السلام عليكم والرحمة ✿
صباح الخير \ أو مساء الخير بما إنه حاليًا مساء عندي وأنا أكتب ☺
بما إنه صار لي فترة مو قصيرة أبدًا وأنا أتمرن منزليًا وصار التمرين جزء لا يتجزأ من روتيني اليومي، صار حتى لتماريني روتين أبشركم ♫ ♪
قبل ما أبدأ تمرين أكيد يكون فيه تهيئة ذهنية ونفسية وحركية كمان..
ونبدأ بعدها حركة حركة حركة وحرق وبناء عضل وتننفس سريع وتزداد نبضات القلب ويحتر الجسم ويعرق وإحنا نكمل بسعادة وشعور بالرضاء ونحرق سعرات الدوريتوز والفلوتس << اشتهيتها وأنا أوصف ☻ بس لاااا ممنوع!
خلصنا تماريننا لليوم..
أنا شخصيًا بعد ما أخلص وأنسدح وأتمغغطط لاااززم أشوف شكلي! مدري ليه مع إنه ما يونس كثير ☻
صحيح شكلي وأنا أتمرن يبسطني أحس إني جدد مسوية مجهود بس بعد التمرين حفففلة!!
وجهي يكون مححممر وبطبيعة الحال معرق ولسبب أجهله شعري يصير كذا ✴
إذا كان عندي وقت كفاية الإستحمام بعد الشاور بيكون خيار أول بس بحكم إني أستحم صباحًا بشكل شبه يومي فيفضل في هاذي الحالة لبس كاب على الراس لتغطية الشعر عشان ما ينعدم ويتقصف ✓
وفيه حالات أبدًا ما يكون فيه وقت وبرضو نحتاج نكون ريفريشش!
هنا بأطرح منتجين أنا جدًا ممتنه لهممممممممممم ♥♥♥♥♥♥
الأول عاليمين: dry shampoo = الشامبو الجاف
هذا الإختراع إللي كنت متقبلته إلين ما جربته! ♥♥
هو فكرته إنه زي البودرة المضغوطة وتبخينها على جذور الشعر وزي ماهو معروف عن البودرة إنها تمتص الدهون
وهالشي عشقققققته بعد التمارين بشكل يعوور القلب ☹ ♥
بعد ما أتمرن أفك شعري وأبدأ أبخ شويا شويا من عند الجذور بشكل عشوائي مع التركيز على المنطقة الأمامية عشان ما تتخصل بعد التعرق.. حللووو ..
أوصف لكم الشعووور كيف وانتم تبخون؟؟
شي بااااااااررررررد على الفرروة شعوور منعششش أحتاجه بعد التمارين خصوصًا لمن يكون جسمي وبالذات راسي ومنابت شعري حاارة! + الريييحة تجججنن ما ودك توقفين أصلًأ! ♥♥♥♥♥♥♥
وبعدها حركي بأطراف أصابعك على الجذور ووو تفاجئي باختفاء المظهر المخصل !!
طبعًا الدراي شامبو أو الشامبو الجاف ذكرني بالبي بي كريم بالهبة..
يعني راح تلاقين كثييير شركات منتجته، أنا أول ما شفته كان في صيدلية بوتس وأظنه من منتجاتهم وتكلموا عنه كثير يوتيوبرز أجانب، لكن إللي أخذته أنا كان من الدانوب وأعتقد ممكن تلاقونه في أي هايبر ماركت وصيدلية كبيرة (وأعتقد إني ما راح أجرب غيره نظرًا لحجمه وسعره مرره جيد وتجربتي معاه بطططلة ♥ )
إإيييه صح فيه حركة مرررة جمميلة تقدرون تستخدمون فيها الدراي شامبو وشعركم نظيف وتعطي الشعر مظهر كثييف!
بإمكانك بعد الإستشووار أو الستريتنر أو حتى الويفي فير تدنقين تحت وانتي واقفه وتبدأين تبخين في الجذور يعني تسوين فرقه وتبخين عليها بعدين تسوين فرقه جنبها وتبخين عليها وبنفس الطريقة بأطراف أصابعك توزعين البودرة على الجذور وانتي مدنقة وبعدها ترفعين راسك بتلاقين فيه حجم من عند الجذور بيعطي كثافة لشعرك بطريقة صالونات ♥♥ لازم تجربونها!
.
.
نرجع لمحور حديثنا ♫
.
نرجع لمحور حديثنا ♫
نجي عند المنتج الثاني إللي يخقققق ♥
طيب بعد ما فكينا شعرنا وحطينا عليه الدراي شامبوو وبردت فروتنا ورجعت لها الحياة، نجي نبدل ملابس الرياضة لكن..
قبل ما نلبس نجي للسبراي الفتنة هذا ونرشه على كامل الجسم مع الشعر ونمسح على البشرة!
*لحظة إنتعاش من فضلكم*
ما يحتاج أوصف الشعور! لكن بأحاول أوصف المنتج هذا أخذته أنا من موقع iPure-store.com <<ادخوا الموقع وشوفوه
ميزته إنه سبراي مائي يعني تعطرين فيه جسمك، شعرك، لبسك، سريرك، شنطتك، شوزك، حتى لو كتابك المفضل أو دفترك!
ما بتغير شي عليك غير إنه يضيف ريحه ورد خفيفة ومنعششة (عاد إللي تعرف روائح المنتجات الكورية بتعرف شكثر تخقق ريحتها)! ♥
أخيرًا وليس آخرًا~
هاذي خطوات بسيطة لما بعد التمارين ترجعك لحيويتك وتشيل منك مظهر التعب والإرهاق اللي يصحبك بعد التمرين، في حالة ما كان عندك وقت للشااور فهاذي الخطوات أضمن لك عن طريقها تعطيك الإنتعاش إللي تحتاجينه.
.
.
ولا تنسي تسوي لك بروتين شيك بارد وكملي شعور الإنتعاش وادعي لي ☺ღ
0 comments:
Post a Comment