحيييسة، تنذكر وما تنعاد 😞 عانيت فيها من القلق

ما كان شعور لحظي ويعدّي، لكنه للأسف لازمني أيام إلين صار ينعكس هالشي حتى على بشرتي وغذائي وكل شي حولي تقريبا..

إلين استوعبت إننه هييييه! يللا شوفي لك حل.. وفعلًا قعدت أبحث وأقرا مقالات وتجارب وكل شي وكل شي ومررره استفدت منها ياارب لك الحمد، حتى قبل فترة لمن استجد أمر في حياتي ولاحظت أعراض القلق تظهر فيني زي تسارع نبضات القلب، قصر التنفس، أرق، انسداد الشهية والشعور بالغثيان وغيرها.. قدرت بعون ربي إني أسيطر عالوضع وأوقف هذا الشعور السيء من السيطرة علي 🌀

إذا كنتي تمرين بهالتجربة والمشاعر هاذي إعرفي إنك مو لحالك هنا.. تعاالي بالأحضان 💓

أيًا كان ما تمرّين فيه، لازم تعرفين إنه هذا الوقت سيمضي 🌱 الأحداث السريعة والنقلات الكبيرة بحياتك والضغوط المتراكمة عليك راح تغير منّك للأفضل لأنه ببساطة إنتي قدها وربي ما راح يحطك في موقف إلّا وهو أعلم بإنك قادرة على تحمله وتجاوزه.. وزي ما يقولون الظربة اللي ما تقتلك تقويك فلازم تحطين في بالك إنك أقوى من كل الظروف وراح تتغلبين عليها بإذن الله 😉

كل ما راودتك زحمة الأفكار وبديتي تحسين بضيقة بصدرك وتوتر، طبقي هاذي الخطوات والأفكار البسيطة اللي مع الاستمرار عليها راح تفيدك زي ما أفادتني في كثير أيام  🌠

في هالوقت، جربي الحين تسوين هالتمرين البسيط وانتي قاعدة مكانك.. ☁

اجلسي جلسة مريحة وغمضي عينك، ارخي عضلاتك خذي نفس عممييييييييق من بطنك زي البيبيات، حطي يد على بطنك ويد على صدرك وركزي في حركة بطنك أثناء الشهيق والزفير.. خذي شهييق لمدة أربع عدات، وامسكي نفسك لمدة ثلاث عدات وبعدين زفيييير من الفم بشوويش لمدة أربع عدات.. استشعري إن الأكسجين دخل في كل حويصلاتك الهوائية، اطردي أي فكرة تجيك في هالأثناء بس تنفسي بعممممق، وقتها راح تحسين إنه عقلك قاعد يصير فيه زحمة أفكار، بس الحقيقة إنه العكس؛ عقلك قاعد يستوعب شكثر هو مليان ويحتاج يطرد هالأفكار ويرتاح شويا.. لااازم تقاومين الرغبة في التفكير بأي شي، أول ما تستوعبين إنه عقلك راح مع سالفة معينة؛ حالًا قفي التفكير فيها وارجعي ركزي بتنفسك.. 

يالله شكثر هالتمرين يريييييح! تمرين مجاني ومريح وما يحتاج معدات ولا شيء.. كل ما خطر في بالك جربيه مره راح تحسين بالفرق خلال وقت قصير 👌

الشيء الثاني اللي مهم تسوينه عشان تتخلصين من القلق: حلّي مشكلتك!

شوفي إيش هالشيء إللي قاعد يسبب لك هالقلق والتوتر، وقفي وقفه جادة مع نفسك وحلّي السبب.. إذا كان اللي موترك ضغط أعمال؛ إبدأي الحين سوي لك خطة للإنجاز وحطي تاريخ تنهين فيه شغلك وابدأي أنجزي!

وإذا كان سبب توترك مشكلة اقتصادية أو مادية ابدئي اشتغلي عليها، شوفي بدائل توفر عليك، قللي استهلاك، ابحثي في مهاراتك ومواهبك وامكانياتك المتاحة الشيء اللي تقدرين تستغلينه ليكون مصدر دخل..

الزبدة شوفي لك حل!.. أمّا إذا كانت مشكلتك مالها حل، لازم تستوعبين وتحطين في بالك إنه فعلًا مالها حل 👀  لازم تشوفين الجانب المشرق منها وتتخطينها إنتي أقوى من كل الظروف إذا ما كان عنندك فكرة 💭 يمكن إنتي مصدومة وتحسينها نهاية العالم لأنه أول مره يحصل لك هالشيء.. بس الحقيقة إنها مو نهاية العالم 😅 << الحقيقة المُرّه!

