البحث البحث البحث البحث (ما قبل الإبتعاث) \ الجزء الثاني ❣

مساء الخيرات أو صباح.. يسعد أوقاتكم جميعًا 😄❤

عشان أكون أكثر صراحة وأقول لكم من الآخر.. أبغا أرجع بعد سنين أقرا هالتدوينة وأقعد أتذكر وأتفكر وأتعجب وأضحك 😍
عذرًا إذا ما لقيتم أسلوب منمق أو صور إحترافية أو موضوع زي أي مدونة تقليدية 😊

المهم..
الحمدلله قررنا مبدئيًا على دراسة اللغة في مدينة سياتل اامممم اتوقع يلقبونها بمدينة الزمرد أو شيء زي كذا؟ مدري عاد بس المهم إنها المدينة التي جميلة ✨



دخلنا على موقع الملحقية الثقافية السعودية في أمريكا (المعاهد الموصى بها) << تقدرون تضغطون عالرابط يعني إذا ودكم تبحثون وكذا 🐒
اخترنا ولاية واشنطن \ مدينة سياتل \ وان المعهد يكون تابع لجامعة (عشان تكون الدراسسة أكاديمية) \  وإنها تدرس حاملي فيزا F-1 و F-2 / وأكيد يكون وضعها متاح يعني ما تكون مقفل للتكدس والا شي
تخيلوا عاد لقينا معهد جامعة واشنطن متاح!!! 😲 هو مقفل للتكدس من سنين حسب ما قريت لأنهم يقبلون نسبة معينة للمتحدثين العرب << عشان ما يتحول الكلاس تعليم اللغة العربية إذا فاهمين قصدي 😒
دخلنا موقع الجامعة وقعدنا نقرا عن برنامج اللغة وكان بططل وسمعته سابقته، طبعًا كل شي انبنى عليه.. وكنا من الوناسة نقعد نشيك كل فترة إذا ما زال متاح وإلا لا 💙

مرت الأيام.. الأسابيع.. يمكن الأشهر..
جت أيام الملتقى وعلى أساس بعدها بثلاث أيام بيعطون الطلاب الضمان المالي عشان يسجلون في المعاهد وما إلى ذلك.. ومرت ثلاث أيام.. أسبوع.. أسبوعين.. 3..4..5..إلخ
وجاء الفرج أرسلوا رابط لإصدار الضمان المالي للمبتعث، كان نظامهم إنه تختار من اللستة اسم المعهد عشان يضبطون نظامم مالي بحيث يكون مرسل للمعهد باسمه <<يارب فهمتم 👶
عاد ولمن فتحنا اللستة 💦
تترااااااااااااااااااااااااااااااااااااااااااااااام
ما لقينا المعهد 😊
الحمدلله إني من أول عندي بلان بي! 👑
اقترحت على زوجي معهد نورث سياتل كوميونتي كولج .. هو معهد لغة قوي أيضًا تابع لكلية مجتمع في شمال سياتل << تعرفون وش معنى هالكلام؟ 😍
معناااته إنه بيكون المعهد في الشمال 👀  والممناطق اللي عجبتني للسكن برضو في الشمال 👀!!
تخيلوا معي إني لمن فتحت قوقل ماب أشوف  المسافة بين السكن والمعهد لقيتها بالباص فقط ربع ساعة ومشي نص ساعة! 💃
ممرررررة شيء بططلل الحمدلله 💚
عاد بعد قراءات وبحث وكذا توكلنا على الله وطلبنا االضمان المالي وقدمنا على المعهد (لفصل الخريف) ودفعنا 50$ حق التسجيل، كان يوم الجمعة بالظهر أعتقدر وبالمساء جاء القبول ما شاء الله مره يعتبر سريع! وقالوا بنرسل ورقة القبول والآي توني (I-20) حالًا وبتوصل بعد 3-4 أيام! ياللهوول 😻😻😻