أستشعر كمية الألم إللي تحسين فيه، لكن موقنة إنه باقي يمر الوقت ولمن تتذكرين هاذي المشاعر بيجيك شعور إنه يووه ما تسوى علي كل البهذلة اللي مريت فيها.. تذكري مواقف قديمة مرت عليك ووكيف كنتي تحسين بألم وانك ما تتحملين اللي قاعد يصير وشوفي انتي كيف الحين تخطيتي الوضع وصار من الذكريات 💖

قد يكون كلامي شويا جاف في الأعلى، لكن نصيحتي اللي باكتبها لك الحين راح تلطف عليك الكثيييير 💜

سبب قلقك هو أفكارك الكثيرة اللي في راسك، لازم تفرغين هالأفكار، إذا ما كان عندك أحد تثقين فيه وبنصايحه تفضفضفين له؛ جربي اكتبيها على ورق، اكتبي كل شي تحسين فيه وكل المواقف اللي مضايقتك وليش ضايقتك وكل أحد كان السبب عادي حتى لو تبغين تسبين كل شي تبغين اكتبيه خذي راحتك.. وبعدين احرقي الورقه / قطعيها / غرقيها / سوي فيها عمل فني.. إللي هو.. راح تحسين بعدها بشعور مرييييييح جدًا!

بس لو تبغين الطريقة إللي تعطي أريح شعور على الإطلاق؟!

توضي وافرشي سجادتك في مكان منعزل وعطريها وصلي ركعتين، اسجدي لربي وافتحي قلبك، احكي له كل اللي تحسين فيه فضفضي بطريقتك مو لازم ترا تدعين بالعربي الفصيح! ربي أدرى باللي بقلبك، اشكي له وادعيه واطلبي منه يقويك ويساعدك ويعينك، اطلبي منه كل شي يخطر على بالك لأن عطاؤه الكريم ماله حدود، هو يعرف شكثر إنتي متضايقة وتتألمين من داخلك وهو الوحيد إللي يقدر يحل لك كللللل شيء بمجرد "كن" 💗 استشعري بهاللحظة إنك فعليًا أمامه تشكين وتبكين ووتطلبين العظيم الكريم.. مستحيييييييييل أوصف لك الشعور اللذيذ اللي بتحسينها بعد الصلاة، راح تحسين قلبك نظيييف وصدرك واسع مدري كيف.. مدري كيف.. بس جربيها 💝

من الأشياء اللي ممكن تسوينها ومثبته علميًا إنها مرره تريح وتشيل التوتر هو الرسم والتلوين.. 

ألاحظ في كتب أختي الكبيرة خربشات أو ما تسمى بـ doodles ولمن أسألها متى كانت تسويها ألاحظ إنها تصدف في وقت يكون عندها اختبار، هي صراحة تسويها بدون وعي ههههههه تقعد تسرح وترسم دهاليز ونقوش وكذا، ما كنت أدري إنه هالحركة تصفي الذهن فعلًا، جربي أرسمي رسمة بقلم فيها تفاصيل صغيرراه، أو لوني في الدفاتر المخصصة للتلوين << طلعت هبة قبل فترة صرت أشوفها بكل المكتبات 💫  إذا ما قدرتي تقتنينها أو ترسمينها جربي اطبعي وحدة ولونيها وخشي جو واسرحي بافكارك فيها 😇 🎨

في خضم الأحداث اللي قاعدة تصير راح تستوعبين فجأة إنك نسيتي نفسك وأهملتيها << أتحدى لو العكس! لأنه وقتها تكونين ببساطة ماالك خلق تسوين شيء أصلًا 😇

فأحد الطرق اللي تساعدك تتخلصين من التوتر والقلق هو إنك تدلعين نفسك -باللهي ما تستاهل؟ 😋- ، روحي سوي مساج، سوي بودي كير وموني كير.. خذي لك باث دافي وحطي فيه زيوت عطرية وأملاح، نقي بشرتك ورجعي لها حيويتها بماسك ، حطي مناكير بالألوان اللي تحبينها، خليك مرتبة لا تلبسين بجاما وخلاقين في البيت حتى لو كنتي لحالك ومحد في الكون بيشوفك -تستاهلين تكشخين لنفسك- رشي جسمك بعطرك المفضل.. بس كذا دلعي نفسك وسوي لها سبا منزلي🍓
أشياء بسيطة ومتاحة تسوينه بس ما تدرين شكثر تعدل في النفسية 😍💓

عاد تعرفين صدق صدق صدق إيش أحسسسسن شيء تسوينه لمن تحسين بالقلق والتوتر أو حتى لمن تكون نفسيتك مااش مو على بعضها؟ إنك تتحركين 👣

إنك تتحركين هي عبارة عامة، لكن اللي أقصده مو انك تحركين اصبعك على شاشة الجوال 😅 لأ لأ لأء
قومي امشي، امشي امشي امشي، حبذا لو مكان مفتوح برا البيت، خذي نفس عميق خلال مشيك واقطعي مسافاات، راح ترجعين وانتي راااايقااااه! 😍 تدرين ليش؟ أول شيء لأنك غيرتي جو / والطاقة راحت لعظلاتك وعظامك وانتي تمشين / والأهم هنا إنه هالمشي والمجهود اللي بذلتيه راح يرفع عندك هرمون السعادة (السيروتونين) وكمان هرمون (الاندروفينز) وهالهرمونين ارتفاعهم وانخفاضهم مرره يأثرون في النفسية وزيادتهم تجيب السعادة وتقلل التوتر والاصابة بالاكتئاب وكمان تقلل من حساسيتك اتجاه الألم 💓
بتقولين ما أقدر أطلع برا / مافيه أماكن مهيئة / ماحد يوديني / الجو خايس.. بأقول لك جربي غيري ترتيب غرفتك مثلًا.. اسحبي المرتبة، دفي السرير وغيري مكانه، شيلي الشراشف وبدليها بوحدة نظيفة، غيري مكان تسريحتك أو شوفنيرتك، لو ثقيلة طلعي الأدراج منها قبل ما تحركينها، راح تنصدمين من القرابيع والأشياء الملخبطة فيها، فظيها وأعيدي ترتيبها، تخلصي من الأشياء اللي مالها سنع ورتبي كل شيء بطريقة تحبينها وترتاحين لها.. مسحي الأسطح واكنسي الأرضي وامسحيها لو هي مو مفروشة.. خلصتي ترتيب؟ جيبي عطر أو معطر مفارش وبخي على أثاث غرفتك وولعي بخور أو شمعة أو اللي تبغين.. اللااااااااااااااااه أنا خقيت عالشعور وأنا أكتب ههههههههههه هنا انتي مو بس سويتي رياضه ومجهود يرفع لك السيروتونين والاندروفينز بس! انتي صار بامكانك تستمتعين بمكان نظيف ويفتح النفس يخلي الملائكة تدخل << على قولة أمي لمن أرتب غرفتي 😂😂💘

خلال مرحلة التغيير هاذي ما راح أحكي عن الأكل الصحي وقطع المشروبات الغازية وعن كمية السكر والكافيين اللي تتناولينها خلال اليوم والنوم بدري وكمية المويا اللي تشربينها لأنه مرره بديهي هالشيء وأكيد إنك تعرفين هالسوالف وتأثيراتها على صحتك ونفسيتك وقد تكون في كثير من الأحيان هي السبب الرئيسي حتى!
* إذا كنتي تشكين بهالشي راجعي نفسك وشوفي روتينك الغذائي كيف صار خلال الشهر اللي راح كيف وبتعرفين 👽

كثييير من العلماء والباحثين في مجال علم النفس أثبتوا تأثير الروائح والعطور واستخدامها كعلاج لكثير من الحالات تحت مسمى الـ Aromatherapy أو العلاج بالروائح إن صحت الترجمة.. ففي حالة القلق والتوتر ينصح بأنك يكون زيت اللافندر / الخزامى رفيقك.. مو طبيعية استخدامات هالزيت اللي قريتها في علاج كثير من المشاكل الصحية! 💜
جربي تحطين قطرات من زيت اللافندر على المويا قبل ما تاخذين باث، أو تحطين قطرات من الزيت على منديل وتحطين المنديل تحت مخدتك قبل النوم 💤 برضو لو تحطين قطرات من الزيت في الفواحة المائية مررره بطله وحدة بوحدة للي يعانون من الأرق..
أو إذا تعانين من الصداع، جربي تحطين من زيت اللافندر على أصابعك أو كرة قطن وسوي فيها مساج على منطقة الصدغ، الريحة راح تعطيك الشعور بالاسترخاء وكمان الزيت مع حركة المساج راح يخفف عليك الصداع بإذن الله 👍

ووووو بالأخير،
كانت هاذي بعض من الخطوات والتجارب اللي كنت أسويها أثناء شعوري بالقلق أو التوتر أو حتى لمن أحس إنه نفسيتي خايسة فجأة << تعرفون هالشعور 🎃 بعضها كانت تعطيني مفعول فوري وسريع وبعضها أخذت مني وقت حبتين إلين صارت جزء من روتيني..

وانتم صديقاتي هل فيه أمور أو أشياء تحبون تسوونها لمن تكونون متوترين أو منفسين بشكل عام وتضبط معاكم؟

فووتتكوا بعافية 💆‍♀💅

____________________

🎀

  
   
   
   
   
   

8 comments تجربتي | Review, روتين ❣