(لحظة إرسال الملفات للمعهد) <<عرفتوا ليه كانت لحظة حاسمة؟ 😁

وفعلًا وصلت الأوراقق ومن الحماس قلنا نشوف إجراءات استخراج الفيزا ومتى نقدم وقد إيش تستغرق وإيش المستندات المطلوبة <<عاد كانوا طالبين أصل كل الجوازات الجديدة والقديمة! عاد زوجي والله أعلم إنه تخلص من القديم أو مضيعة في مكان ما في المنزل.. عاد في هالحالة لازم يروح الجوازات ويطلبهم برنت وكذا 😪 االله يعينه!
المهم تعمقنا مررررة في القراءة إلين بالصدفة قرا زوجي موضوع مفاده إنه لازم المرافق يكون عنده آي توني لمن يروح السفارة أو القنصلية يقدم فيزا حتى لو ما كان المرافق بيدرس!! << وهالشيء أبدًا ما كان واضح هالشيء أبدًا وقت ما كان زوجي يسجل في المعهد يعني مافيه خيار أو شي يسأل إذا بيكون معاك أحد أو كذا لأنه المعهد هو اللي يصدر الآي توني للمرافق كمان! 👅
عاد تواصلنا من المعهد قالوا انتم الغلطانين ما علمتونا << يستهبلون صح؟!
المهم قالوا ادفعوا 50$ ثانية ونرسل لكم آي توني للدارس والمرافق وكذا 😒 قلنا أوكي..
عاد فعلًا إذا كتب ربي قد توصل الأوراق بكرا للبيت عن طريق شركة سمسا 👍
وأجلنا شويا موضوع استخراج الفيزا .. لسى قدامنا ما يقارب 5 شهور إلين موعد السفر 🎵

عاد أنا في عالم آخر الحين قاعدة أكتب شروط السكن 🐟
أبغاه كومبلكس يعني فيه جيم وفيه جلسات وفيه قرين ايريا يعني يا حبذا
وأبغا شقة صغنطوطة بغرفة عشان ما أضطر أكثر أثاث.. وعلى طاري الأثاث ما أتخيل إني بأثث دفعة وحدة 👷 أحس أهم شيء الأشياء الأساسية وبعدين الثانوية 🏠 يعني ممكن عندي أبدأ بمرتبة وصوفا وطاولة قهوة وبعدين أتوسع هه هه << ولهذا السبب قررت إني أدرس في فصل الشتاء بعد م آخذ عالوضع وأستقر نفسيًا وكذا يعني 🎅
إيه أرجع أحكيكم شروط السكن 🏰
أبغا يكون فيه تكييف زي ما يكون فيه تدفئة امممم أو عادي ممكن مراوح لأن سياتل بالأساس باردة وجوها شبه بارد صيفًا ⛄
ويا حبذا تكون الغسالة والمجفف داخل الشقة ما ودي في لاوندري يونيت مشتركة وسراا ولازم أقعد جنب الغسيل ومو أي وقت أغسل << عاد هم نظامهم إنه يكون عندك بطاقة تشحنينها من مكتب إدارة السكن، لكل غسلة أو تجفيف دولار ونص تقريبًا..
عاد أنا بعد أتخيل -بما إن سياتل مدينة جدًا ماطرة- أرجع من البيت ملابسي مبللة والشوز والشراريب وكذا شعور خايس وطبعًا مافيه شمس أجفف تحتها الملابس ومالي خلق ألبس وأنزل عشان أجفف ملابس كذا مدري يااربيييه شعور خايس أحس بالذات إذا ما كان الوقت مناسب وعطيت الملابس المبللة في سبت الغسيل وتجمعت وتطلع ريحة وكذا لاااااااااااااااعععع مررره لاااا🌵
وبالنسبة للأثاث الأثاث إللي هوا ممكن أشوف آيكيا وتارقت أو حتى تشاينا تاون <<لالا أستهبل في الأخيرة 👲
بس مدري أحس عادي راح أبحث في الأماكن التقليدية إللي يشتري منها الشعب العادي بس أهم الشي الكواليتي والذوق 😁💛
عاد أنا هالفترة طايحة في بنترست فخاااقة على فكرة إني أسوي أشياء بنفسي في شقتي << إن شاء الله الغربة تطلع مواهبي وأصير أنزل أشياء سنعة في المدونة 💛😻

عاد ههنا أحس قرقرت وأفصحت لكم عما في جعبتي أكثر من الجزء الأول أحس كنت رسميية مع نفسي أكثر 🐧 والحين أسولف سواليف وخوواطر وكذا .. وأتمنى صدق بعد ما تتيسر كل أمورنا أرجع لهالموضوع أشوف هل سويت زي ما ككنت أفكر والا شاءت الأقدار وأخذت منحنى آخر..؟!

يللاا نتوقف حتى هذا الوقت وأروح أشوف الكلاسيكو بنت والا ولد 💨
فوتتكووا بعافية 🌟

3 comments Dear Diary ✨